(ພາບ: Nhan Sáng/TTXVN)
ຕອນເຊົ້າວັນທີ 17/2, ຢູ່ສຳນັກງານສະພາແຫ່ງຊາດ, ພາຍໃຕ້ການເປັນປະທານຂອງທ່ານປະທານສະພາແຫ່ງຊາດ ຫງວຽນຊິງຮູ່ງ, ຄະນະປະຈຳສະພາແຫ່ງຊາດ ໄຂວາລະປະຊຸມຄັ້ງທີ 45 ດ້ວຍຫຼາຍເນື້ອໃນສຳຄັນເພື່ອກະກຽມໃຫ້ແກ່ກອງປະຊຸມສະໄໝສາມັນເທື່ອທີ 11, ສະພາແຫ່ງຊາດຊຸດທີ 13, ເຊິ່ງຄາດວ່າຈະຈັດຕັ້ງໃນເດືອນ 3 ຈະມາເຖິງ. ກ່າວຄຳເຫັນໄຂກອງປະຊຸມ, ທ່ານປະທານສະພາແຫ່ງຊາດ ຫງວຽນຊິງຮູ່ງ ໃຫ້ຮູ້ວ່າ: ກອງປະຊຸມຄັ້ງນີ້ຈະດຳເນີນການສະຫລຸບການເຄື່ອນໄຫວຂອງສະພາແຫ່ງຊາດ, ບັນດາອົງການຂອງສະພາແຫ່ງຊາດ, ລັດຖະບານ, ປະທານປະເທດ, ບັນດາອົງການຍຸຕິທຳ. ທ່ານ ຫງວຽນຊິງຮູ່ງ ສະເໜີວ່າ: ທີ່ວາລະປະຊຸມນີ້ຂອງຄະນະປະຈຳສະພາແຫ່ງຊາດ, ບັນດາອົງການກ່ຽວຂ້ອງຕ້ອງກວດກາຄືນທຸກວຽກງານເພື່ອຊຸກຍູ້ການເຄື່ອນໄຫວຂອງສະພາເລືອກຕັ້ງແຫ່ງຊາດ, ສ້າງເງື່ອນໄຂໃຫ້ສະພາເລືອກຕັ້ງແຫ່ງຊາດ ແລະ ຄະນະປະຈຳສະພາແຫ່ງຊາດສືບຕໍ່ຊີ້ນຳນຳພາການເລືອກຕັ້ງໃຫ້ບັນລຸຜົນສຳເລັດ. ທ່ານປະທານສະພາແຫ່ງຊາດ ຫງວຽນຊິງຮູ່ງ, ໃຫ້ຮູ້ວ່າ:“ການເລືອກຕັ້ງສຳເລັດຜົນມີຄວາມໝາຍວ່າການເລືອກຕັ້ງຈະເລືອກຕັ້ງບັນດາສະມາຊິກສະພາແຫ່ງຊາດ, ສະພາປະຊາຊົນ ເຊິ່ງແມ່ນບັນດາຜູ້ຕາງໜ້າໃຫ້ເຈດຈຳນົງ, ຄວາມມຸ່ງມາດປາດຖະໜາຂອງປະຊາຊົນ, ມີກຳລັງແຮງຂອງປະຊາຊົນເຂົ້າໃນອາຍຸການໃໝ່ຂອງປະເທດຊາດ. ອາດເວົ້າໄດ້ວ່າ: ໜ້າທີ່ຂອງພວກເຮົານັບແຕ່ນີ້ເຖິງສະໄໝປະຊຸມຈະມາເຖິງແມ່ນສຳຄັນທີ່ສຸດ. ຂ້າພະເຈົ້າຫວັງວ່າ: ບັນດາສະມາຊິກ ໃນຄະນະປະຈຳສະພາແຫ່ງຊາດ ດ້ວຍຈິດໃຈຄວາມຮັບຜິດຊອບສູງ, ດ້ວຍຄວາມຕັດສິນໃຈ ແລະ ເຈດຈຳນົງຂອງຕົນຈະສືບຕໍ່ມີບັນດາການປະກອບສ່ວນສຳຄັນເພື່ອໃຫ້ກອງປະຊຸມດຳເນີນໄປສຳເລັດຜົນ”
(ແຫຼ່ງຄັດຈາກ VOV)
