ສື່ມວນຊົນ ລາວ ລົງຂ່າວເປັນຈຳນວນຫລວງຫຼາຍກ່ຽວກັບການຢ້ຽມຢາມສັນຖະວະໄມຕີລາວຢ່າງເປັນທາງການຂອງທ່ານປະທານປະເທດຫວຽດນາມ ຫງວຽນຊວັນຟຸກ

ສື່ມວນຊົນ ລາວ ໃນວັນທີ 10 ສິງຫາ ສືບຕໍ່ລົງບັນດາຂ່າວ, ບົດຂຽນເປັນຈຳນວນຫລວງຫລາຍກ່ຽວກັບການຢ້ຽມຢາມສັນຖະວະໄມຕີ ປະເທດ ສປປ.ລາວ ຢ່າງເປັນທາງການຂອງທ່ານປະທານປະເທດ ຫງວຽນຊວັນຟຸກ ແລະ ພັນລະນາ, ໂດຍເນັ້ນໜັກວ່າ ການຢ້ຽມຢາມເພື່ອແນໃສ່ເພີ່ມທະວີ ແລະ ພັດທະນາ ການພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງ ຫວຽດນາມ - ລາວກວ່າອີກ.

ບັນດາໜັງສືພິມໃຫຍ່ຂອງ ລາວ ຄື ປະຊາຊົນ, ປະເທດລາວ... ລ້ວນແຕ່ຄັດສະເໜີຄຳເວົ້າຂອງທ່ານ ເລຂາທິການໃຫຍ່, ປະທານປະເທດ ທອງລຸນ ສີສຸລິດ ໂດຍຢັ້ງຢືນວ່າ ເລື່ອງ ທ່ານປະທານປະເທດ ຫວຽດນາມ ຫງວຽນຊວັນຟຸກ ເລືອກເອົາ ປະເທດ ລາວ ເປັນປະເທດທຳອິດເດີນທາງໄປຢ້ຽມຢາມໃນຖານະຕຳແໜ່ງໃໝ່, ເປັນການສະແດງໃຫ້ເຫັນຄວາມຖືເປັນສຳຄັນ ພິເສດຂອງ ພັກ, ລັດ ຫວຽດນາມ ແລະ ໃນນາມສ່ວນຕົວຂອງທ່ານປະທານປະເທດ ຫງວຽນຊວັນຟຸກ ຕໍ່ການຮັກສາ, ປົກປ້ອງ ແລະ ເພີ່ມພູນຄູນສ້າງການພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງ ຫວຽດນາມ - ລາວ, ເນັ້ນໜັກວ່າ ການຢ້ຽມຢາມໄດ້ປະກອບສ່ວນເຂົ້າໃນການຊຸກຍູ້ ການພົວພັນລະຫວ່າງສອງພັກ, ສອງລັດ ໃຫ້ມີການພັດທະນາ, ເຂົ້າສູ່ລວງເລິກ, ມີປະສິດທິຜົນ ແລະ ແທດຈິງ ກ່ວາອີກ.

ທີ່ການໂອ້ລົມສົນທະນາ, ປະທານປະເທດສອງທ່ານ ລ້ວນແຕ່ເຫັນດີເປັນເອກະພາບເຮັດໃຫ້ການພົວພັນມິດຕະພາບ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງ ສອງປະເທດ ເລິກເຊິ່ງກ່ວາອີກ. ສອງຝ່າຍໄດ້ເຫັນດີເປັນເອກະພາບຈະຈັດຕັ້ງ ບັນດາການຢ້ຽມຢາມແລກປ່ຽນຂອງບັນດາຄະນະຜູ້ແທນຂັ້ນສູງຫຼາຍກ່ວາອີກ ແລະ ຊຸກຍູ້ການປະຕິບັດບັນດາໂຄງການ ແລະ ຂໍ້ຕົກລົງເຊິ່ງສອງປະເທດ ໄດ້ລົງນາມ, ເຫັນດີເປັນເອກະພາບຕ້ອງເອົາໃຈໃສ່ເປັນພິເສດການຮ່ວມມືດ້ານປ້ອງກັນຊາດ ແລະ ປ້ອງກັນຄວາມສະຫງົບ ກ່ວາອີກ ເພື່ອຮັບມືກັບບັນດາສິ່ງທ້າທາຍ ແລະ ສ້າງຄວາມສະດວກໃຫ້ແກ່ການພັດທະນາ.

(ແຫຼ່ງຄັດຈາກ VOV)