05/08/2019 09:37 GMT+7 Email Print Like 0

ແກ້ໄຂຜົນຮ້າຍຢ້ອນຫລັງຈາກພາຍຸWIPHA:ສຸມໃສ່ຊອກຫາຜູ້ຫາຍສາບສູນ

      ທີ່ກອງປະຊຸມຄະນະຊີ້ນຳສູນກາງກ່ຽວກັບການປ້ອງກັນ ຕ້ານໄພທຳມະຊາດ ຊື່ງດຳເນີນໃນຕອນເຊົ້າວັນທີ 4 ສິງຫາ ຢູ່ ຮ່າໂນ້ຍ, ທ່ານ ຫງວຽນຊວນເກືອງ ລັດຖະມົນຕີກະຊວງກະສິກຳ ແລະ ພັດທະນາຊົນນະບົດ, ຮອງຫົວຫນ້າຄະນະປະຈຳຄະນະຊີ້ນຳສູນກາງກ່ຽວກັບການປ້ອງກັນ ແລະ ຕ້ານໄພທຳມະຊາດ ໄດ້ຊີ້ແຈ້ງວ່າ ຈຸດສຸມໃນການແກ້ໄຂຜົນຮ້າຍຢ້ອນຫລັງຈາກ ພາຍຸ ແມ່ນສຸມໃສ່ຊອກຫາຜູ້ຫາຍສາບສູນ, ບໍ່ໄດ້ປະໃຫ້ປະຊາຊົນຂາດນ້ຳ ແລະ ສະບຽງອາຫານ.
      ຕາມບົດລາຍງານຈາກບັນດາທ້ອງຖິ່ນ ໄລ່ຮອດຕອນເຊົ້າວັນທີ 4 ສິງຫາ ພາຍຸດັ່ງກ່າວໄດ້ເຮັດໃຫ້ 2 ຄົນເສຍຊີວິດ, 13 ຄົນຖືກຫາຍສາບສູນ. ບັນດາກະຊວງ, ຂະແຫນງການ ແລະ ທ້ອງຖິ່ນຕ່າງໆຕ້ອງປະຕິບັດສານທາງການຂອງນາຍົກລັດຖະມົນຕີ ຢ່າງເຂັ້ມງວດ ເພື່ອແກ້ໄຂຜົນຮ້າຍຢ້ອນຫລັງຈາກພາຍຸໂດຍໄວ.
 (ແຫຼ່ງຄັດຈາກ VOV)