ທີ່ການເຮັດວຽກກັບກະຊວງແຜນການ ແລະ ການລົງທຶນ ຫວຽດນາມ (ພາບ: TTXVN)  

 ຕອນເຊົ້າວັນທີ 04 ມີນາ, ຢູ່ຮ່າໂນ້ຍ, ຄະນະຕິດຕາມກວດກາຫົວເລື່ອງສະເພາະ “ການປະຕິບັດນະໂຍບາຍ, ກົດໝາຍກ່ຽວກັບວຽກງານວາງແຜນກຳນົດ ນັບແຕ່ເມື່ອ ກົດໝາຍວ່າດ້ວຍການວາງແຜນກຳນົດ ມີຜົນສັກສິດ” ໄດ້ມີການເຮັດວຽກກັບກະຊວງແຜນການ ແລະ ການລົງທຶນ ຫວຽດນາມ.

ກ່າວຄຳເຫັນທີ່ການເຮັດວຽກ, ທ່ານຮອງປະທານສະພາແຫ່ງຊາດ ຫວຽດນາມ ຫງວຽນດຶກຫາຍ ເນັ້ນໜັກວ່າ, ກະຊວງແຜນການ ແລະ ການລົງທຶນ ມີບົດບາດສຳຄັນໃນການເປັນຕົວແທນຂອງລັດຖະບານ ກ່ຽວກັບການຄຸ້ມຄອງລັດໃນການວາງແຜນກຳນົດ. ທ່ານຮອງປະທານສະພາແຫ່ງຊາດສະເໜີໃຫ້ກະຊວງນີ້ ສ້າງບົດລາຍງານໃຫ້ສຳເລັດ, ຕີລາຄາແຈ້ງກວ່າກ່ຽວກັບຂໍ້ຄົງຄ້າງ, ຜົນສະທ້ອນສາຍເຫດທີ່ພາໃຫ້ມີຂໍ້ຄົງຄ້າງໃນກົດໝາຍວ່າດ້ວຍການວາງແຜນກຳນົດທີ່ມີຕໍ່ການຈັດຕັ້ງການວາງແຜນ, ຄຸນນະພາບການວາງແຜນ, ຕີລາຄາລັກສະນະເປັນໄປໄດ້ ກໍຄືມາດຕະການແກ້ໄຂດັດປັບການວາງແຜນຢ່າງຄົບຊຸດ.