ຂ່າວສານ

ໄຂກອງປະຊຸມທາງອອນລາຍບັນດາການນຳສະພາກາແດງ, ກາຊິກວົງເດືອນແດງພາກພື້ນອາຊີຕາເວັນອອກສ່ຽງໃຕ້ຄັ້ງທີ 18

17/09/2021

ບັນດາຜູ້ແທນເຂົ້າຮ່ວມກອງປະຊຸມ (ພາບ: qdnd.vn)

ຕອນບ່າຍວັນທີ 16 ກັນຍາ, ກອງປະຊຸມທາງອອນລາຍບັນດາການນຳສະພາກາແດງ, ກາຊິກວົງເດືອນແດງພາກພື້ນອາຊີຕາເວັນອອກສ່ຽງໃຕ້ຄັ້ງທີ 18 ໄດ້ໄຂຂຶ້ນໂດຍມີການເປັນປະທານຂອງສະພາກາແດງໄທ ໃນບົດບາດປະທານກົນໄກບັນດາການນຳສະພາກາແດງ, ກາຊິກວົງເດືອນແດງພາກພື້ນອາຊີຕາເວັນອອກສ່ຽງໃຕ້. ຜູ້ຕາງໜ້າ ສະພາກາແດງຫວຽດນາມ, ທ່ານຫງວຽນຫາຍແອງ, ຮອງປະທານ, ເລຂານຸການໃຫ່ຍ ສະພາກາແດງຫວຽດນາມ ເຂົ້າຮ່ວມກອງປະຊຸມທີ່ດຳເນີນໄປໃນລະຫວ່າງວັນທີ16-17 ກັນຍາ.

ເຂົ້າຮ່ວມກອງປະຊຸມຄັ້ງນີ້, ສະພາກາແດງຫວຽດນາມ ສືບຕໍ່ຢັ້ງຢືນຄຳໝັ້ນສັນຍາຢ່າງແຮງຕໍ່ຄວາມໝັ້ນຄົງດ້ານການເງິນ ແລະ ການລະດົມແຫຼ່ງກຳລັງ, ພັດທະນາເຄືອຄ່າຍ ແລະ ການເຄື່ອນໄຫວຂອງຊາວໜຸ່ມ, ຜູ້ອາສາສະໝັກ; ການເບິ່ງແຍງດູແລສຸຂະພາບ, ຮັບມືດ່ວນ….ແມ່ນການບຸລິມະສິດຂອງສະມາຄົມໃນຍຸດທະສາດພັດທະນາຮອດປີ 2030.
ສິ້ດສຸດກອງປະຊຸມ, ບັນດາຜູ້ແທນເຂົ້າຮ່ວມຮັບຮອງເອົາບົດສະຫລຸບກອງປະຊຸມ ແລະ ມອບໂອນບົດບາດປະທານກົນໄກບັນດາ ການນຳສະພາກາແດງ, ກາຊິກວົງເດືອນແດງພາກພື້ນ ອາຊີຕາເວັນອອກສ່ຽງໃຕ້ ໃຫ້ແກ່ກາຊິກວົງເດືອນແດງ Brunei Darussalam.

(ແຫຼ່ງຄັດຈາກ VOV)

ສະຫາຍອເລຂາທິການໃຫຍ່ ໂຕເລີມ: ສຳນັກຂ່າວສານ ຫວຽດນາມ ສືບຕໍ່ຢືນຢັນບົດບາດເປັນອົງການຂ່າວສານຍຸດທະສາດ ແລະ ຄວາມໄວ້ເນື້ອເຊື່ອໃຈຂອງ ພັກ ແລະ ລັດ

14/09/2025
ຂ່າວສານ

ຕອນເຊົ້າວັນທີ 14 ກັນຍາ, ຢູ່ສູນສຳນັກຂ່າວແຫ່ງຊາດ, ເລກທີ 5 ຫຼີເຖື່ອງກຽດ, ຮ່າໂນ້ຍ, ສຳນັກຂ່າວສານຫວຽດນາມ (VNA) ໄດ້ຈັດພິທີມອບຫຼຽນໄຊ ໂຮ່ຈີມິນ (ເປັນຄັ້ງທີ 3) ແລະ ສະເຫຼີມສະຫຼອງ 80 ປີແຫ່ງວັນມູນເຊື້ອຂອງສຳນັກຂ່າວສານ ຫວຽດນາມ (ວັນທີ 15 ກັນຍາ 1945 - ວັນທີ 15 ກັນຍາ 2025). ສະຫາຍເລຂາທິການໃຫຍ່ ໂຕເລີມ ໄດ້ເຂົ້າຮ່ວມ ແລະ ກ່າວຄຳເຫັນທີ່ພິທີ. ທ່ານປະທານປະເທດ ເລືອງເກື່ອງ, ທ່ານນາຍົກລັດຖະມົນຕີ ຟ້າມມິງຈິ໋ງ, ປະທານສະພາແຫ່ງຊາດ ເຈີ່ນແທງເໝີ໊ນ, ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ໂດ໊ວັນຈ໋ຽນ ໄດ້ສົ່ງກະຕ່າດອກໄມ້ ແລະ ຈົດໝາຍອວຍພອນເນື່ອງໃນໂອກາດສະເຫຼີມສະຫຼອງ 80 ປີແຫ່ງວັນມູນເຊື້ອຂອງສຳນັກຂ່າວສານ ຫວຽດນາມ.