|
“ຈາກສອງປະເທດ ທ່ີປໍລະປັກໃນອະດີດ, ພວກເຮົາ ໄດ້ກາຍເປັນ ເພື່ອນ, ຄູ່ຮ່ວມມື ແລະ ຄູ່ຮ່ວມມືຮອບດ້ານ. ອະດີດບໍ່ສາມາດ ປ່ຽນ ແປງ, ແຕ່ອະນາຄົດ ແມ່ນຂຶ້ນກັບ ຄວາມຮັບຜິດຊອບ ຂອງ ພວກ ເຮົາ”.
ສະຫາຍ ຫງວຽນຝູ໋ຈ້ອງ ເລຂາທິການໃຫຍ່ ຄະນະບໍລິຫານງານສູນກາງ ພັກກອມມູນິດ ຫວຽດນາມ ກ່າວປາໄສໃນຄັ້ງໄປຢ້ຽມຢາມ ສ ອາເມລິກາ ປີ 2015.
|
ພາກສ່ວນໜຶ່ງ ທ່ີສຳຄັນ ບໍ່ອາດສາມາດແຍກອອກຈາກກັນ ຂອງ ການ ພົວພັນລະຫວ່າງ ຫວຽດນາມ-ສ ອາເມລິກາ ກຳລັງມີການພັດທະນາ ຢ່າງຕັ້ງໜ້າ ແລະ ປະທັບໃຈ, ໂດຍສະເພາະຢ່າງຍິ່ງ ແມ່ນໃນດ້ານ ເສດຖະກິດ-ການຄ້າ ແລະ ການລົງທຶນ. ຈາກລະດັບ 450 ລ້ານ ໂດ ລາສະຫະລັດ ໃນປີ 1995, ວົງເງິນການຄ້າ ສອງຝ່າຍ ໄດ້ເພີ່ມ 170 ເທົ່າ ຂຶ້ນ 76 ຕື້ໂດລາສະຫະລັດ ໃນປີ 2019. ເສດຖະກິດ ຫວຽດນາມ ແລະ ສ ອາເມລິກາ ນັບມື້ນັບເພີ່ມຂຶ້ນ ລັກສະນະ ຊ່ວຍຊູເຊິ່ງກັນ ແລະ ກັນ. ສ ອາເມລິກາ ສືບຕໍ່ເປັນ ຕະຫຼາດສົ່ງອອກ ລາຍໃຫຍ່ທີສຸດຂອງ ຫວຽດນາມ ກັບຫຼາຍປະເພດສິນຄ້າ ມີທ່າແຮງເຊ່ັນ: ສິນໃນນຳ້, ຜະ ລິດຕະພັນ ຕັດຫຍິບ, ເກີບ ແລະ ຜະລິດຕະພັນກະສິກຳ. ກົງກັນຂ້າມ, ຫວຽດນາມ ກໍເປັນ ໜຶ່ງໃນບັນດາ ຕະຫຼາດສົ່ງອອກ ທີ່ມີການ ຈະເລີນ ເຕີບໂຕໄວທີສຸດຂອງ ສ ອາເມລິກາ. ຄວາມຕ້ອງການ ແລະ ຄ່ານິຍົມ ຂອງຊາວ ຫວຽດນາມ ນັບມື້ນິຍົມໃຊ້ ບັນດາປະເພດ ຜະລິດຕະພັນ ເຄື່ອງໝາຍການຄ້າ ຂອງ ສ ອາເມລິກາ, ແຕ່ສິນຄ້າກະສິກຳ, ໂທລະ ຄົມມະນາຄົມ, ການເດີນອາກາດ ຕະຫຼອດຮອດບໍລິການຕ່າງໆ ດ້ານ ການເງິນ, ທະນາຄານ, ການສຶກສາ ແລະ ອື່ນໆ...
 ຜ່ານ 30 ປີແຫ່ງການຮ່ວມມື, ມາຮອດປັດຈຸບັນ, ຫວຽດນາມ ແລະ ສ ອາເມລິກາ ໄດ້ຈັດຕັ້ງການປະຕິບັດງານຮ່ວມ 134 ຄັ້ງ, ສົ່ງອັດຖິ ທະຫານ ອາເມລິກາ ກັບປະເທດ ໄດ້ເກືອບ 1000 ຊຸດ ທີ່ອາດກ່ຽວພັນ ເຖິງ MIA, ຈາກນັ້ນ ຝ່າຍ ສ ອາເມລິກາ ໄດ້ຮັບ ຮອງປະມານ 730 ກໍລະນີ. ພາບ: ຢ໊ວານເຕິ໋ນ/ VNA  ແຕ່ວັນທີ 17 ພຶດສະພາ-ວັນທີ 2 ມິຖຸນາ 2018, ກຳປັ່ນໂຮງ ໝໍ USNS Mercy ຂອງ ກອງບັນຊາການ ກອງທັບເຮືອສ ອາເມ ລິກາ ໄດ້ເຂົ້າທຽບທ່າກຳປັ່ນ ຍາຈາງ, ເລີ່ມປະຕິບັດ ໂຄງການຄູ່ ຮ່ວມມື ປາຊີຟິກ 2018 ທີ່ນະຄອນ ຍາຈາງ, ແຂວງ ແຄ໋ງຮ່ວາ. ພາບ: ຕຽນມິນ/VNA  ວັນທີ 5 ມີນາ 2020, ເນື່ອງໃນໂອກາດສະເຫຼີມສະຫຼອງ 25 ປີ ວັນສ້າງຕັ້ງ ສາຍພົວພັນທາງການທູດ ລະຫວ່າງ ສ ອາເມລິກາ ແລະ ຫວຽດນາມ, ກໍາປັ່ນບັນທຸກເຮືອບິນ USS Theodore Roosevelt (CVN 71) ແລະ ກຳປັ່ນ Bunker Hill (CG52) ໄດ້ເຂົ້າທຽບທ່າກຳປັ່ນ ນະຄອນ ດ່າໜັງ, ເລີ່ມຕົ້ນ ການຢ້ຽມຢາມ ຫວຽດນາມ ຢ່າງເປັນທາງການ. ພາບ: ກວັກຢຸ້ງ/VNA  ກຸ່ມບໍລິສັດ ບໍລິສັດໄຟຟ້າ General Electric (GE) ຂອງ ສ ອາເມລິກາ ໄດ້ປະຕິບັດ ພາລະບົດບາດ ຂອງ ຜູ້ຮັບເໝົາ ໃນການ ສະໜອງ ອຸປະກອນ ແລະ ການຈັດສັນທຶນ ໃຫ້ແກ່ ຜູ້ຜະລິດໄຟຟ້າ ພະລັງງານແຮງລົມ. ພາບ: ເຈິ່ນຫວຽດ/VNA 
ກະຊວງ ກະສິກຳ ສ ອາເມລິກາ ໄດ້ຮັບຮອງ ຢ່າງເປັນທາງ ການ ລະບົບກວດກາ ຫຼັກອະນາໄມ ດ້ານໂພສະນາການ ປາໜັງ ຂອງ ຫວຽດນາມ ສົ່ງອອກໄປຍັງ ສ ອາເມລິກາ. ສິ່ງດັ່ງກ່າວໄດ້ ຊ່ວຍໃຫ້ ປາສະຫວາຍ ຫວຽດນາມ ໄດ້ເຂົ້າເຖິງ ແລະ ເປີດກວ້າງ ຕະຫຼາດ ສົ່ງອອກ ບໍ່ພຽງແຕ່ ຢູ່ ສ ອາເມລິກາ ແຕ່ຍັງ ຢູ່ຕະຫຼາດ ແຫ່ງອື່ນໆ ງ່າຍດາຍຍິ່ງຂຶ້ນ. ພາບ: VNA
ບໍລິສັດ ຕັດຫຍິບ ຕ໋ຽນຖ້ວນ ຈໍາກັດ (ແຂວງ ນິງຖ້ວນ) ຜະລິດ ຜະລິດຕະພັນຕັດຫຍິບ ເພື່ອສົ່ງອອກໄປຍັງຕະຫຼາດ ສ ອາເມລິ ກາ. ພາບ: ແຢງລາມ/VNA
 ຜະລິດລົດໃຫຍ່ ທີ່ໂຮງງານ ຂອງບໍລິສັດ FORD ຫວຽດນາມ (ຮ່ວມທຸລະກິດ ລະຫວ່າງ ກຸ່ມບໍລິສັດລົດໃຫຍ່ FORD ຂອງ ສ ອາເມລິກາ ແລະ ບໍລິສັດ Diesel ຊົງກົງ). ພາບ: ເຈິ່ນຫວຽດ/VNA  ໝາກມັງກອນ ເປັນສິນຄ້າ ກະສິກຳ ຕົ້ນຕໍ ຂອງ ຫວຽດນາມ ສົ່ງອອກໄປຍັງ ສ ອາເມລິກາ. ພາບ: VNP |
ກ່ຽວກັບການລົງທຶນ, ສ ອາເມລິກາ ເປັນຜູ້ລົງທຶນຕ່າງປະເທດໃຫຍ່ ອັນດັບທີ 11 ຢູ່ ຫວຽດນາມ ດ້ວຍຮູບການລົງທຶນທີ່ຫຼາກຫຼາຍຮູບແບບ, ກັບໂຄງການຈົດທະບຽນ ທີ່ 43/63 ແຂວງ ນະຄອນ, ພາຍຫຼັງ ການ ເຄື່ອນໄຫວ ທີ່ບັນລຸປະສິດທິຜົນ ໃນໄລຍະຍາວ, ມີກຸ່ມບໍລິສັດໃຫຍ່ ຫຼາຍແຫ່ງຂອງ ສ ອາເມລິກາ ມີຄວາມຫວັງ ເປີດກວ້າງການລົງທຶນ, ຊ່ວຍ ຫວຽດນາມ ສ້າງຈຸດທີ່ຕັ້ງ ໃນລະບົບການສະໜອງສິນຄ້າ ໃນ ພາກພື້ນ ແລະ ທົ່ວໂລກ ເທື່ອລະກ້າວ.
ການຮ່ວມມືດ້ານວິທະຍາສາດ ແລະ ເຕັກໂນໂລຊີ ລະຫວ່າງ ສອງປະ ເທດ ກໍມີຄວາມຄືບໜ້າເປັນລຳດັບ. ມີວິສາຫະກິດ ເຕັກໂນໂລຊີ ຫຼາຍ ແຫ່ງຂອງ ສ ອາເມລິກາ ມີຄວາມຫວັງ ຊຸກຍູ້ ການຮ່ວມມື ໃນຂົງເຂດ ທີ່ສອງປະເທດສົນໃຈ ເປັນພິເສດເຊ່ັນ: ສະຕິປັນຍາທຽມ, ເລີ່ມຕົ້ນທຸ ລະກິດ ທີ່ມີຄວາມປະດິດສ້າງ, ພະລັງງານ ຜະລິດຄືນໃໝ່, ພັດທະນາ ພື້ນຖານໂຄງລ່າງ ເຕັກໂນໂລຊີຂ່າວສານ ແລະ ກໍ່ສ້າງ ແຫຼ່ງຊັບພະຍາ ກອນມະນຸດ ຄຸນນະພາບສູງ. ຫຼັງຈາກສ້າງຕັ້ງສາຍພົວພັນ, ການຮ່ວມ ມື ສຶກສາ-ບຳລຸງສ້າງ ສອງຝ່າຍມີການຈະເລີນຂະຫຍາຍຕົວຢ່າງກ້າວ ກະໂດດ ຄື: ປີ 1995, ຈຳນວນນັກສຶກສາ ຫວຽດນາມ ປະຈຳສ ອາເມ ລິກາ ແມ່ນ 500 ຄົນ, 25 ປີ ຫຼັງ ຈຳນວນນັ້ນໄດ້ຂຶ້ນເຖິງ 30.000 ຄົນ, ເຮັດໃຫ້ ຫວຽດນາມ ຢືນຢູ່ອັນດັບແຖວໜ້າກ່ຽວກັບ ຈຳນວນນັກ ສຶກສາໄປຮຽນຢູ່ ສ ອາເມລິກາ. ບໍ່ພຽງແຕ່ເທົ່ານັ້ນ, ນັກສຶກສາ ຫວຽດ ນາມ ສາມາດສຶກສາ, ຄົ້ນຄວ້າ ທີ່ມະຫາວິທະຍາໄລ Fulbright ຫວຽດນາມ ອີກດ້ວຍ.
ການທ່ອງທ່ຽວກໍເປັນຈຸດສຸມ ໃນການພົວພັນສອງຝ່າຍ ກັບ ຈຳນວນ ນັກທ່ອງທ່ຽວ ທີ່ມາທ່ຽວຫວຽດນາມ ນັບມື້ເພີ່ມຂຶ້ນໃນທຸກປີ. ປີ 2019, ສະມາຄົມທ່ອງທ່ຽວ ສ ອາເມລິກາ ໄດ້ຄັດເລືອກ ຫວຽດນາມ ເປັນໜຶ່ງ ໃນ 10 ຈຸດນັດໝາຍທີ່ດຶງດູດໃຈທີ່ສຸດໂລກ. ສຳລັບນັກທ່ອງທ່ຽວ ສ ອາເມລິກາ, ຫວຽດນາມ ກຳລັງກາຍເປັນສະຖານທີ່ທ່ອງທ່ຽວ ທີ່ປອດ ໄພ, ເປັນມິດ ແລະ ມີຄວາມສາມາດຈັດຕັ້ງ ບັນດາເຫດການ ລະດັບ ສາກົນ ອີກດ້ວຍ.
ປະຕິບັດ: VNA/VNP
