20/05/2020 09:58 GMT+7 Email Print Like 0

ໄຂງານວາງສະແດງປື້ມທາງອອນລາຍສະເຫຼີມສະຫຼອງ 130 ປີແຫ່ງວັນຄ້າຍວັນເກີດຂອງປະທານ ໂຮ່ຈີມິນ

ຕອນເຊົ້າວັນທີ 19 ພຶດສະພາ, ຢູ່ນະຄອນຫຼວງ ຮ່າໂນ້ຍ, ກະຊວງຖະແຫຼງຂ່າວ ແລະ ສື່ສານສົມທົບກັບຄະນະໂຄສະນາສຶກສາສູນກາງພັກຈັດພິທີໄຂງານວາງສະແດງປື້ມເນື້ອໃນໂອກາດສະເຫຼີມສະຫຼອງ 130 ປີແຫ່ງວັນຄ້າຍວັນເກີດຂອງປະທານ ໂຮ່ຈີມິນ ຕາມຮູບການທາງອອນລາຍໃນເວັບໄຊ Book365.vn ດ້ວຍຊື່ລະຫັດເຂົ້າຫາ: TrienlamsachHCM.Book365.vn. 

ໜ້າເວັບໄຊ Book365.vn

ກ່າວຄຳເຫັນໄຂງານວາງສະແດງ, ທ່ານ ຮ່ວາງວີ໋ງບ໋າວ ຮອງລັດຖະມົນຕີກະຊວງຖະແຫຼງຂ່າວ ແລະ ສື່ສານ ເນັ້ນໜັກວ່າ: ປື້ມຫົວ,  ເອກະສານກ່ວາ 700 ກ່ຽວຂ້ອງເຖິງຊີວິດ ແລະ ພາລະກິດຂອງ ປະທານ ໂຮ່ຈີມິນ; ກ່ຽວກັບການຮ່ຳຮຽນ ແລະ ປະຕິບັດຕາມແນວຄິດຄຸນສົມບັດ, ແບບແຜນການດຳລົງຊີວິດຂອງປະທານໂຮ່ຈິມິນ, ງານວາງສະແດງຈະຍູ້ແຮງການຮ່ຳຮຽນ ແລະ ປະຕິບັດຕາມແນວຄິດຄຸນສົມບັດ, ແບບແຜນການດຳລົງຊີວິດຂອງປະທານໂຮ່ຈິມິນໃຫ້ ພະນັກງານ, ສະມາຊິກພັກ, ມະຫາຊົນ, ປະກອບສ່ວນສຶກສາມູນເຊື້ອປະຕິວັດ, ນ້ຳໃຈຮັກຊາດ, ຄວາມເອກອ້າງທະນົງໃຈແຫ່ງຊາດ; ຢັ້ງຢືນຄວາມເຊື່ອໝັ້ນຂອງປະຊາຊົນສຳລັບພັກ ແລະ ບັນດາປະກອບສ່ວນຂອງຂະແໜງພິມຈຳໜ່າຍໃນພາລະກິດສາສ້າງ ແລະ ປົກປັກຮັກສາປະເທດຊາດ ຫວຽດນາມ  ສັງຄົມນິຍົມ.
(ແຫຼ່ງຄັດຈາກ VOV)