ບັນດາເຈົ້າໜ້າທີ່ປະເທດສະມາຊິກ G7
(ພາບ: AFP/TTXVN)
ຕອນບ່າຍວັນທີ 24 ເມສາ, ຕາມເວລາທ້ອງຖິ່ນ, ກອງປະຊຸມ ລັດຖະມົນຕີການຕ່າງປະເທດ ແລະ ຄວາມໝັ້ນຄົງ ກຸ່ມ 7 ພື້ນຖານອຸດສາຫະກຳ ພັດທະນາທີ່ສຸດໃນໂລກ (G7) ໄດ້ສິ້ນສຸດລົງພາຍຫຼັງປະຊຸມມາເປັນເວລາ 3 ວັນ ດ້ວຍເລື່ອງປະກາດບັນດາຄຳໝັ້ນສັນຍາ Toronto ແລະ ຢັ້ງຢືນພ້ອມກັນສົມທົບກັນກະທຳໃນການຮັບມືກັບບັນດາສິ່ງທ້າທາຍລວມທົ່ວໂລກ. ໝາກຜົນພາຍຫຼັງ 3 ວັນປຶກສາຫາລື, ບັນດາລັດຖະມົນຕີໄດ້ເຫັນດີເປັນເອກະພາບຍົກອອກບັນດາຄຳໝັ້ນສັນຍາ Toronto; ຢັ້ງຢືນຄືນໃໝ່ກ່ຽວກັບຄວາມເຊື່ອໝັ້ນເຂົ້າໃນບັນດາພື້ນຖານເສດຖະກິດເປີດ, ສັງຄົມເປີດ ແລະ ລັດຖະບານເປີດ. ບັນດາລັດຖະມົນຕີກໍ່ເຫັນດີເປັນເອກະພາບຈະສົມທົບກັນສ້າງຂໍ້ສະເໜີເພື່ອຍື່ນສະເໜີຕໍ່ບັນດາການນຳ G7 ໃນກອງປະຊຸມສຸດຍອດຢູ່ Charlevoix ໃນເດືອນ ມິຖຸນາ ຈະມາເຖິງ. ບັນດາຂໍ້ສະເໜີນັ້ນລວມມີ: ການສົມທົບກັນຊຸກຍູ້ອະທິປະໄຕ ແລະ ສະກັດກັ້ນການແຊກແຊງຈາກຕ່າງປະເທດ; ຮັກສາຄວາມເປັນລະບຽບຮຽບຮ້ອຍສາກົນອີງໃສ່ຂໍ້ກຳນົດກົດລະບຽບ; ສະກັດກັ້ນການປະທະກັນ ແລະ ໜູນຊ່ວຍບັນດາຄວາມມານະພະຍາຍາມປະຕິຮູບຂອງ ສປຊ…
ຕາມແຜນການແລ້ວ, ກອງປະຊຸມສຸດຍອດ G7 ຈະຈັດຕັ້ງຢູ່ Charlevoix, ແຂວງ Quebec ໃນວັນທີ 8 – 9 ມິຖຸນາ.
(ແຫຼ່ງຄັດຈາກ VOV)
