ຂ່າວສານ

ໄຂວາລະປະຊຸມຄັ້ງທີ6,ຄະນະປະຈຳສະພາແຫ່ງຊາດຊຸດທີ14

08/01/2017

ວັນທີ 9/1, ຈະໄຂວາລະປະຊຸມຄັ້ງທີ6,ຄະນະປະຈຳສະພາແຫ່ງຊາດຊຸດທີ 14. ເຊິ່ງຈະດຳເນີນເປັນເວລາ 3 ວັນ, ທີ່ວາລະປະຊຸມຄັ້ງນີ້, ຄະນະປະຈຳສະພາແຫ່ງຊາດຈະສະຫງວນເວລາສ່ວນຫຼາຍໃຫ້ແກ່ວຽກງານສ້າງກົດໝາຍ. ຕາມນັ້ນແລ້ວ, ຄະນະປະຈຳສະພາແຫ່ງຊາດ ຈະປະກອບຄຳເຫັນກ່ຽວກັບບັນດາບັນຫາໃຫຍ່ທີ່ຍັງມີຄວາມແຕກຕ່າງກັນຂອງຮ່າງກົດໝາຍຈຳນວນໜຶ່ງຄື: ກົດໝາຍວ່າດ້ວຍການຊົດເຊີຍຂອງລັດ (ສະບັບປັບປຸງ), ກົດໝາຍວ່າດ້ວຍການໜູນຊ່ວຍດ້ານນິຕິທຳ (ສະບັບປັບປຸງ), ກົດໝາຍວ່າດ້ວຍການໜູນຊ່ວຍວິສາຫະກິດຂະໜາດກາງ ແລະ ນ້ອຍ, ກົດໝາຍວ່າດ້ວຍການວາງແຜນຜັງ… ກໍ່ໃນວາລະປະຊຸມຄັ້ງນີ້, ຄະນະປະຈຳສະພາແຫ່ງຊາດໄດ້ປະກອບຄຳເຫັນກ່ຽວກັບບັນດາແຜນຮ່າງ ແລະ ລະດັບການຈັດແບ່ງທຶນລະອຽດໃຫ້ແຕ່ລະໂຄງການໃນແຜນການລົງທຶນສາທາລະນະໄລຍະກາງແຕ່ 2016 – 2020 ແລະ ບາງບັນຫາສຳຄັນອື່ນໆອີກ.

(ແຫຼ່ງຄັດຈາກ VOV)

ສະຫາຍ ເລຂາທິການໃຫຍ່ ໂຕເລິມ ເປັນປະທານພິທີຕ້ອນຮັບ ສະຫາຍ ເລຂາທິການໃຫຍ່, ປະທານປະເທດລາວ ທອງລຸນ ສີສຸລິດ

26/01/2026
ຂ່າວສານ

ສະຫາຍ ເລຂາທິການໃຫຍ່ ຄະນະບໍລິຫານງານສູນກາງພັກ ປະຊາຊົນ ປະຕິວັດລາວ, ປະທານປະເທດ ແຫ່ງ ສປປ ລາວ ທອງລຸນ ສີສຸລິດ ແລະ ພັນລະຍາ ທ່ານນາງ ນາລີ ສີສຸລິດ ໄດ້ເດີນທາງເຖິງນະຄອນຫຼວງ ຮ່າໂນ້ຍ, ເລີ່ມຕົ້ນການຢ້ຽມຢາມລັດຖະກິດ ຢູ່ ສສ ຫວຽດນາມ ໃນລະຫວ່າງວັນທີ 26-27 ມັງກອນ 2026, ຕາມຄຳເຊີນຂອງ ສະຫາຍ ເລຂາທິການໃຫຍ່ ຄະນະບໍລິຫານງານສູນກາງພັກ ກອມມູນິດ ຫວຽດນາມ ໂຕເລິມ ແລະ ພັນລະຍາ ນາງ ໂງເຟືອງລີ.