ວັນທີ 11 ຕຸລາ, ຢູ່ກອງປະຊຸມທາງໄກ ກັບ 63 ແຂວງ, ນະຄອນ ເພື່ອແນໃສ່ກວດກາຄວາມຄືບໜ້າໃນການສັກວັກຊິນກັນໂຄວິດ - 19, ທ່ານຮອງລັດຖະມົນຕີສາທາລະນະສຸກ ໂດຊວັນຕວຽນ ໄດ້ຮຽກຮ້ອງໃຫ້ບັນດາທ້ອງຖິ່ນ ຍູ້ໄວຄວາມຄືບໜ້າໃນການສັກວັກຊິນໃນປີ 2021, ພ້ອມທັງສ້າງແຜນການສັກວັກຊິນກັນໂຄວິດ - 19 ໃນປີ 2022. ຕາມນັ້ນແລ້ວ, ຄາດວ່າຄວາມຕ້ອງການໃນການສະໜອງວັກຊິນໃນປີ 2022 ຢູ່ ຫວຽດນາມ ຂຶ້ນເຖິງ 166 ລ້ານໂດສ ເພື່ອສັກໃຫ້ແກ່ບັນດາເປົ້າໝາຍ, ລວມມີເດັກນ້ອຍທີ່ມີອາຍຸແຕ່ 12 – 18 ປີ. ກ່ຽວກັບການສັກວັກຊິນກັນໂຄວິດ - 19 ໃຫ້ແກ່ຊາວຕ່າງປະເທດ, ຮຽກຮ້ອງໃຫ້ບັນດາແຂວງ, ນະຄອນ ຕ້ອງປະຕິບັດການສັກວັກຊິນເຂັມທີ 1 ໃຫ້ແກ່ຊາວຕ່າງປະເທດໝົດທຸກຄົນ ກ່ອນວັນທີ 31 ຕຸລາ.
ມາຮອດປັດຈຸບັນ, ຫວຽດນາມ ໄດ້ສັກວັກຊິນເກືອບ 55 ລ້ານໂດສ, ໃນນັ້ນມີ ເກືອບ 39 ລ້ານຄົນ ທີ່ມີອາຍຸແຕ່ 18 ປີຂຶ້ນໄປ ໄດ້ຮັບການສັກວັກຊິນເຂັມທີ 1ແລະ 16 ລ້ານຄົນໄດ້ຮັບການສັກວັກຊິນເຂັມທີ 2.
(ແຫຼ່ງຄັດຈາກ VOV)
