ກອງປະຊຸມໂດຍທ່ານລັດຖະມົນຕີການຕ່າງປະເທດ ໄທ ດອນ ປຣາມຸດວິໄນ ແລະ ທ່ານລັດຖະມົນຕີຮັບຜິດຊອບກະຊວງການຕ່່າງປະເທດ ອິນເດຍ ປະລິນຍາເອກ V.K. Singh ເປັນປະທານຮ່ວມ ດ້ວຍການເຂົ້າຮ່ວມຂອງລັດຖະມົນຕີການຕ່າງປະເທດບັນດາປະເທດ ກຳປູເຈຍ, ລາວ, ມຽນມາ ແລະ ຫວຽດນາມ. ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຟ້າມບີ່ງມິງ ນຳໜ້າຄະນະຜູ້ແທນ ຫວຽດນາມ ເຂົ້າຮ່ວມກອງປະຊຸມ.

        ກ່າວຄຳເຫັນທີ່ກອງປະຊຸມ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຟ້າມບີ່ງມິງ ຕີລາຄາສູງບັນດາການເຄື່ອນໄຫວຮ່ວມມືແມ່ນ້ຳຂອງ - ແມ່ນ້ຳຄົງຄາ (MGC) ເຊິ່ງໄດ້ຜັນຂະຫຍາຍໃນປີຜ່ານມາ ແລະ ຂອບໃຈຕໍ່ການໜູນຊ່ວຍຂອງ ອິນເດຍ  ທີ່ສະຫງວນໃຫ້ອະນຸພາກພື້ນແມ່ນ້ຳຂອງ. ທ່ານຮອງນາຍົກລັດຖະມົນຕີ, ລັດຖະມົນຕີ ຟ້າມບີ່ງມິງ ເນັ້ນໜັກວ່າ ດ້ວຍນະໂຍບາຍ “ການກະທຳມຸ່ງໄປສູ່ທິດຕາເວັນອອກ” ຂອງ ອິນເດຍ ແລະ ຍຸດທະສາດການພັດທະນາ “ມຸ່ງໄປສູ່ພາຍນອກ” ຂອງບັນດາປະເທດແມ່ນ້ຳຂອງ, ຄວາມສາມາດບົ່ມຊ້ອນແຫ່ງການຮ່ວມມືຂອງ 2 ຝ່າຍຍັງໃຫຍ່ຫລວງຢູ່. ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຟ້າມບີ່ງມິງ ສະເໜີບັນດາຂົງເຂດຕົ້ນຕໍ ຊຶ່ງການຮ່ວມມື MGC ຄວນເລັ່ງໃສ່ໃນໄລຍະຈະມາເຖິງຄື: ເພີ່ມທະວີການຮ່ວມມືເຊື່ອມຕໍ່, ເປັນຕົ້ນແມ່ນເປີດກ້ວາງແລວເສດຖະກິດຕາເວັນອອກ - ຕາເວັນຕົກ; ພ້ອມທັງສະເໜີໃຫ້ເລີ່ມດຳເນີນການປຶກສາຫາລືກ່ຽວກັບຂໍ້ຕົກລົງຄົມມະນາຄົມທາງບົກ; ຫັນການຄ້າ ແລະ ການລົງທຶນເປັນສະດວກ ໂດຍຜ່ານການລົບລ້າງບັນດາສິ່ງກີດຂວາງການຄ້າ, ສົ່ງເສີມການຄ້າ, ການຮ່ວມມືກ່ຽວກັບການແຈ້ງພາສີ, ລະບຽບການຜ່ານແດນ ກວດພະຍາດ…

(ແຫຼ່ງຄັດຈາກ VOV)