ຕາມການຄາດຄະເນຂອງລາຍການ, ກອງປະຊຸມວິສາມັນເທື່ອທຳອິດ, ສະພາແຫ່ງຊາດ ຫວຽດນາມ ຊຸດທີ XV ຈະໄຂຂຶ້ນໃນວັນທີ 04 ມັງກອນ 2022. ວາລະໄຂກອງປະຊຸມຈະດຳເນີນໃນເວລາ 9 ໂມງຂອງຕອນເຊົ້າວັນທີ 04 ມັງກອນ. ທີ່ກອງປະຊຸມນີ້, ສະພາແຫ່ງຊາດຈະພິຈາລະນາ 4 ເນື້ອໃນສຳຄັນ, ລວມມີ: ຮ່າງມະຕິກ່ຽວກັບນະໂຍບາຍປີການເງິນ, ເງິນຕາໜູນຊ່ວຍຜັນຂະຫຍາຍໂຄງການຟື້ນຟູ ແລະ ພັດທະນາເສດຖະກິດ-ສັງຄົມ; ແຜນນະໂຍບາຍລົງທຶນໂຄງການກໍ່ສ້າງເສັ້ນທາງຄວາມໄວສູງ ເໜືອ-ໃຕ້ ທາງທິດຕາເວັນອອກ ໄລຍະ 2021 – 2025.
ສະພາແຫ່ງຊາດພິຈາລະນາຮ່າງກົດໝາຍວ່າດ້ວຍການປັບປຸງ, ເພີ່ມເຕີມບາງມາດຕາຂອງກົດໝາຍວ່າດ້ວຍການລົງທຶນສາທາລະນະ, ກົດໝາຍວ່າດ້ວຍການລົງທຶນຕາມທິດຄູ່ຮ່ວມມືພາກລັດ-ເອກະຊົນ, ກົດໝາຍວ່າດ້ວຍການລົງທຶນ, ກົດໝາຍວ່າດ້ວຍໄຟຟ້າ, ກົດໝາຍວ່າດ້ວຍວິສາຫະກິດ… ແລະ ຮ່າງມະຕິທົດລອງບາງກົນໄກ, ນະໂຍບາຍພິເສດສະເພາະໃນການພັດທະນານະຄອນ ເກິນເທີ.
(ແຫຼ່ງຄັດຈາກ VOV)
