• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ການເຈລະຈາດ້ານການເມືອງ-ຄວາມໝັ້ນຄົງ-ການປ້ອງກັນຊາດ ຫວຽດນາມ - ອາເມລິກາ ຄັ້ງທີ 12

ທີ່ການເຈລະຈາ, 2 ຝ່າຍມີຄວາມພາກພູມໃຈເມື່ອຮັບຮູ້ການພົວພັນ ຫວຽດນາມ - ອາເມລິກາ ສືບຕໍ່ພັດທະນາຢ່າງເລິກເຊິ່ງ, ກວ້າງຂວາງ ແລະ ແທດຈິງ ບົນພື້ນຖານຫຼັກການເຄົາລົບເອກະລາດ, ອະທິປະໄຕ
ທີ່ການເຈລະຈາ, 2 ຝ່າຍມີຄວາມພາກພູມໃຈເມື່ອຮັບຮູ້ການພົວພັນ ຫວຽດນາມ - ອາເມລິກາ (ພາບ: ກະຊວງການຕ່າງປະເທດ)

ວັນທີ 30 ມີນາ, ຢູ່ນະຄອນຫຼວງ ວໍຊິງຕັນ ດີຊີ, ປະເທດ ອາເມລິກາ, ທ່ານ ຮ່າກິມງອັກ, ຮອງລັດຖະມົນຕີການຕ່າງປະເທດ ຫວຽດນາມ ແລະ ທ່ານນາງ Jessica Lewis, ຜູ້ຊ່ວຍວຽກລັດຖະມົນຕີຮັບຜິດຂອບບັນດາບັນຫາການເມືອງ - ປ້ອງກັນປະເທດ ກະຊວງການຕ່າງປະເທດ ອາເມລິກາ ໄດ້ເປັນປະທານການເຈລະຈາດ້ານການເມືອງ-ຄວາມໝັ້ນຄົງ-ການປ້ອງກັນຊາດ ຫວຽດນາມ - ອາເມລິກາ ຄັ້ງທີ 12.

ທີ່ການເຈລະຈາ, 2 ຝ່າຍມີຄວາມພາກພູມໃຈເມື່ອຮັບຮູ້ການພົວພັນ ຫວຽດນາມ - ອາເມລິກາ ສືບຕໍ່ພັດທະນາຢ່າງເລິກເຊິ່ງ, ກວ້າງຂວາງ ແລະ ແທດຈິງ ບົນພື້ນຖານຫຼັກການເຄົາລົບເອກະລາດ, ອະທິປະໄຕ, ຜືນແຜ່ນດິນອັນຄົບຖ້ວນ ແລະ ລະບອບການເມືອງຂອງກັນ.

2 ຝ່າຍໄດ້ຮັບຮູ້ບັນດາຄວາມຄືບໜ້າຂອງການຮ່ວມມື 2 ຝ່າຍໃນຂົງເຂດການປ້ອງກັນຊາດ - ປ້ອງກັນຄວາມສະຫງົບ, ການປະຕິບັດກົດໝາຍ ແລະ ແກ້ໄຂຜົນຮ້າຍຢ້ອນຫຼັງຈາກສົງຄາມ. 2 ຝ່າຍເຫັນດີສືບຕໍ່ຊຸກຍູ້ການພົວພັນດ້ານປ້ອງກັນຊາດ ຫວຽດນາມ - ອາເມລິກາ ໃຫ້ພັດທະນາ, ສອດຄ່ອງກັບຜົນປະໂຫຍດ, ເງື່ອນໄຂ ແລະ ນະໂຍບາຍຂອງແຕ່ລະປະເທດ; ແບ່ງປັນຄວາມຕັດສິນໃຈຮັກສາການຮ່ວມມືໃນການມ້າງທຳລາຍລະເບີດທີ່ບໍ່ທັນແຕກ ແລະ ວັດຖຸລະເບີດຫຼັງສົງຄາມ, ໜູນຊ່ວຍຜູ້ຖືກຜົນສະທ້ອນຍ້ອນສົງຄາມຢູ່ ຫວຽດນາມ ແລະ ຊອກຫາທະຫານທີ່ຍັງຫາຍສາບສູນໃນປາງສົງຄາມ.

ເມື່ອແລກປ່ຽນກ່ຽວກັບບາງບັນຫາສາກົນ ແລະ ພາກພື້ນເຊິ່ງຕ່າງຝ່າຍຕ່າງມີຄວາມສົນໃຈ, ຝ່າຍ ອາເມລິກາ ຢືນຢັນການສະໜັບສະໜູນຄວາມເຫັນດີເຫັນພ້ອມ ແລະ ບົດບາດໃຈກາງຂອງ ອາຊຽນ ໃນໂຄງສ້າງຄວາມໝັ້ນຄົງຢູ່ພາກພື້ນ. 2 ຝ່າຍເຫັນດີຕ້ອງຜັນຂະຫຍາຍບັນດາມາດຕະການປະດິດຄິດສ້າງ, ແທດຈິງ ເພື່ອຊຸກຍູ້ການພົວພັນຄູ່ຮ່ວມມື ແມ່ນ້ຳຂອງ - ອາເມລິກາ ໃນໄລຍະຈະມາເຖິງ.

(ແຫຼ່ງຄັດຈາກ VOV)

ຫວຽດນາມ ຢັ້ງຢືນທຸກການເຄື່ອນໄຫວຢູ່ທະເລຕາເວັນອອກຕ້ອງສອດຄ່ອງກັບກົດໝາຍສາກົນ

ຫວຽດນາມ ຢັ້ງຢືນທຸກການເຄື່ອນໄຫວຢູ່ທະເລຕາເວັນອອກຕ້ອງສອດຄ່ອງກັບກົດໝາຍສາກົນ

ຫວຽດນາມ ຮຽກຮ້ອງໃຫ້ບັນດາຝ່າຍທີ່ກ່ຽວຂ້ອງຈົ່ງອົດກັ້ນ, ປະຕິບັດຖະແຫຼງການກ່ຽວກັບການປະພຶດຂອງບັນດາຝ່າຍຢູ່ທະເລຕາເວັນອອກ (DOC) ຢ່າງເຂັ້ມງວດ, ແກ້ໄຂການຂັດແຍ້ງກັນໂດຍສັນຕິວິທີ, ພ້ອມກັບປະກອບສວ່ນເຂົ້າການຮັກສາສັນຕິພາບ, ສະຖຽນລະພາບ ແລະ ການຮ່ວມມືຢູ່ທະເລຕາເວັນອອກ.

Top