ຕາມການແບ່ງປັນຂອງທ່ານ ເຈີນແທງຮວນ, ຫົວຫນ້າກົມການພົວພັນຕ່າງປະເທດ ( ສັງກັດກະຊວງການຕ່າງປະເທດ ຫວຽດນາມ) ແລ້ວ, ປີນີ້ແມ່ນປີປະສົບກັບຄວາມຫຍຸ້ງຍາກສຳລັບທຸກຄົນ, ສະພາບການໂລກລະບາດໂຄວິດ -19 ແມ່ນສັບສົນ ເຮັດໃຫ້ການເຄື່ອນໄຫວຂອງບັນດາວິສາຫະກິດ ຖືກຢຸດສະງັກ. ລັດ ແລະ ລັດຖະບານ ຫວຽດນາມໄດ້ ແລະ ພວມມານະພະຍາຍາມຊອກຫາບັນດາມາດຕະການ ເພື່ອຄວບຄຸມໂລກລະບາດ, ຊ່ວຍບັນດາວິສາຫະກິດກັບຄືນສູ່ການເຄື່ອນໄຫວເປັນປົກກະຕິຄືນໃຫມ່.
ຜູ້ຕາງຫນ້າຫ້ອງການການຄ້າ ເອີລົບ, ຫ້ອງການການຄ້າ ອີຕາລີ ແລະສະຫະສະມາຄົມວິສາຫະກິດ ສ.ເກົາຫລີ ປະຈຳ ຫວຽດນາມ ລ້ວນແຕ່ມີຂໍ້ສັງເກດວ່າ ເພື່ອຜ່ານຜ່າໂລກລະບາດໂຄວິດ -19 ແລະ ບໍ່ປະໃຫ້ເກີດຜົນຮ້າຍຢ້ອນຫລັງອັນຫນັກຫນ່ວງຕໍ່ເສດຖະກິດ, ຫວຽດນາມ ຄວນໄປຕາມທິດ ເພີ່ມທະວີການສັກວັກຊິນກັນໂຄວິດ -19 ເພື່ອນຳການຜະລິດກັບຄືນສູ່ສະພາບປົກກະຕິຄືນໃຫມ່, ຫລິກລ້ຽງການເຮັດໃຫ້ລະບົບສະຫນອງຖືກຕັດຕອນ ກໍຄື ບໍ່ປະໃຫ້ພາດກາລະໂອກາດດຶງດູດບັນດານັກລົງທຶນຕ່າງປະເທດເຂົ້າມາຫວຽດນາມ.
(ແຫຼ່ງຄັດຈາກ VOV)
