ປະທານປະເທດ: ເພື່ອປະເທດ ຫວຽດນາມ ເອົາຊະນະໂລກລະບາດ ແລະ ພັດທະນາວັດທະນາຖາວອນ
ພັກ ແລະ ລັດ ຫວຽດນາມ ຍາມໃດກໍເອົາໃຈໃສ່ ແລະ ເປັນເຈົ້າການປະກາດໃຊ້ຫຼາຍແຜນນະໂຍບາຍ, ນະໂຍບາຍເພື່ອພັດທະນາທັກສະແຮງງານ.
ທ່ານປະທານປະເທດ ຫວຽດນາມ ຫງວຽນຊວັນຟຸກ (ພາບ: TTXVN)
ເນື່ອງໃນໂອກາດວັນທັກສະແຮງງານ ຫວຽດນາມ ວັນທີ 4 ຕຸລາ, ທ່ານປະທານປະເທດ ຫວຽດນາມ ຫງວຽນຊວັນຟຸກ ຫາກໍສົ່ງຈົດໝາຍຮຽກຮ້ອງໃຫ້ຮ່ວມເດີນທາງຍົກສູງລະດັບທັກສະແຮງງານ “ເພື່ອປະເທດ ຫວຽດນາມ ເອົາຊະນະໂລກລະບາດ ແລະ ພັດທະນາແບບຍືນຍົງ”.
ໃນຈົດໝາຍ, ທ່ານປະທານປະເທດ ຫວຽດນາມ ຫງວຽນຊວັນຟຸກ ຢັ້ງຢືນວ່າ ພັກ ແລະ ລັດ ຫວຽດນາມ ຍາມໃດກໍເອົາໃຈໃສ່ ແລະ ເປັນເຈົ້າການປະກາດໃຊ້ຫຼາຍແຜນນະໂຍບາຍ, ນະໂຍບາຍເພື່ອພັດທະນາທັກສະແຮງງານ. ທ່ານປະທານປະເທດ ສະເໜີໃຫ້ຍູ້ແຮງການພັດທະນາແຫຼ່ງຊັບພະຍາກອນມະນຸດທີ່ມີທັກສະ, ມີສີມືແຮງງານສູງ, ສອນວິຊາຊີບໃຫ້ແກ່ຊາວໜຸ່ມຢ່າງທົ່ວເຖິງ; ຮຽກຮ້ອງໃຫ້ຊາວຜູ້ອອກແຮງງານທຸກຄົນໃນທົ່ວປະເທດຈົ່ງຮ່ຳຮຽນ, ຝຶກຝົນຫຼໍ່ຫຼອມດ້ານທັກສະວິຊາຊີບຢ່າງບໍ່ຢຸດຢັ້ງ; ປະດິດຄິດສ້າງຢ່າງຕໍ່ເນື່ອງເພື່ອປົວແປງສະມັດຕະພາບ ແລະ ຍົກສູງປະສິດທິຜົນການອອກແຮງງານ; ມານະພະຍາຍາມກວ່າອີກເພື່ອຮ່ວມແຮງຮ່ວມໃຈຕ້ານໂລກລະບາດໂຄວິດ - 19.
(ແຫຼ່ງຄັດຈາກ VOV)