(ພາບປະກອບ: AFP/TTXVN)
ທະວີບ ອາເມລິກາ ສືບຕໍ່ແມ່ນຈຸດໃຈກາງຂອງໂລກລະບາດໃນໂລກ. ຢູ່ພາກພື້ນ ອາເມລິກາ ລາຕິນ ແລະ Caribe, ຈຳນວນຜູ້ຕິດເຊື້ອໃນພາກພື້ນນີ້ ໄລ່ຮອດວັນທີ 20 ມິຖຸນາ ໄດ້ລື່ນກາຍ 2 ລ້ານຄົນ, ຂຶ້ນເຖິງ 2.007.621 ກໍລະນີ. ໃນນັ້ນ, ບຣາຊີນ ໄດ້ກວມເຖິງເຄິ່ງໜຶ່ງ. ບຣາຊີນ ແມ່ນປະເທດໃຫຍ່ກວ່າໝູ່ຢູ່ ອາເມລິກາ ລາຕິນ, ຖັດຈາກ ອາເມລິກາ ເທົ່ານັ້ນ ກ່ຽວກັບຈຳນວນຜູ້ຕິດເຊື້ອ 1.067.579 ກໍລະນີ. ເມັກຊີໂກ ແມ່ນປະເທດ ຮັບຜົນສະທ້ອນຢ່າງໜັກອັນດັບທີ 2 ໃນພາກພື້ນ ກ່ຽວກັບຈຳນວນຜູ້ເສຍຊີວິດດ້ວຍ 20.781 ຄົນເສຍຊີວິດ ແລະ 175.202 ກໍລະນີຕິດເຊື້ອ.
ມາຮອດປັດຈຸບັນ, ອາເມລິກາ ໄດ້ຢັ້ງຢືນມີ 2.330.578 ກໍລະນີຕິດເຊື້ອ ແລະ 121.980 ກໍລະນີເສຍຊີວິດ.ສ່ວນຢູ່ທະວີບເອີຣົບ, ສະພາບການໂລກລະບາດໂຄວິດ - 19 ຢູ່ເຢຍລະມັນມີການຜັນແປທີ່ຊົ່ວຮ້າຍລົງ, ພາຍຫຼັງອຳນາດການປົກຄອງທ້ອງຖິ່ນໄດ້ກວດພົບມີບາງເຂດເກີດໂລກລະບາດໃໝ່ ດ້ວຍຈຳນວນຜູ້ຕິດເຊື້ອໂຄວິດ - 19 ຂຶ້ນເຖິງນັບພັນຄົນ ຢູ່ລັດ North Rhine-Westfalen.
ຢູ່ຕາເວັນອອກກາງ, ກະຊວງສາທາລະນະສຸກ ອີຣັກ ໄດ້ຢັ້ງຢືນເມື່ອວັນທີ 20 ມິຖຸຸນາ ມີຜູ້ຕິດເຊື້ອໃໝ່ຕື່ມອີກ 1.870 ກໍລະນີ ເຊິ່ງແມ່ນລະດັບສູງສຸດໃນມື້ ນັບຕັ້ງແຕ່ໂລກລະບາດເກີດຂຶ້ນ, ອັນໄດ້ຍົກຍອດຈຳນວນຜູ້ຕິດເຊື້ອຂຶ້ນເຖິງ 29.222 ກໍລະນີ.
ຢູ່ອາຟະລິກາ, ຈຳນວນຜູ້ຕິດເຊື້ອຢູ່ Ethiopia ໄດ້ເພີ່ມຈາກ 399 ກໍລະນີ ຂຶ້ນເປັນ 4.469 ກໍລະນີ. ນີ້ແມ່ນຈຳນວນຜູ້ຕິດເຊື້ອໃໝ່ຫຼາຍທີ່ສຸດໃນມື້ຂອງປະເທດຢູ່ອາຟະລິການີ້.
(ແຫຼ່ງຄັດຈາກ VOV)
