ຂ່າວສານ

The ASEAN Post ຕີລາຄາສູງບົດບາດນຳໜ້າຂອງຫວຽດນາມໃນ ອາຊຽນ

22/10/2020

ຫວ່າງແລ້ວນີ້, ໜັງສືພິມ The ASEAN Post ໄດ້ລົງບົດຂຽນຕີລາຄາບົດບາດຂອງຫວຽດນາມໃນຕຳແໜ່ງເປັນປະທານອາຊຽນ 2020.

ພາບປະກອບ: TTXVN

ຕາມບົດຂຽນແລ້ວ, ຫວຽດນາມ ບັນລຸໄດ້ບັນດາບາດກ້າວໃນການສະແດງໃຫ້ເຫັນບົດບາດຂອງຜູ້ນຳທີ່ມີປະສິດທິຜົນ, ພິເສດແມ່ນການເປັນເຈົ້າການຮັບມືກັບໂລກລະບາດ Covid – 19, ນະໂຍບາຍຕ້ານການປ່ຽນແປງຂອງດິນຟ້າອາກາດ ແລະ ສະຖຽນລະພາບດ້ານການເມືອງ. ມີນັກຊ່ຽວຊາຍຫຼາຍທ່ານ ໄດ້ຕີລາຄາສູງຕໍ່ການນຳພາຂອງຫວຽດນາມໃນສະພາບການຕົວຈິງຢູ່ອາຊຽນ.

ບົດຂຽນກໍ່ໄດ້ຕີລາຄາວ່າ ຫວຽດນາມ ແມ່ນໜຶ່ງໃນບັນດາປະເທດທີ່ມີພື້ນຖານການເມືອງໝັ້ນຄົງຢູ່ອາຊີຕາເວັນອອກສ່ຽງໃຕ້, ພາຍໃຕ້ການນຳພາຂອງພັກກອມມູນິດ ຫວຽດນາມ. ຕາມບົດຂຽນແລ້ວ, ໂດຍແມ່ນປະເທດທີ່ພວມພົ້ນເດັ່ນຂຶ້ນ ຂອງອາຊີຕາເວັນອອກສ່ຽງໃຕ້, ຫວຽດນາມ ສາມາດປະກອບສ່ວນເຮັດໃຫ້ ສະພາບແວດລ້ອມແຫ່ງຄວາມໝັ້ນຄົງຂອງ ອາຊຽນ ມີການປ່ຽນແປງແລະ ພ້ອມກັບອິນໂດເນເຊຍ ນຳພາປະຊາຄົມ ກ້າວເດີນຖືກທິດ ຕາມບັນດາເປົ້າໝາຍສະເພາະ, ກໍ່ຄືບັນດາເປົ້າໝາຍລວມຂອງ ທຸກໆປະເທດສະມາຊິກອາຊຽນ, ຜ່ານຜ່າບັນດາບັນຫາທີ່ພວມເກີດຂຶ້ນໃນໂລກ ໃນໄລຍະຫຼັງ ໂລກລະບາດ Covid – 19.

(ແຫຼ່ງຄັດຈາກ VOV)

ການຮ່ວມມືຢ່າງແໜ້ນແຟ້ນລະຫວ່າງສະຖາບັນຍຸຕິທຳ ຫວຽດນາມ ແລະ ສະຖາບັນຍຸຕິທຳແຫ່ງຊາດ ລາວ

29/12/2025
ຂ່າວສານ

ບົນພື້ນຖານການພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງສອງປະເທດ ຫວຽດນາມ - ລາວ, ກວ່າ 2 ທົດສະວັດຜ່ານມາ, ສະຖາບັນຍຸຕິທຳ ຫວຽດນາມ ແລະ ສະຖາບັນຍຸຕິທຳລາວ ໄດ້ພ້ອມກັນຂຽນຕໍ່ເລື່ອງລາວທີ່ດີງາມກ່ຽວກັບການແບ່ງປັນພູມປັນຍາ, ການໜູນຊ່ວຍເຊິ່ງກັນແລະກັນ ໃນພາລະກິດ ກໍ່ສ້າງຖັນແຖວພະນັກງານກົດໝາຍໃຫ້ໝັ້ນຄົງເຂັ້ມແຂງ. ຈາກບັນດາການຢ້ຽມຢາມຄັ້ງທຳອິດ, ບັນດາຊຸດຮຽນທີ່ງ່າຍດາຍໃນຕົ້ນຊຸມປີ 2000, ຕະຫຼອດຮອດບັນດາໂຄງການຮ່ວມມືຂະໜາດໃຫຍ່, ການພົວພັນນັ້ນໄດ້ຮັບການເພີ່ມພູນຄູນສ້າງຢ່າງບໍ່ຢຸດຢັ້ງດ້ວຍນ້ຳໃຈສະຫາຍ, ອ້າຍນ້ອງທີ່ສະໜິດຕິດພັນ.