05/12/2021 12:57 GMT+7 Email Print Like 0

ຫວຽດນາມ ເປັນປະທານກອງປະຊຸມສະພາຄວາມໝັ້ນຄົງສປຊກ່ຽວກັບການແກ້ໄຂບັນຫາສິ່ງທ້າທາຍຂອງເດັກນ້ອຍ

ການປະທະກັນ ແລະ ຄວາມເຄັ່ງຕຶງໃນທົ່ວໂລກ ພວມກໍ່ໃຫ້ເກີດສິ່ງທ້າທາຍໃຫ້ແກ່ປະຊາຊົນ, ໃນນັ້ນມີເດັກນ້ອຍ. ຍ້ອນເຫດນັ້ນ, ຄວນຍົກສູງສະຕິຄວາມຮັບຮູ້ກວ່າອີກ ກ່ຽວກັບການປົກປ້ອງ ແລະ ເບິ່ງແຍງດູແລເດັກ.
(ຜູ້ແທນເຂົ້າຮ່ວມດກອງປະຊຸມ)

ວັນທີ 03 ທັນວາ, ສະພາຄວາມໝັ້ນຄົງສະຫະປະຊາຊາດ ໄດ້ຈັດກອງປະຊຸມຕາມຮູບແບບ Arria ກ່ຽວກັບຫົວເລື່ອງ “ແກ້ໄຂບັນຫາສິ່ງທ້າທາຍຂອງເດັກນ້ອຍທີ່ ບໍ່ໄດ້ຮັບການເບິ່ງແຍງດູແລຈາກພໍ່ແມ່ໃນສະພາບເກີດການປະທະກັນ”. ກອງປະຊຸມໄດ້ຈັດຂຶ້ນຕາມຂໍ້ລິເລິ່ມຂອງ ຫວຽດນາມ, ເຊິ່ງໄດ້ຮັບການຮ່ວມອຸປະຖຳ ແລະ ມີຊື່ ຈັດຕັ້ງຈາກປະເທດ ເຄັນຢາ, ນີເຊ, ນອກແວ, ແຊັງແວັງຊັງ, ລັດເຊຍ, ອາເມລິກາ ແລະ ມານຕາ.

        ກ່າວຄຳເຫັນທີ່ກອງປະຊຸມ, ທ່ານເອກອັກຄະລັດຖະທູດ, ຫົວໜ້າຄະນະຜູ້ຕາງໜ້າ ຫວຽດນາມ ດັ້ງດິງກຸຍ ຖືວ່າ, ການປະທະກັນ ແລະ ຄວາມເຄັ່ງຕຶງໃນທົ່ວໂລກ ພວມກໍ່ໃຫ້ເກີດສິ່ງທ້າທາຍໃຫ້ແກ່ປະຊາຊົນ, ໃນນັ້ນມີເດັກນ້ອຍ. ຍ້ອນເຫດນັ້ນ, ຄວນຍົກສູງສະຕິຄວາມຮັບຮູ້ກວ່າອີກ ກ່ຽວກັບການປົກປ້ອງ ແລະ ເບິ່ງແຍງດູແລເດັກ, ກໍ່ຄືຄວນເພີ່ມທະວີການໜູນຊ່ວຍເດັກຢູ່ທັງລະດັບຊາດ, ພາກພື້ນ ແລະ ທົ່ວໂລກ. ທ່ານເອກອັກຄະລັດຖະທູດ ດັ້ງດິງກຸຍ ໃຫ້ຮູ້ວ່າ, ຫວຽດນາມ ແມ່ນປະເທດທຳອິດຢູ່ ອາຊີ ແລະ ແມ່ນປະເທດທີ 2 ໃນໂລກທີ່ໃຫ້ສັດຕະຍາບັນສົນທິສັນຍາຂອງສະຫະປະຊາຊາດກ່ຽວກັບສິດທິເດັກ ແລະ ຍາມໃດກໍ່ຖືບັນຫາປົກປ້ອງ ແລະ ເບິ່ງແຍງດູແລເດັກແມ່ນບຸລິມະສິດສູງສຸດ ເມື່ອຮັບດຳລົງຕຳແໜ່ງກຳມະການບໍ່ປະຈຳການສະພາຄວາມໝັ້ນຄົງສະຫະປະຊາຊາດ.

(ແຫຼ່ງຄັດຈາກ VOV)