ທ່ານຮ່ວາງຈຸງຫາຍ, ເລຂາຄະນະພັກນະຄອນຮ່າໂນ້ຍ ຕີກອງໄຂງານບຸນ
(ພາບ: baotintuc.vn)
ຕອນຄ່ຳວັນທີ 09/02 (ກົງກັບວັນທີ 13 ເດືອນຈ່ຽງປີລະກາ), ຢູ່ເຂດປູຊະນີຍະສະຖານແຫ່ງຊາດພິເສດ ເຂດສຸສານ ແລະ ວິຫານບູຊາບັນດາເຈົ້າຊີວິດໃນສະໄໝລາດຊະວົງເຈີ່ນ ຢູ່ຕາແສງ ຕ໋ຽນດຶກ, ເມືອງຮືງຮ່າ, ແຂວງທ໋າຍບິ່ງ, ໄດ້ດຳເນີນພິທີໄຂງານບຸນວິຫານ ເຈີ່ນ - ທ໋າຍບິ່ງ ປີ 2017. ທ່ານຮ່ວາງຈຸງຫາຍ, ເລຂາຄະນະພັກນະຄອນຮ່າໂນ້ຍ ໄດ້ເຂົ້າຮ່ວມ ແລະ ຕີກອງໄຂງານບຸນ. ງານບຸນເຈີ່ນ - ທ໋າຍບິ່ງ ຖືກຈັດຂຶ້ນປະຈຳປີ ເພື່ອແນໃສ່ຢືນຢັນ ແລະ ເຊີດຊູບຸນຄຸນສ້າງສາ ແລະ ປົກປັກຮັກສາປະເທດຊາດຂອງລາຊະວົງ ເຈີ່ນ ໃນວິວັດທະນາການປະຫວັດສາດຫວຽດນາມ, ຜ່ານນັ້ນສຶກສາມູນເຊື້ອວັດທະນະທຳ, ອະລິຍະທຳ, ຮັກຊາດ ແລະ ການປະຕິວັດທີ່ອົງອາດກ້າຫານໃຫ້ແກ່ພະນັກງານ ແລະ ປະຊາຊົນ. ພາຍຫຼັງພິທີໄຂງານບຸນວິຫານ ເຈີ່ນ - ທ໋າຍບິ່ງ, ໄດ້ມີບັນດາການເຄື່ອນໄຫວວັດທະນະທຳ, ສີລະປະທີ່ເປັນເອກະລັກສະເພາະຄື: ສະແດງຕີກອງໃນງານບຸນ ລອງຮືງ, ຟ້ອນມັງກອນ, ຟ້ອນສິງໂຕ…
(ແຫຼ່ງຄັດຈາກ VOV)