01/01/2021 15:00 GMT+7 Email Print Like 0

ໃນ​ທົ່ວ​ໂລກ​ມີ​ຜູ້​ຕິດ​ເຊື້ອ​ໂຄວິດ - 19 ເກືອບ 82,3 ລ້​ານ​ຄົນ

ຕາມເວັບໄຊ ສະຖິຕິ worldmeters.info ແລ້ວ, ໄລ່ຮອດເວລາ 1 ໂມງເຊົ້າຂອງວັນທີ 30 ທັນວາ ຕາມເວລາ UTC, ທົ່ວໂລກຢັ້ງຢືນມີຜູ້ຕິດເຊື້ອພະຍາດໂຄວິດ - 19 ເກືອບ 82,3 ລ້ານຄົນ (82.283.576), ໃນນັ້ນ ມີ 1.795.046 ຄົນເສຍຊີວິດ.

ແມ່ເຖົ້າ Margaret Keenan ສັກວັກຊິນກັນພະຍາດໂຄວິດ - 19 ຂອງ BioNTech-Pfizer ຢູ່ ອັງກິດ(ພາບ:  AP)

ຢູ່ ເອີຣົບ, ທ່ານ Jens Spahn ລັດຖະມົນຕີກະຊວງສາທາລະນະສຸກ ເຢຍລະມັນ ໃຫ້ຮູ້ວ່າ ປະເທດນີ້ ອາດຈະມີວັກຊິນກັນພະຍາດໂຄວິດ - 19 ຢ່າງພຽງພໍ ເພື່ອສັກໃຫ້ແກ່ປະຊາຊົນໃນລະດູຮ້ອນທີ່ຈະມາເຖິງ ຖ້າຫາກວ່າ 1 ໃນ 3 ປະເພດວັກຊິນ ຂອງ Johnson & Johnson, AstraZeneca ຫຼື CureVac ໄດ້ຮັບໃບອະນຸຍາດຈາກ ສະຫະພາບເອີຣົບ (ອີຢູ).

        ຢູ່ ອັງກິດ, ປັດຈຸບັນ, ບັນດານັກວິທະຍາສາດ ອັງກິດ ພວມຮີບເຮັ່ງດຳເນີນການສືບສວນຂ່າວລືກ່ຽວກັບ ສາຍພັນໃໝ່ຂອງໄວຣັດ SARS – CoV – 2 ເຊິ່ງພວມແຜ່ລະບາດຢ່າງວ່ອງໄວຢູ່ໃນເດັກນ້ອຍ. ຜົນການຄົ້ນຄວ້າໃນເບື້ອງຕົ້ນຂອງມະຫາວິທະຍາໄລຄວບຄຸມໂລກລະບາດ ແລະ ການຢາ ເຂດຮ້ອນ ລອນດອນ ໄດ້ຊີ້ໃຫ້ເຫັນວ່າ ການປິດປະຕູໂຮງຮຽນ ຄວນແມ່ນຄຳຮຽກຮ້ອງແຖວໜ້າໃນບັນດາມາດຕະການຈຳກັດ ເພື່ອສາມາດຄວບຄຸມເຊື້ອໄວຣັດສາຍພັນໃໝ່.

(ແຫຼ່ງຄັດຈາກ VOV)