ຂ່າວສານ
AIPA: ທ່ານເລຂາທິການໃຫຍ່ສະພາແຫ່ງຊາດກຳປູເຈຍ ຕີລາຄາສູງຂໍ້ລິເລີ່ມຂອງຫວຽດນາມ ກ່ຽວກັບຄະນະກຳມະການລັດຖະສະພາຫນຸ່ມ
ທ່ານ Leng Peng Long ເລຂາທິການໃຫຍ່ສະພາແຫ່ງຊາດ ກຳປູເຈຍ
ພາບ: vietnam+
ວັນທີ 4 ກັນຍາ ເມື່ອຕອບສຳພາດຕໍ່ນັກຂ່າວຢູ່ ກຳປູເຈຍ ກ່ອນທີ່ດຳເນີນກອງປະຊຸມສະມັດຊາໃຫຍ່ ລັດຖະສະພາລະຫວ່າງຊາດ ອາຊຽນ (AIPA 41) ໂດຍຫວຽດນາມ ເປັນເຈົ້າພາບຈັດຕັ້ງຕາມຮູບການອອນລາຍ ແຕ່ວັນທີ 8 – 10 ກັນຍາ ຢູ່ ຮ່າໂນ້ຍ, ທ່ານ Leng Peng Long ເລຂາທິການໃຫຍ່ສະພາແຫ່ງຊາດ ກຳປູເຈຍ ຖືວ່າ: ຫວຽດນາມ ກະກຽມເປັນຢ່າງດີດ້ວຍບົດບາດແມ່ນປະເທດເຈົ້າພາບ ແລະ ສະພາແຫ່ງຊາດ ກຳປູເຈຍ ກໍ່ຕັ້ງຫນ້າເຂົ້າຮ່ວມບັນດາການເຄື່ອນໄຫວຂອງກອງປະຊຸມ. ກ່ຽວກັບໂຄງການດຳເນີນງານ ຂອງ AIPA 41 ທ່ານ Leng Peng Long ຖືວ່າ ນອກຈາກບັນດາເນື້ອໃນທຳມະດາແລ້ວ, ຫວຽດນາມ ໄດ້ເພີ່ມເຕີມ 2 ເນື້ອໃນສຳຄັນ. ນັ້ນແມ່ນຂໍ້ລິເລີ່ມກ່ຽວກັບການສ້າງຕັ້ງຄະນະກຳມະການລັດຖະສະພາຫນຸ່ມ AIPA. ຕາມທ່ານ Leng Peng Long ແລ້ວ, ລຸ້ນຫນ່ມແມ່ນກຳລັງເຂັ້ມແຂງຂອງແຕ່ລະປະເທດ ສະນັ້ນ ສະພາແຫ່ງຊາດ ຕ້ອງມີນະໂຍບາຍສະຫງວນໃຫ້ແກ່ຊາວຫນຸ່ມຂອງແຕ່ລະສະພາແຫ່ງຊາດໃນກຸ່ມ ອາຊຽນ, ສ້າງເງື່ອນໄຂໃຫ້ຊາວຫນຸ່ມເຂົ້າຮ່ວມຢ່າງຕັ້ງຫນ້າໃນວຽກງານພັດທະນາປະເທດຊາດ. ເນື້ອໃນສຳຄັນທີ 2 ນັ້ນແມ່ນ ກອງປະຊຸມຄັ້ງນີ້ ປຶກສາຫາລືກ່ຽວກັບໂລກລະບາດໂຄວິດ 19 ຊອກຫາມາດຕະການລວມເພື່ອແກ້ໄຂຜົນຮ້າຍຢ້ອນຫລັງຍ້ອນໂລກລະບາດກໍ່ຂຶ້ນ.
(ແຫຼ່ງຄັດຈາກ VOV)
