05/03/2020 09:33 GMT+7 Email Print Like 0

ໄຂກອງປະຊຸມເຈົ້າໜ້າທີ່ຂັ້ນສູງ (SOM) ອາຊຽນ

      ໃນວັນທີ 4 ມີນາ ຢູ່ນະຄອນດ່ານັງ, ໄດ້ໄຂກອງປະຊຸມເຈົ້າໜ້າທີ່ຂັ້ນສູງ (SOM) ອາຊຽນ ດ້ວຍການເຂົ້າຮ່ວມຂອງເຈົ້າໜ້າທີ່ຂັ້ນສູງ ທີ່ມາຈາກ 10 ປະເທດໃນກຸ່ມອາຊຽນ ນັບຮ້ອຍທ່ານ. ທ່ານ ຫງວຽນກ໊ວກຢຸງ ຮອງລັດຖະມົນຕີການຕ່າງປະເທດ ຫວຽດນາມ, ຫົວໜ້າ SOM ອາຊຽນ ຫວຽດນາມເປັນປະທານກອງປະຊຸມ.

ພິທີໄຂ ກອງປະຊຸມເຈົ້າໜ້າທີ່ຂັ້ນສູງ (SOM) ອາຊຽນ
      ກ່າວຄຳເຫັນທີ່ພິທີໄຂ, ທ່ານ ຫງວຽນກ໊ວກຢຸງ ຢັ້ງຢືນເຖິງຄວາມຕັດສິນໃຈຂອງ ຫວຽດນາມໃນການປະຕິບັດໜ້າທີ່ເປັນປະທານອາຊຽນ 2020 ໃຫ້ສຳເລັດເປັນຢ່າງດີ. ເມື່ອເຕື້ອງເຖິງບັນດາການຜັນແປທີ່ສັບສົນຂອງໂລກລະບາດ Covid – 19, ທ່ານຫງວຽນກ໊ວກຢຸງ ຢັ້ງຢືນວ່າ  ຫວຽດນາມແມ່ນສະຖານທີ່ມີຄວາມປອດໄພ, ໂລກລະບາດໄດ້ຮັບການຄວບຄຸມເປັນຢ່າງດີ.ໂດຍເປັນເຈົ້າພາບຈັດກອງປະຊຸມຄັ້ງນີ້ ຫວຽດນາມ ໄດ້ ແລະ ກຳລັງຜັນຂະຫຍາຍມາດຕະການຕ່າງໆເພື່ອຮັບປະກັນຄວາມປອດໄພແລະ ສຸຂະພາບໃຫ້ແກ່ຜູ້ແທນ.
        ທີ່ກອງປະຊຸມ, ບັນດາປະເທດໄດ້ແລກປ່ຽນກ່ຽວກັບສະພາບການຜັນຂະຫຍາຍໝາກຜົນຂອງກອງປະຊຸມວົງແຄບ ລັດຖະມົນຕີການຕ່າງປະເທດອາຊຽນ ເຊິ່ງໄດ້ຈັດຂຶ້ນຢູ່ ຍາຈາງ ໃນເດືອນມັງກອນ 2020, ການກະກຽມເບື້ອງຕົ້ນໃຫ້ແກ່ກອງປະຊຸມສຸດຍອດ ອາຊຽນ ຄັ້ງທີ 36 ແລະ ບັນດາກອງປະຊຸມທີ່ກ່ຽວຂ້ອງເຊິ່ງຄາດວ່າຈະຈັດຂຶ້ນໃນວັນທີ 8 – 9 ເມສາ 2020 ຢູ່ດ່ານັງ. ບັນດາປະເທດໄດ້ເຫັນດີເປັນເອກະພາບກ່ຽວກັບລາຍການເຮັດວຽກຂອງການເຄື່ອນໄຫວຂັ້ນສູງສະເຫຼີມສະຫຼອງ ອາຊຽນ - ນິວຊີແລນເຊິ່ງຄາດວ່າຈະດຳເນີນໃນວັນທີ 9 ມັງກອນ 2020, ພາຍຫຼັງ ກອງປະຊຸມສຸດຍອດ ອາຊຽນຄັ້ງທີ 36. ບັນດາປະເທດກໍ່ໄດ້ປະກອບຄຳເຫັນກ່ຽວກັບຂັ້ນຕອນການຜັນຂະຫຍາຍຂໍ້ລິເລີ່ມ, ບຸລິມະສິດໂດຍຫວຽດນາມສະເໜີໃນປີ 2020 ພາຍໃຕ້ຫົວຂໍ້ “ອາຊຽນ: ສະໜິດຕິດພັນ ແລະ ເປັນເຈົ້າການຮັບມື”.
 (ແຫຼ່ງຄັດຈາກ VOV)