ໃນຂອບເຂດການຢ້ຽມຢາມສະຫະພັນລັດເຊຍ ຢ່າງເປັນທາງການ ແລະ ເປັນປະທານຮ່ວມວາລະປະຊຸມປຶກສາຫາລື ຄັ້ງທີ 2 ກ່ຽວກັບການຮ່ວມມືໃນຂົງເຂດທະເລ, ວັນທີ 23 ພຶດສະພາ, ທ່ານພົນເອກ ຟານວັນຢາງ, ກຳມະການກົມການເມືອງ, ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດ ພ້ອມດ້ວຍຄະນະຜູ້ແທນຂັ້ນສູງກະຊວງປ້ອງກັນປະເທດຫວຽດນາມ ໄດ້ມາວາງດອກໄມ້ ຢູ່ອະນຸສາວະລີນັກຮົບອາສາສະໝັກສາກົນຫວຽດນາມ ທີ່ເຂົ້າຮ່ວມການຕໍ່ສູ້ປົກປັກຮັກສານະຄອນຫຼວງມົດສະກູ ໃນປາງສົງຄາມປົກປັກຮັກສາປະເທດຊາດອັນຍິ່ງໃຫຍ່ (1941-1945).
ທ່ານພົນເອກ ຟານວັນຢາງ ພ້ອມດ້ວຍຄະນະຜູ້ແທນ ວາງດອກໄມ້ຢູ່ອະນຸສາວະລີນັກຮົບອາສາສະໝັກສາກົນຫວຽດນາມ. ພາບ: qdnd.vn
ທ່ານພົນເອກ ຟານວັນຢາງ ແລະຄະນະ ພ້ອມດ້ວຍບັນດາຜູ້ແທນຢູ່ອະນຸສາວະລີນັກຮົບອາສາສະໝັກສາກົນຫວຽດນາມ ຢູ່ສະຫະພັນລັດເຊຍ. ພາບ: qdnd.vn
ທ່ານພົນເອກ ຟານວັນຢາງ ແລະ ຄະນະຜູ້ແທນ ມາຢ້ຽມຊົມ ຫໍພິພິທະພັນ “ເສັ້ນທາງແຫ່ງຄວາມຊົງຈຳ” ແລະ ໂບດໃຫຍ່ບັນດາກຳລັງປະກອບອາວຸດ ສະຫະພັນລັດເຊຍ. ພາບ: qdnd.vn
ເມື່ອມາຢ້ຽມຊົມຫໍພິພິທະພັນ “ເສັ້ນທາງແຫ່ງຄວາມຊົງຈຳ” ແລະໂບດໃຫຍ່ບັນດາກຳລັງປະກອບອາວຸດສະຫະພັນລັດເຊຍ, ທ່ານພົນເອກ ຟານວັນຢາງ ໄດ້ແບ່ງປັນວ່າ: “ໄດ້ໄປຢ້ຽມຊົມ ແລະຊອກຮູ້ກ່ຽວກັບປະຫວັດສາດສົງຄາມປົກປັກຮັກສາປະເທດຊາດອັນຍິ່ງໃຫຍ່ ຂອງສະຫະພາບໂຊວຽດ ໃນເມື່ອກ່ອນ (ສະຫະພັນລັດເຊຍ ໃນປັດຈຸບັນ), ພວກຂ້າພະເຈົ້າຂໍສະແດງຄວາມນິຍົມນັບຖື ຕໍ່ການປົກປັກຮັກສາເອກະລາດຂອງປະເທດອັນຍິ່ງໃຫຍ່, ການຊ່ວຍເຫຼືອຂອງສະຫະພາບໂຊວຽດໃນເມື່ອກ່ອນ ແລະ ສະຫະພັນລັດເຊຍ ໃນປັດຈຸບັນທີ່ມີຕໍ່ບັນດາຊົນຊາດທີ່ຮັກຫອມສັນຕິພາບໃນທົ່ວໂລກ. ຈະຈົດຈຳຕະຫຼອດການຕໍ່ການຊ່ວຍເຫຼືອຂອງພວກເພື່ອນ ທີ່ມີຕໍ່ປະເທດຫວຽດນາມ ໃນການຕໍ່ຕ້ານ ແລະໃນພາລະກິດສ້າງສາປະເທດຫວຽດນາມ ສັງຄົມນິຍົມ. ຂໍສະແດງຄວາມຮູ້ບຸນຄຸນຕະຫຼອດການຕໍ່ປະຊາຊົນ ແລະປະເທດລັດເຊຍ”.
(ແຫຼ່ງຄັດຈາກ qdnd.vn)
