ຂ່າວສານ
ຫວຽດນາມ ປະຕິບັດໃຫ້ສຳເລັດອາຍຸການເປັນປະທານຄະນະກຳມະການບັນດາປະເທດ ອາຊຽນ ຢູ່ ແອັດສະປາຍເປັນຢ່າງດີ
ທ່ານ ໂງຕ໊ຽນຢູ້ງ ເອກອັກຄະລັດຖະທູດ ຫວຽດນາມ(ຜູ້ຢູ່ກາງ) ກັບບັນດາສະມາຊິກ ACM ປະຈຳ Madrid (ພາບ: TTXVN)
ວັນທີ 3 ກໍລະກົດ, ຢູ່ Madrid, ທ່ານ ໂງຕ໊ຽນຢູ້ງ ເອກອັກຄະລັດຖະທູດ ຫວຽດນາມໄດ້ເປັນປະທານວາລະປະຊຸມປະຈຳປີຄະນະກຳມະການບັນດາປະເທດ ອາຊຽນ ປະຈຳ Madrid (ACM) - ແອັດສະປາຍ, ລວມມີ: ມາເລເຊຍ, ອິນໂດເນເຊຍ, ໄທ, ຟິລິບປິນ ແລະ ຫວຽດນາມ, ສະຫຼຸບການເຄື່ອນໄຫວໃນ 6 ເດື່ອນຕົ້ນປີ 2019 ແລະ ມອບຕຳແໜ່ງປະທານ ACM ໃຫ້ແກ່ທ່ານເອກອັກຄະລັດຖະທູດ ອິນໂດເນເຊຍ.
ທີ່ວາລະປະຊຸມ, ທ່ານ ໂງຕ໊ຽນຢູ້ງ ເອກອັກຄະລັດຖະທູດ ຫວຽດນາມໄດ້ສະຫຼຸບການເຄື່ອນໄຫວໃນ ໄລຍະທີ່ສະຖານທູດ ຫວຽດນາມ ເປັນປະທານໝູນວຽນ ACM ( 6 ເດືອນຕົ້ນປີ 2019), ໃນນັ້ນມີການເຄື່ອນໄຫວຫຼາຍຢ່າງໄດ້ຊຸກຍູ້ຄວາມເຂົ້າໃຈ ແລະ ເຊື່ອມຕໍ່ການພົວພັນລະຫວ່າງບັນດາປະເທດ ອາຊຽນປະຈຳ Madrid ກັບບັນດາອົງການອຳນາດການປົກຄອງຂອງ ແອັດສະປາຍ ແລະ ບັນດາເຂດທ້ອງຖິ່ນ…
ທ່ານ ໂງຕ໊ຽນຢູ້ງ ໄດ້ເນັ້ນໜັກວ່າ ໃນໄລຍະຈະມາເຖິງ, ສະຖານທູດ ຫວຽດນາມ ຈະຕັ້ງໜ້າສືບຕໍ່ສົມທົບກັບສະຖະທູດ ອິນໂດເນເຊຍ ເພື່ອຊ່ວຍໃຫ້ບັນດາການເຄື່ອນໄຫວຕ່າງໃນຂອບເຂດ ACM ໄດ້ດຳເນີນໄປຢ່າງສະດວກ ແລະ ມີປະສິດທິຜົນທີ່ສຸດ.
(ແຫຼ່ງຄັດຈາກ VOV)
