28/04/2020 09:27 GMT+7 Email Print Like 0

EU ສະແດງຄວາມວິຕົກກັງວົນຕໍ່ບັນດາການກະທຳພຽງລຳຟັງຝ່າຍດຽວຢູ່ ທະເລຕາເວັນອອກ

      ທ່ານ Igor Driesmans ເອກອັກຄະລັດຖະທູດ ເອີລົບ (EU ) ປະຈຳອາຊຽນ ໄດ້ຢັ້ງຢືນຄຳໝັ້ນສັນຍາຂອງ EU ໃນການຮັກສາຄວາມເປັນລະບຽບຮຽບຮ້ອຍຢູ່ບັນດາເຂດທະເລ ແລະ ມະຫາສະມຸດ ໂດຍອີງໃສ່ກົດໝາຍສາກົນ, ຄວາມໝັ້ນຄົງ ແລະ ການຮ່ວມມືໃນການເດີນທະເລ, ກໍ່ຄືຄວາມເສລີໃນການເດີນທະເລ ແລະ ການບິນ, ເພື່ອຜົນປະໂຫຍດຂອງບັນດາປະເທດທັງໝົດ.
 
      
      ທ່ານ Igor Driesmans ເອກອັກຄະລັດຖະທູດ ເອີລົບ (EU ) ປະຈຳອາຊຽນ (ພາບ:  jakartaglobe.id      ທ່ານ Igor Driesmans ໃຫ້ຮູ້ວ່າ EU ສະແດງຄວາມວິຕົກກັງວົນກ່ຽວກັບບັນດາການກະທຳພຽງລຳຟັງຝ່າຍດຽວໃນມໍ່ໆມານີ້ ຢູ່ທະເລຕາເວັນອອກ, ໃນນັ້ນມີ ການຜັນຂະຫຍາຍຊົ່ວຄາວ ຫຼືການເຂົ້າປະຈຳການຂອງບັນດາກຳລັງ ຫຼື ຍານພາຫະນະການທະຫານໃນບັນດາເຂດທະເລທີ່ພວມເກີດການຂັດແຍ້ງກັນ, ກໍ່ຄວາມບໍ່ສະຫງົບ ຫຼືນາບຂູ່ເຖິງກ່ຳປັ່ນຫາປາ ຫຼືກ່ຳປັ່ນອື່ນໆ, ກໍ່ຄືຄວາມພະຍາຍາມຈັດວາງບັນດາເຂດແດນປົກຄອງໃໝ່ແບບພຽງລຳຟັງຝ່າຍດຽວ. ທ່ານ Igor Driesmans ຊີ້ໃຫ້ເຫັນຢ່າງຈະແຈ້ງວ່າ EU ມີຄວາມປາດຖະໜາຢາກໃຫ້ ອາຊຽນ ແລະ ຈີນປະຕິບັດສຳເລັດ ບັນດາການເຈລະຈາຢ່າງກະຈ່າງແຈ້ງກ່ຽວກັບ ກົດແຫ່ງການປະພຶດຂອງບັນດາ ຝ່າຍຢູ່ ທະເລຕາເວັນອອກຢ່າງມີປະສິດທິຜົນ, ແທດຈິງ ແລະ ມີຄວາມຜູກມັດດ້ານນິຕິກຳ. ທ່ານ Igor Driesmans ເນັ້ນໜັກວ່າ ສິ່ງສຳຄັນທີ່ສຸດສຳລັບບັນດາຝ່າຍໃນພາກພື້ນທັງໝົດແມ່ນຕ້ອງມີຄວາມລະງັບໃຈເອງ ແລະ ຫຼີກລ້ຽງບັນດາການກະທຳພຽງລຳຟັງຝ່າຍດຽວ, ມີບັນດາການກະທຳຢ່າງລະອຽດເພື່ອແນໃສ່ກັບຄືນສູ່ສະພາບການເປັນປົກກະຕິ, ຢຸດຕິການຫັນເປັນການເຄຶ່ອນໄຫວການທະຫານໃນພາກພື້ນ ແລະ ແກ້ໄຂບັນດາການຂັດແຍ້ງກັນໂດຍກົດໝາຍສາກົນ, ພິເສດແມ່ນສົນທິສັນຍາ ສປຊ ກ່ຽວກັບກົດໝາຍ ວ່າດ້ວຍທະເລ.
 (ແຫຼ່ງຄັດຈາກ VOV)