23/10/2021 13:21 GMT+7 Email Print Like 0

ພິ​ທີສະ​ເຫຼີມ​ສະ​ຫຼອງວັນ​ເປີດ​ເສັ້ນ​ທາງ ໂຮ່​ຈີ​ມິນ ຢູ່ທະ​ເລ ຄົບ​ຮອບ 60 ປີ

ຕອນເຊົ້າວັນທີ 22 ຕຸລາ, ຢູ່ນະຄອນ ຫ໋າຍຟ່ອງ, ຄະນະພັກການທະຫານສູນກາງ, ກະຊວງປ້ອງກັນປະເທດ ຫວຽດນາມ ໄດ້ຈັດຕັ້ງພິທີສະເຫຼີມສະຫຼອງວັນເປີດເສັ້ນທາງ ໂຮ່ຈີມິນ ຢູ່ ທະເລ (23/10/1961 – 23/10/2021) ຄົບຮອບ 60 ປີ ຢ່າງສົມກຽດ. ທ່ານພົນເອກ ຟານວັນຢາງ ຮອງເລຂາຄະນະພັກການທະຫານສູນກາງ, ລັດຖະມົນຕີກະຊວງປ້ອງກັນປະເທດ ເປັນປະທານພິທີ.
ທ່ານພົນໂທ ເລຮຸຍຫວິ້ງ, ຮອງລັດຖະມົນຕີກະຊວງປ້ອງກັນປະເທດ ຫວຽດນາມ ກ່າວຄຳເຫັນທີ່ພິທີ

ກ່າວຄຳເຫັນທີ່ພິທີ, ທ່ານພົນໂທ ເລຮຸຍຫວິ້ງ, ຮອງລັດຖະມົນຕີກະຊວງປ້ອງກັນປະເທດ ຫວຽດນາມ ຢັ້ງຢືນວ່າ:

        “ເສັ້ນທາງໂຮ່ຈີມິນ ຢູ່ທະເລ ແມ່ນລັດຖະນະໂຍບາຍທີ່ຖືກຕ້ອງ, ມີຫົວຄິດປະດິດສ້າງເປັນມີເອກະລັກ, ສະແດງໃຫ້ເຫັນຈິນຕະນາການ ແລະ ວິໄສທັດຍຸດທະສາດ, ສະຫຼາດຫຼັກແຫຼມຂອງພັກ ແລະ ປະທານ ໂຮ່ຈີມິນ ໃນສິລະປະຊີ້ນຳສົງຄາມປະຕິວັດ, ສືບທອດ ແລະ ເສີມຂະຫຍາຍມູນເຊື້ອວິລະຊົນຕ້ານສັດຕູຈາກພາຍນອກເຂົ້າມາຮຸກຮານຂອງລຸ້ນພໍ່ລຸ້ນອ້າຍໃນຍຸກສະໄໝໃໝ່. ນີ້ແມ່ນເສັ້ນທາງທີ່ສະແດງໃຫ້ເຫັນຄວາມຕັດສິນໃຈ, ເຈດຈຳນົງ “ບໍ່ມີຫຍັງປະເສີດເລີດລ້ຳກວ່າເອກະລາດ, ເສລີພາບ”, “ປະເທດ ຫວຽດນາມ ເປັນໜຶ່ງ, ຊາດ ຫວຽດນາມ ເປັນໜຶ່ງ” ແລະ ຄວາມຄາດຫວັງຢ່າງແຮງກ້າ “ເໜືອ - ໃຕ້ ໂຮມເຂົ້າກັນເປັນປຶກໜຶ່ງແຜ່ນດຽວ”, ບໍ່ມີຄວາມຫຍຸ້ງຍາກກີດຂວາງໃດ, ສັດຕູໂຕໃດສາມາດມາກີດກັ້ນໄດ້”.

        ການກຳເນີດຂອງກອງກຳລັງ 759 ພ້ອມກັບການທະລຸເສັ້ນທາງລຳລຽງຍຸດທະສາດເໜືອ - ໃຕ້ ຢູ່ທະເລ ກໍແມ່ນວັນມູນເຊື້ອຂອງກອງກຳລັງ 759, ໄລຍະຕໍ່ມາປ່ຽນເປັນກອງກຳລັງ 125 ແລະ ປັດຈຸບັນແມ່ນ ກອງພົນນ້ອຍ 125 ກອງທັບເຮືອວິລະຊົນ.

(ແຫຼ່ງຄັດຈາກ VOV)