ຂ່າວສານ

ທ່ານເລຂາທິການໃຫຍ່ ໂຕເລິມ ພົບປະກັບທ່ານ Heng Samrin ປະທານກຽດຕິມະສັກພັກປະຊາຊົນກຳປູເຈຍ

07/02/2026

ທ່ານ ປະທານ Heng Samrin ກໍຕີລາຄາສູງຕໍ່ການພັດທະນາຢ່າງແຮງຂອງ ຫວຽດນາມ ໃນໄລຍະຜ່ານມາ ແລະ ສະແດງຄວາມເຊື່ອໝັ້ນວ່າ ພາຍໃຕ້ການນຳພາຂອງພັກກອມມູນິດ ຫວຽດນາມ, ຫວຽດນາມ ຈະປະຕິບັດບັນດາເປົ້າໝາຍຍຸດທະສາດທີ່ໄດ້ວາງອອກຢ່າງມີໄຊ.

ທ່ານ ໂຕເລິມ ເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດ ຫວຽດນາມ ພົບປະກັບທ່ານ Heng Samrin ປະທານກຽດຕິມະສັກ ພັກປະຊາຊົນ ກຳປູເຈຍ (ພາບ: TTXVN)

ຕອນບ່າຍວັນທີ 6 ກຸມພາ, ຢູ່ນະຄອນຫຼວງ ພະນົມເປັນ, ໃນການພົບປະກັບທ່ານ Heng Samrin ປະທານກຽດຕິມະສັກ ພັກປະຊາຊົນ ກຳປູເຈຍ, ທ່ານ ໂຕເລິມ ເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດ ຫວຽດນາມ ໄດ້ສະແດງຄວາມຂອບໃຈຢ່າງຈິງໃຈຕໍ່ນ້ຳໃຈອັນດີງາມ ແລະ ຕີລາຄາສູງບັນດາການປະກອບສ່ວນສຳຄັນຂອງທ່ານປະທານ Heng Samrin ທີ່ມີຕໍ່ສາຍພົວພັນ ຫວຽດນາມ - ກຳປູເຈຍ ໃນຕະຫຼອດຫຼາຍທົດສະວັດຜ່ານມາ, ແມ່ນແຫຼ່ງບັນດານໃຈໃຫ້ແກ່ຄົນລຸ້ນຫຼັງໃນການອະນຸລັກຮັກສາ ແລະ ເສີມຂະຫຍາຍສາຍພົວພັນມິດຕະພາບອັນເປັນມູນເຊື້ອ ລະຫວ່າງ ຫວຽດນາມ ແລະ ກຳປູເຈຍ. ທ່ານເລຂາທິການໃຫຍ່ ກໍເນັ້ນໜັກວ່າ ການຢ້ຽມຢາມທາງລັດຖະກິດຢູ່ ກຳປູເຈຍ ຄັ້ງນີ້ ມີຄວາມໝາຍສຳຄັນທີ່ສຸດ ເມື່ອ ຫວຽດນາມ ຫາກໍຈັດຕັ້ງສຳເລັດກອງປະຊຸມໃຫຍ່ຄັ້ງທີ XIV ຂອງພັກກອມມູນິດ ຫວຽດນາມ, ວາງອອກວິໄສທັດຍຸດທະສາດໃໝ່. ສ່ວນທ່ານ ປະທານ Heng Samrin ກໍຕີລາຄາສູງຕໍ່ການພັດທະນາຢ່າງແຮງຂອງ ຫວຽດນາມ ໃນໄລຍະຜ່ານມາ ແລະ ສະແດງຄວາມເຊື່ອໝັ້ນວ່າ ພາຍໃຕ້ການນຳພາຂອງພັກກອມມູນິດ ຫວຽດນາມ, ຫວຽດນາມ ຈະປະຕິບັດບັນດາເປົ້າໝາຍຍຸດທະສາດທີ່ໄດ້ວາງອອກຢ່າງມີໄຊ.

(ແຫຼ່ງຄັດຈາກ VOV)

ຂ່າວສານ

ທ່ານເລຂາທິການໃຫຍ່ ໂຕເລິມ ພົບປະກັບທ່ານ Heng Samrin ປະທານກຽດຕິມະສັກພັກປະຊາຊົນກຳປູເຈຍ

ບັນດາບົດຕໍ່ໄປ

ໂຄສະນາຜະລິດຕະພັນກະເສດ, ສິນພິເສດເຂດພາກຢູ່ງານຕະຫຼາດນັດລະດູບານໃໝ່

ECB ຮັກສາອັດຕາດອກເບ້ຍຄືເກົ່າ ເມື່ອສະກຸນເງິນ ເອີໂຣ ແຂງຄ່າ

ຫວຽດນາມ ແບ່ງປັນບົດຮຽນປະສົບການໃນກອງປະຊຸມຮອງລັດຖະມົນຕີການເງິນ ແລະ ຮອງຜູ້ວ່າການທະນາການສູນກາງ APEC 2026

ການເຈລະຈາກ່ຽວກັບບັນຫາ ຢູແກຼນ ຢູ່ Abu Dhabi ຮັບຮູ້ມີຄວາມຄືບໜ້າໃໝ່

ທ່ານເລຂາທິການໃຫຍ່ ໂຕເລິມ ເປັນປະທານຮ່ວມການພົບປະກັບຜູ້ນຳໜ້າຂອງສາມພັກ ຫວຽດນາມ - ກຳປູເຈຍ - ລາວ

ພິທີຕ້ອນຮັບທ່ານເລຂາທິການໃຫຍ່ ໂຕເລິມ ຢ່າງສົມກຽດເນື່ອງໃນໂອກາດໄປຢ້ຽມຢາມທາງລັດຖະກິດ ລາຊະອານາຈັກ ກຳປູເຈຍ

ຊຸກຍູ້ການພົວພັນຄູ່ຮ່ວມມືຮອບດ້ານ ຫວຽດນາມ - ມົງໂກນ ໃຫ້ນັບມື້ນັບພັດທະນາຢ່າງແຮງ

ທ່ານ​ເລ​ຂາ​ທິ​ການ​ໃຫຍ່ ໂຕ​ເລິມ ພົບ​ປະ​ກັບ​ທ່ານ Heng Samrin ​ປະ​ທານ​ກຽດ​ຕິ​ມະ​ສັກ​ພັກ​ປະ​ຊາ​ຊົນ​ກຳ​ປູ​ເຈຍ

ທ່ານເລຂາທິການໃຫຍ່ ໂຕເລິມ ພົບປະກັບທ່ານ Heng Samrin ປະທານກຽດຕິມະສັກພັກປະຊາຊົນກຳປູເຈຍ