ໄຂສັບປະດາສິນຄ້າ ຫວຽດນາມ 2021 ຢູ່ລະບົບຮ້ານຊັບພະສິນຄ້າຂອງ ສິງກະໂປ
ທ່ານນາງ Goh Tsu Ching, ຫົວໜ້າຮັບຜິດຊອບການສະໜອງສາກົນຂອງ FairPrice, ໃຫ້ຮູ້ວ່າ: ລູກຄ້ານິຍົມຊົມຊອບສິນຄ້າ ຫວຽດນາມ ທີ່ສຸດ.
ສັບປະດາສິນຄ້າ ຫວຽດນາມ 2021
(ພາບ: TTXVN)
ວັນທີ 06 ທັນວາ, ຢູ່ລະບົບຮ້ານຊັບພະສິນຄ້າໃຫຍ່ຂອງ ສິງກະໂປ ແມ່ນ NTUC FairPrice ແລະ Hao Mart, ໄດ້ດຳເນີນສັບປະດາສິນຄ້າ ຫວຽດນາມ 2021. ຢູ່ທີ່ນີ້, ອົງການການຄ້າ ຫວຽດນາມ ປະຈຳ ສິງກະໂປ ໄດ້ສົມທົບກັບບໍລິສັດ FairPrice ສຸມໃສ່ແນະນຳ 38 ຜະລິດຕະພັນກະເສດ ແລະ ທັນຍາຫານປຸງແຕ່ງຂອງ ຫວຽດນາມ ເຊິ່ງຫາກໍ່ສົ່ງເຂົ້າລະບົບຂາຍຍ່ອຍ, ໃນນັ້ນມີບັນດາສິນຄ້າຖືລັກສະນະບຸກທະລຸຂອງວິສາຫະກິດ ຫວຽດນາມ ຄື: ກາເຟລົດຊາດໝາກໄມ້, ນົມສົ້ມຊະນິດດື່ມ, ຊາພື້ນເມືອງ…
FairPrice ແມ່ນລະບົບຮ້ານຊັບພະສິນຄ້າໃຫຍ່ສຸດຂອງ ສິງກະໂປ. ທ່ານນາງ Goh Tsu Ching, ຫົວໜ້າຮັບຜິດຊອບການສະໜອງສາກົນຂອງ FairPrice, ໃຫ້ຮູ້ວ່າ: ລູກຄ້ານິຍົມຊົມຊອບສິນຄ້າ ຫວຽດນາມ ທີ່ສຸດ.
(ແຫຼ່ງຄັດຈາກ VOV)