ໂຮ້ຍອານ ຕື່ນຂຶ້ນມາ ຫຼັງການລະບາດ ໂຄວິດ-19

04/02/2021 17:08 GMT+7

ຫຼັງຈາກຫຼາຍເດືອນ ທີ່ຈົມຢູ່ໃນ ສະພາບວ່າງປ່ຽວ ດຽວດາຍ ຍ້ອນ ການລະບາດໂຄວິດ-19, ແຕ່ໃນຊຸມມື້ ໃກ້ຈະຮອດບຸນປີໃໝ່ປະຈຳ ຊາດ (ປີສະຫຼູ) ຢູ່ ຄຸ້ມເມືອງເກົ່າ ໂຮ້ຍອານ ກຳລັງຄ່ອຍໆ ກັບຄືນ ຈັງຫວະຊີວິດ ທີ່ ເຄີຍມີມາ ດ້ວຍຄວາມງາມແບບດັ້ງເດີມ, ແຕ່ ໄດ້ ສ້າງຄວາມປະທັບໃຈ ໃຫ້ນັກທ່ອງທ່ຽວ ຢູ່ສະເໝີ ເມື່ອມີໂອກາດ ມາ ຢ້ຽມຢາມ ທ່າເຮືອການຄ້າ ເກົ່າແກ່ທີ່ສຸດແຫ່ງນີ້ ຢູ່ເຂດພາກກາງ ຫວຽດນາມ.

ໃນຊຸມມື້ການລະບາດຢູ່, ໂຮ້ຍອານ ຈົມຢູ່ໃນຄືນວັນ ແຫ່ງຄວາມງຽບເຫງົາ ດ່ຽວດາຍ ບໍ່ມີນັກທ່ອງທ່ຽວ. ຕອນກາງຄືນ, ເສັ້ນທາງຫຼາຍສາຍບໍ່ມີຮອຍຄົນຍ່າງ. ບັນດາຫຼັງເຮືອນເກົ່າປົກຄຸມເຕັມແຕ່ໄຄນໍ້າກໍບໍ່ມີ ແສງສະຫວ່າງ ຈາກໂຄມໄຟ ທີ່ອົບອຸ່ນ ແຂວນໄວ້ຢູ່ທ່ີສູງ ແລະ ກິ່ນຫອມຂອງທູບທີ່ເຮັດຈາກ ຕົ້ນເກດສະໜາ ທີ່ ພັດມາຕາມສາຍລົມ ຈາກແມ່ນໍ້າ ຮວ່າຍ ໃນຊຸມມື້ເດືອນເພັງ...

ຄິດວ່າ ຄວາມງຽບເຫງົາດັ່ງກ່າວ ຈະຕິດຕ້ອຍຮ້ອຍຕາມ ໂຮ້ຍອານ ບໍ່ຮູ້ວ່າ ມື້ໃດຈຶ່ງສິ້ນສຸດ, ແຕ່ໂຊກດີວ່າ ມາບັດນີ້ການລະບາດ ໄດ້ ຢຸດລົງຊົ່ວຄາວ ເຮັດໃຫ້ຕອນກາງຄືນ ຄຸ້ມເມືອງເກົ່າໄດ້ກັບຄືນ ເປີດ ການເຄື່ອນໄຫວ, ບັນດາຫ້າງຮ້ານ ກໍໄດ້ເປີດປະຕູຕ້ອນຮັບນັກທ່ອງ ທ່ຽວ ທີ່ມາຊີມລົດຊາດ ຂອງ ລາຍການອາຫານທີ່ ເປັນເອກະລັກ ຂອງ ຄົນ ກວ໊າງນາມ ແລະ ພິເສດ ແມ່ນການສະແດງ ສິລະປະຢູ່ ຕາມຄຸ້ມຖະໜົນທີ່ໜ້າດຶງດູດໃຈ, ເຮັດໃຫ້ນັກທ່ອງທ່ຽວ ໃນຊຸມມື້ ກັບຄືນມາ ຢ້ຽມຢາມໂຮ້ຍອານ ເພີ່ງພໍໃຈ.

ຍິງສາວ ໂຮ້ຍອານ ເຂົ້າຮ່ວມງານລາຕີ ແຫ່ໂຄມໄຟ ສະຫຼອງວັນຄຸ້ມ ເມືອງເກົ່າ ກັບຄືນສູ່ຄວາມສະຫງົບສຸກ ພາຍຫຼັງການລະບາດ ໂຄ ວິດ-19 ເປັນເວລາຫຼາຍວັນ. ພາບ: ແທງຮ່ວາ

ຂະບວນແຫ່ໂຄມໄຟ ຕໍ່ໜ້າ ຫໍບູຊາ ກວານກົງ. ພາບ: ແທງຮ່ວາ

ບັນດາຍິງສາວໃນຊຸດ ອ໋າວຢ່າຍ ຖືໂຄມໄຟ ສະແດງຜ່ານແຕ່ ລະ ຮ່ອມນ້ອຍ ເໝືອນດັ່ງປຸກໃຫ້ຕື່ນຫຼັງການນອນຫຼັບ. ພາບ: ແທງຮ່ວາ

ບັນດາຫຼັງເຮືອນໄດ້ມີແສງໄຟ ແລະ ຫ້າງຮ້ານ ກໍເລີ່ມມີນັກທ່ອງ ທ່ຽວກັບຄືນມາ. ພາບ: ແທງຮ່ວາ

ເພີດເພີນກັບວາດຟ້ອນ ຢູ່ແຄມຝັ່ງ ແມ່ນ້ຳ ຮວ່າຍ. ພາບ: ແທງຮ່ວາ

ນັກທ່ອງທ່ຽວໄດ້ກັບມາມີຊີວິດຊີວາ ທ່າມກາງບັນຍາກາດ ຂອງ ງານບຸນທີ່ຄຶກຄື້ນ. ພາບ: ແທງຮ່ວາ

ງານບຸນແຕ່ງກາຍຢູ່ຕາມຖະໜົນ. ພາບ: ແທງຮ່ວາ

ຊາວ ໂຮ້ຍອານ ຍິນດີຕ້ອນຮັບນັກທ່ອງທ່ຽວກັບຄືນມາຢ້ຽມຢາມ. ພາບ: ແທງຮ່ວາ

ວັດ ເກົ່າ ໃນວັນກັບຄືນມາຕ້ອນຮັບນັກທ່ອງທ່ຽວ. ພາບ: ແທງຮ່ວາ

ຄວາມງາມ ທ່ີໜ້າຫຼົງໄຫຼ ຂອງ ຍິງສາວໂຮ້ຍອານ. ພາບ: ແທງຮ່ວາ

ນັກທ່ອງທ່ຽວຕ່າງປະເທດ ຄ່ອຍໆ ກັບຄືນມາຢ້ຽມຢາມ ຄຸ້ມເມືອງ ເກົ່າ ໂຮ້ຍອານ ຫຼັງການລະບາດ. ພາບ: ແທງຮ່ວາ

ຮ້ານຂາຍໂຄມໄຟ ໄດ້ໄຕ້ໄຟທຸກໜ່ວຍ ເພື່ອດຶງດູດລູກຄ້າ. ພາບ: ແທງຮ່ວາ

ບັນດາຮ່ອມນ້ອຍໆ ເລີ່ມຄຶກຄັກ ຕ້ອນຮັບນັກທ່ອງທ່ຽວ ທີ່ມາຢ້ຽມ ຢາມ. ພາບ: ແທງຮ່ວາ

ຊາວເມືອງ ໂຮ້ຍອານ ກໍາລັງເຮັດທຸກສິ່ງ ທຸກຢ່າງ ເພື່ອຮັກສາມໍລະ ດົກ ຂອງ ຕົນໄດ້ປອດໄພ ຜ່ານລະດູການລະບາດ ແລະ ເຮັດໃຫ້ຟື້ນ ຄືນບັນດາວັນຄືນ ທ່ີເຕັມໄປດ້ວຍ ແສງສີ ແຫ່ງວັນເວລາ. ຍິ່ງໃກ້ ກັບ ມື້ບຸນປີໃໝ່ ປະຈໍາຊາດ, ນັກທ່ອງທ່ຽວ ສາມາດໄວ້ວາງໃຈໄດ້ ໃນ ການກັບຄືນມາຍັງ ໂຮ້ຍອານ ເພື່ອສໍາຜັດບັນຍາກາດ ຂອງ ງານບຸນ ປະເພນີຕ່າງໆ ພາຍຫຼັງມິດງຽບມາໄລຍະໜຶ່ງ. ຕົວເມືອງ ທ່ີວ່າງເປົ່າໃນເມື່ອກ່ອນ, ປັດຈຸບັນໄດ້ກັບຄືນມາຄຶກຄື້ນ ອີກຄັ້ງໜຶ່ງ. ບັນດາ ຫ້າງຮ້ານອາຫານ ໄດ້ກັບຄືນມາເປີດອີກຄັ້ງໜຶ່ງ ດ້ວຍເຍື່ອງອາ ຫານທ່ີຂຶ້ນຊື່ແຊບຊ້ອຍ ແລະ ພິເສດແມ່ນລາຍການສະແດງສິລະ ປະຕາມທ້ອງຖະໜົນ ທ່ີດຶງດູດໃຈ ຫວັງວ່າ ຈະເຮັດໃຫ້ຜູ້ຊົມ ແລະ ນັກທ່ອງທ່ຽວ ເພີ່ງພໍໃຈ ໃນມື້ກັບມາຍັງ ໂຮ້ຍອານ.

ບົດ ແລະ ພາບ: ແທງຮ່ວາ