08/12/2021 23:00 GMT+7 Email Print Like 0

ຍູ້ແຮງການຫັນເປັນດິຈິຕອນເພື່ອເອົາໃຈໃສ່ເຖິງການໜູນຊ່ວຍສັງຄົມໃຫ້ແກ່ປະຊາຊົນໃຫ້ດີກ່ວາເກ່ົາ

      ຕອນເຊົ້າວັນທີ 8/12, ຢູ່ສຳນັກງານລັດຖະບານ, ທ່ານນາຍົກລັດຖະມົນຕີ ຟ້າມມິງຈີ້ງ ໄດ້ມີການເຮັດວຽກກັບອົງການປະກັນສັງຄົມ ຫວຽດນາມ ກ່ຽວກັບການປະຕິບັດບັນດາການເຄື່ອນໄຫວໃນໄລຍະຜ່ານມາ ແລະ ບັນດາທິດທາງສຳຄັນໃນໄລຍະຈະມາເຖິງ
ທ່ານນາຍົກລັດຖະມົນຕີ ຟ້າມມິງຈີ້ງ ເຮັດວຽກກັບອົງການປະກັນສັງຄົມ ຫວຽດນາມ 
            ທ່ານນາຍົກລັດຖະມົນຕີ ຟ້າມມິງຈີ້ງ ຕີລາຄາສູງບັນດາຄວາມມານະພະຍາຍາມຂອງອົງການປະກັນສັງຄົມໃນການປະຕິບັດໜ້າທີ່ທີ່ໄດ້ຮັບມອບໝາຍ, ພິເສດແມ່ນການປະຕິຮູບນະໂຍບາຍປະກັນສັງຄົມ.
       ກ່ຽວກັບວຽກງານທີ່ຈະມາເຖິງ, ທ່ານນາຍົກລັດຖະມົນຕີສະເໜີໃຫ້ອົງການປະກັນສັງຄົມສຸມໃສ່ສ້າງລະບອບລະບຽບການໃຫ້ສົມບູນແບບ, ສ້າງຍຸດທະສາດ ແລະ ແຜນການ; ຕ້ອງກະທຳຢ່າງຂ້ຽວຂາດ ແລະ ມີປະສິດທິຜົນ, ມີຈຸດສຸມ. ທ່ານນາຍົກລັດຖະມົນຕີ ໃຫ້ຄຳຕັກເຕືອນວ່າ ອາດຈະສ້າງຕັ້ງໜ່ວຍງານເພື່ອກວດກາຄືນບັນດາສິ່ງທີ່ຄ້າງຄາຂອງກົນໄກ, ນະໂຍບາຍ, ກົດໝາຍປະກັນສັງຄົມ, ປະກັນການຫວ່າງງານ ແລະ ປະກັນສຸຂະພາບ ເພື່ອສະເໜີ ແລະ ເປັນເສນາທິການໃຫ້ຂັ້ນຕ່າງໆທີ່ມີສິດອຳນາດ. ໃນບັນດາການເຄື່ອນໄຫວວິຊາຊີບ, ທ່ານນາຍົກລັດຖະມົນຕີ ຕັກເຕືອນວ່າ: ການຄຸ້ມຄອງ ແລະ ນຳໃຊ້ກອງທຶນປະກັນສັງຄົມ ຕ້ອງຮັບປະກັນສິດຜົນປະໂຫຍດຂອງຜູ້ເຂົ້າຮ່ວມການປະກັນສັງຄົມ, ຮັບປະກັນຄວາມປອດໄພ, ເຕີບໂຕ ແລະ ພັດທະນາ, ປະກອບສ່ວນຮັກສາສະຖຽນລະພາບທາງດ້ານເສດຖະກິດມະຫາພາກ, ເພື່ອຜົນປະໂຫຍດລວມ.
(ແຫຼ່ງຄັດຈາກ VOV)