ໃນຈົດໝາຍອວຍພອນທີ່ສົ່ງເຖິງ ຄະນະບໍລິຫານງານສູນກາງພັກ ແລະ ຄະນະປະທານກອງປະຊຸມໃຫຍ່, ສະໂມສອນໄດ້ເນັ້ນໜັກວ່າ ກອງປະຊຸມໃຫຍ່ຂອງພັກ ຄັ້ງທີ XIV ມີຄວາມໝາຍສຳຄັນເປັນພິເສດ, ເປີດໄລຍະແຫ່ງການພັດທະນາໃໝ່ຂອງ ຫວຽດນາມ ໃນທ່າມກາງສະພາບເສດຖະກິດໂລກທີ່ມີການຫັນປ່ຽນຢ່າງແຂງແຮງ, ວິທະຍາສາດ-ເຕັກໂນໂລຊີ, ນະວັດຕະກຳ ແລະ ການຫັນເປັນດິຈິຕອນ ໄດ້ກາຍເປັນກຳລັງໜູນຕົ້ນຕໍຂອງການເຕີບໂຕ. ປະຊາຄົມນັກທຸລະກິດ ແລະ ຊາວ ຫວຽດນາມ ຢູ່ ສະຫະລັດ ອາເມລິກາ ໄດ້ສະແດງຄວາມສົນໃຈຢ່າງເລິກເຊິ່ງ ແລະ ມີຄວາມມຸ່ງຫວັງຕໍ່ບັນດາທິດທາງຍຸດທະສາດຂອງກອງປະຊຸມໃຫຍ່, ໂດຍສະເພາະແມ່ນການປະຕິຮູບລະບອບລະບຽບການ, ການພັດທະນາເສດຖະກິດເອກະຊົນ, ການດຶງດູດການລົງທຶນທີ່ມີຄຸນນະພາບສູງ ແລະ ການພັດທະນາແບບຍືນຍົງ.

ທ່ານເລຂາທິການໃຫຍ່ ໂຕເລິມ ຖ່າຍຮູບຮ່ວມກັບພໍ່ແມ່ປະຊາຊົນຊາວ ຫວຽດນາມອາໄສຢູ່ຕ່າງປະເທດທີ່ດີເດັ່ນ ເຂົ້າຮ່ວມລາຍການ "ລະດູບານໃໝ່ແຫ່ງບ້ານເກີດ" ປີ 2025. ພາບ: ຖົ໋ງເຍິດ/VNA

ທ່ານປະທານປະເທດ ເລືອງ ເກື່ອງ ແລະ ພັນລະຍາ ຖ່າຍຮູບຮ່ວມກັບພໍ່ແມ່ປະຊາຊົນຊາວຫວຽດນາມອາໄສຢູ່ຕ່າງປະເທດ ທີ່ກັບມາຢ້ຽມຢາມບ້ານເກີດເນື່ອງໃນໂອກາດບຸນເຕັດ ປີມະເສັງ 2025. ພາບ: ເລີມແຄ໋ງ/VNA

ທ່ານ ຫງວຽນ ກວາງ ແທັງ, ປະທານສະໂມສອນນັກທຸລະກິດ ແລະ ຜູ້ຮັກຊາດ ເຂດວໍຊິງຕັນ ດີຊີ, Maryland ແລະ Virginia (ສ ອາເມລິກາ). ພາບ: ດວ່ານຮຸ່ງ/VNA

ຊາວ ຫວຽດນາມອາໄສຢູ່ຕ່າງປະເທດກວ່າ 60 ທ່ານ ທີ່ມາຈາກ 24 ປະເທດ ແລະ ເຂດແຄ້ວນໃນທົ່ວໂລກ ເທິງ "ຂະບວນລົດໄຟມະຫາສາມັກຄີ" ໄປຢ້ຽມຢາມກອງທັບ ແລະ ປະຊາຊົນ ຢູ່ເມືອງເກາະ ເຈື່ອງຊາ ແລະ ເຮືອນຮ້ານ DK1. ພາບ: VNA

ຕາງໜ້າໃຫ້ນັກທຸລະກິດ ແລະ ຜູ້ຮັກຊາດເຂດ DMV, ທ່ານ ຫງວຽນກວາງແທງ, ປະທານສະໂມສອນ ໄດ້ລົງນາມໃນຈົດໝາຍອວຍພອນ, ສົ່ງຝັງຄວາມເຊື່ອໝັ້ນ ແລະ ຄຳອວຍພອນໃຫ້ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XIV ຂອງພັກ ປະສົບຜົນສຳເລັດຢ່າງຈົບງາມ, ນຳພາປະເທດຊາດນັບມື້ນັບພັດທະນາ, ຮັ່ງມີ ແລະ ເຂັ້ມແຂງ.