ດ້ວຍຄວາມຮັກຕໍ່ອາຊີບປັກແສ່ວ ມູນເຊື້ອ ຂອງ ຄອບຄົວ, ນາງ ກວ໊ານທິກຸກ (ຢູ່ເມືອງ ລິງດ່າມ, ຮວ່າງມາຍ, ຮ່າໂນ້ຍ) ໄດ້ສືບຕໍ່ ພັດທະນາຍິ່ງຂຶ້ນ ບັນດາຜະລິດຕະພັນປັກແສ່ວ ເທິງໃບໂພ ທີ່ມີຄຸນຄ່າ ດ້ານຄວາມງາມສູງ ທັງຮັກສາໄວ້ ເອກະລັກ ຂອງ ຄົນ ຫວຽດ.
ເກີດຢູ່ໝູ່ບ້ານ ຫັດຖະກຳ ປັກແສ່ວ ທີ່ ຕາແສງ ຟຸກແທ່ງ, ເມືອງ ວູ໊ທື, ແຂວງ ຖ໋າຍບິ່ງ, ແຕ່ຍັງນ້ອຍ, ນາງ ກຸກ ໄດ້ຮັບສອນການປັກແສ່ວຄັ້ງທຳອິດຈາກແມ່. ເມື່ອອາຍຸ 10 ປີ, ນາງ ສາມາດປັກແສ່ວ ຜົນງານໜຶ່ງທີ່ສົມບູນດ້ວຍຕົນເອງ. ໃນຊຸມປີມໍ່ໆ ນີ້, ຕໍ່ໜ້າ ການຂະຫຍາຍຕົວ ຂອງ ເຄື່ອງຈັກ ແລະ ເຕັກໂນໂລຊີ ປັກແສ່ວ ດ້້ວຍເຄື່ອງຈັກ, ມີຄົນຈຳນວນຫຼາຍ ຕ້ອງຮື້ກອບປັກແສ່ວ ອອກ ຍ້ອນບໍ່ສາມາດດຳລົງຊີວິດຢູ່ກັບອາ ຊີບ. ແຕ່ຍ້ອນຢາກອະນຸລັກຮັກສາ ແລະ ພັດທະນາ ສິ່ງຍອດຍິ່ງ ໃນສິລະປະ ປັກແຊ່ວ ຫັດຖະກຳ ອັນເປັນມູນເຊື້ອນີ້, ນາງ ກຸກ ໄດ້ນຳເອົາຈິດໃຈຂອງຊາວໜຸ່ມ ເພື່ອປະດິດສ້າງບັນດາຜົນງານ ກ່ຽວກັບ ດອກໄມ້ປັກແສ່ວ 3D ແລະ ໄດ້ເປີດຫ້ອງສອນ ປັກແສ່ວ ຕາມຮູບແບບທາງໄກ ນຳອີກ.
ໃນປີ 2019, ເມື່ອມີນັກຮຽນຄົນໜຶ່ງຖາມ ກ່ຽວກັບວິທີປັກແສ່ວ ເທິງໃບໄມ້, ນາງ ຈ່ຶງເລີ່ມຕົ້ນ ທົດລອງກັບວັດສະດຸໃໝ່ນີ້. ຫຼັງຈາກໄດ້ຊອກຮູ້ ກ່ຽວກັບຄວາມໝາຍ ຂອງ ໃບໂພ, ນາງ ເລີ່ມສຸມໃສ່ພັດທະນາເຕັກນິກການປັກແສ່ວ ຕົວແບບຜະລິດຕະພັນໃໝ່ນີ້.
ປັດຈຸບັນ ນາງ ກວ໊ານທິກຸກ ກຳລັງເປັນຄູສອນ ຢູ່ສູນຝຶກອົບຮົມ ປັກແສ່ວຫັດຖະກຳ ທູກຸກ, ທັງເປັນຜູ້ອຳນວຍການບໍລິສັດປັກແສ່ວ ຫັດຖະກຳ ຫວຽດນາມ ຈຳກັດ.
ກ່າວກ່ຽວຂັ້ນຕອນແຕ້ມຮູບເທິງໃບໂພ, ນາງ ກຸກ ໃຫ້ຮູ້ວ່າ ໂດຍພື້ນ ຖານ, ຂັ້ນຕອນຕ່າງໆ ແມ່ນຄືກັບການປັກແສ່ວ ໃສ່ບັນດາວັດສະດຸ. ຂັ້ນຕອນທຳອິດ ຍັງແມ່ນຊອກຫາແນວຄວາມຄິດ ແລະ ວາດພາບໃສ່ເຈ້ຍ, ດັດແກ້ລາຍດອກ ໃຫ້ຖືກກັບ ແນວຄວາມຄິດ, ເມື່ອເໝາະສົມແລ້ວແຕ້ມຕົວແບບ ແລະ ພິມຮູບ ໃສ່ໃບໄມ້. ໂດຍທົ່ວໄປແລ້ວ, ພາບປັກແສ່ວ ຢູ່ເທິງຜ້າ ສາມາດດັດປັບ ຕາມຄວາມມັກ ຂອງ ຊ່າງປັກ, ແຕ່ສຳ ລັບໃບໂພ, ຜູ້ປັກແສ່ວ ຕ້ອງມີໄຫວພິກ ແລະ ປ່ຽນແປງ ເພື່ອໃຫ້ຮູບປັກແສ່ວເໝາະສົມກັບຮູບຊົງ ຂອງໃບໄມ້ ແຕ່ລະໃບ. ການປັກແສ່ວໃສ່ໃບໄມ້ ແມ່ນບໍ່ງ່າຍ, ພຽງແຕ່ເຮັດມືໜັກ ກໍຈະເຮັດໃຫ້ເອັນໃບໄມ້ ຂາດ ເນື່ອງຈາກວ່າ ເສັ້ນປັກແສ່ວ ຂ້ອນຂ້າງເບາະບາງ, ຂະໜາດ ຂອງ ໃບໄມ້ພັດ ມີຄວາມຈໍາກັດ ແລະ ເບາະບາງຫຼາຍ, ຈີກຂາດໄດ້ງ່າຍ, ພຽງແຕ່ ບໍ່ລະມັດລະວັງ ເລັກນ້ອຍກໍ່ສາມາດເຮັດໃຫ້ຜົນງານທັງໝົດພັງໄດ້.
ປັກແສ່ວເທິງໃບໂພ ແມ່ນຜະລິດຕະພັນ ທີ່ມີຄວາມໝາຍທາງດ້ານຈິດ ໃຈອັນໃຫຍ່ຫຼວງ, ສະນັ້ນ ນາງ ກຸກ ເຊື່ອວ່າ ຕ້ອງມີຄວາມດຸໝັ່ນ, ຮອບຄອບ, ລະອຽດ ແລະ ບໍ່ຟ້າວຟັ່ງ ເມື່ອປັກແສ່ວ ເຮັດໃຫ້ຄຸນຄ່າ ຂອງຜົນ ງານ ມີຜົນສະທ້ອນ. ນອກຈາກນັ້ນ, ນີ້ແມ່ນຜະລິດຕະພັນທີ່ຕ້ອງການເຕັກນິກທີ່ກ້າວໜ້າ, ດັ່ງນັ້ນທຸກໆ ມື້ຕ້ອງການຄວາມຄິດ ປັບປຸງຄຸນຄ່າ ແລະ ລັກສະນະດ້ານສະຫງວນຄວາມງາມ ໃນແຕ່ລະຜະລິດຕະພັນ.
ຫົວຂໍ້ຫຼັກໃນຜົນງານຂອງນາງ ແມ່ນຕົວໜັງສືແບບລວດລາຍ, ມີຈຸດ ລວດລາຍດອກໄມ້ ຕື່ມອີກ ຢູ່ເທິງຜະລິດຕະພັນ, ພ້ອມດຽວກັນ ຍັງມີີສັດສັກສິດ ຖືຫຼັກຮວງຈຸ້ຍ ເຊ່ັນ: ດອກບົວ- ປາ, ຕົ້ນສົນ-ນົກກະຣ່ຽງ, ມັງ ກອນ-ນົກຫົງ ແລະ ອື່ນໆ... ເພື່ອເຮັດໄດ້ ຜະລິດຕະພັນ ແບບງ່າຍໆ ກໍຕ້ອງໃຊ້ເວລາ ໜ້ອຍສຸດໜຶ່ງມື້, ຖ້າຍາກແດ່ຈະຕ້ອງໃຊ້ເວລາແຕ່ 2 ຫາ 4 ທິດຈຶ່ງສຳເລັດ. ໃນນັ້ນ ຜະລິດຕະພັນ ຍາກທີສຸດ ທີ່ນາງ ເຄີຍເຮັດ ແມ່ນການຖັກແສ່ວ ຮູບພະພຸດທະເຈົ້າ, ເພາະວ່າ ມັນບໍ່ງ່າຍທີ່ຈະສະ ແດງ ເຖິງສີໜ້າ ຂອງ ພະພຸດທະເຈົ້າ ໃນຂະນະທີ່ກຳລັງມືນຕາ. ຍ້ອນຂະບວນການ ປັກແສ່ວ ແມ່ນລະອຽດລະອໍ ແລະ ພິຖີພິຖັນ, ເພາະສະ ນັ້ນຜະລິດຕະພັນ ໜ່ຶງຈະມີ ລາຄາແຕ່ 400.000 ດົ່ງ ເຖິງຫຼາຍລ້ານດົ່ງ. ຜະລິດຕະພັນ ການປັກແສ່ວເທິງໃບໂພ ຂອງ ນາງ ສ່ວນຫຼາຍແມ່ນໃຊ້ ເປັນເຄື່ອງທີ່ລະນຶກ ໃນໂອກາດມີບຸນ ແລະ ນາງ ກໍໄດ້ຂາຍ ຜະລິດຕະພັນໄປຍັງປະເທດ ຍີ່ປຸ່ນ ແລະ ສ ອາເມລິກາ ອີກດ້ວຍ.
ນາງ ກຸກໃຫ້ຮູ້ວ່າ ປັດຈຸບັນ ເພິ່ນຍັງເປີດຮຽນຊຸດປັກແສ່ວ ທາງອອນລາຍ ເພື່ອໃຫ້ມີຫຼາຍຄົນ ໄດ້ມີໂອກາດຫາເງິນດ້ວຍການປັກແສ່ວ. ແນວ ໃດກໍ່ຕາມ, ຄວາມມຸ່ງມາດປາດຖະໜາ ຕົ້ນຕໍ ຂອງ ນາງແມ່ນ ຮັກສາ ແລະ ພັດທະນາອາຊີບປັກແສ່ວ ມູນເຊື້ອ ຂອງຊາດ, ເຜີຍແຜ່ເຕັກນິກການປັກແສ່ວ ດ້ວຍມື ເຖິງແມ່ຍິງ ນັບພັນໆ ຄົນ ທີ່ຮັກການປັກແສ່ວ ແລະ ຮູ້ວິທີການປັກແສ່ວ, ເພື່ອໃຫ້ອາຊີບມູນເຊື້ອນີ້ ບໍ່ຖືກສູນຫາຍໄປ.
ບົດ: VNP/ເງິນຮ່າ - ພາບ: ກົງດາດ - ແປໂດຍ: ບິກລຽນ
