ໜ້າສົນໃຈແມ່ນ ການສະແດງສິລະປະພິເສດໃນຕອນຄ່ຳວັນທີ 26 ກຸມພາຈະວາດພາບຄືນແນວຄິດຂອງພະພຸດທະເຈົ້າ ມະຫາກະສັດ ເຈິ່ນເຍິນຕົງ ຜ່ານເຕັກໂນໂລຊີການສະແດງ.  

(ພາບ: TTXVN)

ພິທີໄຂງານບຸນລະດູບານໃໝ່ ອຽນຕື້ 2026 ຈະຈັດຂຶ້ນໃນວັນທີ 26 ກຸມພາ (ກົງການວັນທີ 10 ເດືອນຈຽງປີມະເມຍ) ຢູ່ແຂວງ ກວາງນິງ. ນີ້ແມ່ນງານບຸນທີ່ມີຂອບຂະໜາດໃຫ່ຍກ່ວາໝູ່ນັບແຕ່ກ່ອນມາຮອດປະຈຸບັນ, ເປັນຂີດໝາຍສຳຄັນ ພາຍຫຼັງທີ່ອົງການ ສປຊ ເພື່ອການສຶກສາ, ວິທະຍາສາດ, ແລະ ວັດທະນະທຳ (UNESCO) ໄດ້ຈົດຊື່ເຂດປູ່ສະນີຍະສະຖານ ອຽນຕື້-ວິ້ງງຽມ-ໂກນເຊີນ, ກຽບບາກ ເຂົ້າໃນບັນຊີລາຍຊື່ມໍລະດົກວັດທະນະທຳໂລກ. ທີ່ການປະຊຸມຂ່າວກ່ຽວກັບການຈັດຕັ້ງງານວາງສະແດງພຸດທະສາສະໜາ ຈຸກເລີມອຽນຕື້ ແລະ ລາຍການສະແດງສິລະປະພິເສດ ໂຄສະນາມໍລະດົກວັດທະນະທຳໂລກ ອຽນຕຶ້ ທີ່ຈັດຂຶ້ນໃນຕອນບ່າຍວັນທີ 9 ກຸມພາ, ຄະນະຈັດຕັ້ງໃຫ້ຮູ້ວ່າ: ງານບຸນດ້ວຍການເຂົ້າຮ່ວມຂອງ 5 ຕາແສງ, ສ້າງເປັນງານບຸນວັດທະນະທຳເຊື່ອມຕໍ່ປະຊາຄົມຢ່າງແຮງ. ໜ້າສົນໃຈແມ່ນ ການສະແດງສິລະປະພິເສດໃນຕອນຄ່ຳວັນທີ 26 ກຸມພາຈະວາດພາບຄືນແນວຄິດຂອງພະພຸດທະເຈົ້າ ມະຫາກະສັດ ເຈິ່ນເຍິນຕົງ ຜ່ານເຕັກໂນໂລຊີການສະແດງ.

(ແຫຼ່ງຄັດຈາກ VOV)