06/01/2021 21:59 GMT+7 Email Print Like 0

ເສີມຂະຫຍາຍກຳລັງແຮງມະຫາສາມັກຄີທົ່ວປວງຊົນທັງຊາດຈາກການເລືອກຕັ້ງທົ່ວປະເທດຄັ້ງທຳອິດຂອງສະພາແຫ່ງຊາດ

      ວັນທີ 6 ມັງກອນ 1946, ການເລືອກຕັ້ງທົ່ວປະເທດຄັ້ງທຳອິດຂອງສະພາແຫ່ງຊາດ ຫວຽດນາມ ໄດ້ດຳເນີນຕາມຫຼັກການປະຊາທິປະໄຕ, ກ້າວໜ້າທົ່ວໄປ, ສະເໝີພາບ, ໂດຍກົງ ແລະ ປ່ອນບັດປິດລັບກໍ່ໄດ້ຮັບໄຊຊະນະຢ່າງສິ້ນເຊິ່ງ. 
            ສະພາແຫ່ງຊາດຊຸດທຳອິດຂອງປະເທດ ສາທາລະນະລັດ ປະຊາທິປະໄຕ ຫວຽດນາມ ໄດ້ກຳເນີດເກີດຂຶ້ນ. ສະພາແຫ່ງຊາດໄດ້ແຕ່ງຕັ້ງລັດຖະບານຢ່າງເປັນທາງການ, ກຳນົດລັດຖະທຳມະນູນປະຊາທິປະໄຕໃຫ້ ຫວຽດນາມ. ໄຊຊະນະນັ້ນ ແມ່ນຂີດໝາຍແຫ່ງບາດກ້າວພັດທະນາຢ່າງກະໂດດຂັ້ນທຳອິດກ່ຽວກັບລະບອບປະຊາທິປະໄຕຂອງ ຫວຽດນາມ.

ຜູ້ມີສິດເລືອກຕັ້ງນະຄອນຫລວງ ເບິ່ງບັນຊີລາຍຊື່ຜູ້ສະໝັກເລືອກຕັ້ງ ພາບ:TTXVN
              ກ່ອນທີ່ດຳເນີນການເລືອກຕັ້ງທົ່ວປະເທດຂອງສະພາແຫ່ງຊາດ, ປະທານໂຮ່ຈີມິນ ໄດ້ຢືນຢັນວ່າ: ການເລືອກຕັ້ງແມ່ນໂອກາດໃຫ້ປະຊາຊົນທຸກຖ້ວນໜ້າໃນທົ່ວປະເທດມີຄວາມເສລີພາບໃນການເລືອກເອົາຜູ້ທີ່ມີຄວາມເກັ່ງກ້າສາມາດ, ມີຄຸນສົມບັດ ເພື່ອແບກຫາບວຽກງານຂອງລັດ. ໃນການເລືອກຕັ້ງນັ້ນ, ຜູ້ໃດມີຄວາມສະໝັກໃຈແບກຫາບວຽກງານຂອງລັດ ລ້ວນແຕ່ສາມາດລົງສະໝັກເລືອກຕັ້ງໄດ້. ໃນໄລຍະປີ 1946, ປະເທດຕົກເຂົ້າສູ່ສະພາບເກີດມີສັດຕູທັງຢູ່ພາຍໃນ ແລະ ພາຍນອກ, ປະທານໂຮ່ຈີມິນ ແລະ ອົງການ ຫວຽດມິງ ໄດ້ຕັດສິນໃຈເຊື້ອເຊີນເອົາບັນດາຜູ້ບໍ່ສັງກັດແນວໂຮມຫວຽດມິງ ເຂົ້າໃນບັນຊີລາຍຊື່ຜູ້ອອກສະໝັກເລືອກຕັ້ງຮ່ວມ. ການກະທຳນີ້ໄດ້ສະແດງໃຫ້ເຫັນວ່າ ຫວຽດມິງ ຍາມໃດກໍ່ເຄົາລົບສິດເສລີປະຊາທິປະໄຕຂອງປະຊາຊົນ, ເຕົ້າໂຮມຜູ້ມີຄວາມເກັ່ງກ້າສາມາດ, ມີຄຸນສົມບັດ, ເພື່ອແບກຫາບວຽກງານຂອງລັດ. ໝາກຜົນການເລືອກຕັ້ງໄດ້ຊີ້ໃຫ້ເຫັນວ່າ ສະມາຊິກສະພາແຫ່ງຊາດ 333 ທ່ານທີ່ມາຈາກທຸກພາກສ່ວນ, ພັກຝ່າຍແຕກຕ່າງກັນ. ໄຊຊະນີ້ ໄດ້ສ້າງຂີດໝາຍແຫ່ງບາດກ້າວພັດທະນາຢ່າງກະໂດດຂັ້ນທຳອິດ ກ່ຽວກັບລະບອບປະຊາທິປະໄຕຂອງປະເທດ ຫວຽດນາມ.      ນັກຄົ້ນຄວ້າປະຫວັດສາດ ເຢືອງຈູງກວ໊ກ, ເລຂາທິການໃຫຍ່ສະມາຄົມວິທະຍາສາດປະຫວັດສາດ ຫວຽດນາມ ຖືວ່າ:
        “ການດຳເນີນການເລືອກຕັ້ງທົ່ວປະເທດ ແມ່ນອີງໃສ່ຫຼັກການແບບທົ່ວໄປ, ພົນລະເມືອງທຸກຄົນລ້ວນແຕ່ມີສິດປ່ອນບັດ, ບໍ່ຈຳແນກເພດ, ຊົນເຜົ່າ, ສາສະໜາ, ການເຊື່ອຖືເຫຼື້ອມໃສ… ຄາວນັ້ນ ຢູ່ບາງປະເທດ ເອີຣົບ, ສິດສະເໝີພາບລະຫວ່າງຍິງ-ຊາຍ, ເພື່ອໃຫ້ແມ່ຍິງໄດ້ເຂົ້າຮ່ວມການເລືອກຕັ້ງ, ອອກສະໝັກເລືອກຕັ້ງແມ່ນຍັງບໍ່ທັນເຜີຍແຜ່.
        ການກຳເນີດຂອງສະພາແຫ່ງຊາດ ຫວຽດນາມ ທັງແມ່ນໝາກຜົນ, ທັງແມ່ນຄວາມຕ້ອງການຢ່າງຮີບດ່ວນຂອງການປະຕິວັດ. ສະພາແຫ່ງຊາດກຳເນີດໃນໄລຍະສົງຄາມຕໍ່ສູ້ຕ້ານສັດຕູຢ່າງຮ້າຍກາດ. ນັ້ນແມ່ນສະພາແຫ່ງຊາດທີ່ມີເອກະລາດຊົນຊາດ, ຂອງການທ້ອນໂຮມປະເທດຊາດເປັນເອກະພາບ ແລະ ຂອງຄວາມສາມັກຄີທີ່ເປັນປຶກແຜນແໜ້ນໜາທົ່ວປວງຊົນ. ສະພາແຫ່ງຊາດໄດ້ເຕົ້າໂຮມເອົາສະມາຊິກຈາກພາກເໜືອ-ກາງ-ໃຕ້, ສະແດງໃຫ້ເຫັນເຈດຈຳນົງຂອງປະຊາຊົນທົ່ວປະເທດ. ສະພາແຫ່ງຊາດໄດ້ມີຜູ້ຕາງໜ້າຂອງຊາວຫວຽດນາມ ຮັກຊາດໝົດທຸກລຸ້ນ, ໄດ້ເຕົ້າໂຮມເອົາຜູ້ຕາງໜ້າຂອງທຸກຂະແໜງການ, ທຸກເພດໄວ, ທຸກຊົນຊັ້ນ ນັບແຕ່ກຳມະກອນ, ຊາວນາ, ຍິງ-ຊາຍ ຕະຫລອດຮອດງນາຍທຶນ, ພໍ່ຄ້າຊາວຂາຍ…
        ສຳລັບອົງການວຽດແກ໊ກ, ວຽດກ໊ວກ, ລັດຖະບານຊົ່ວຄາວ ແລະ ປະທານໂຮ່ຈີມິນ ໄດ້ຢຶດໝັ້ນຕໍ່ສູ້ຕ້ານທຸກການມ້າງທຳລາຍຂອງເຂົາເຈົ້າ, ພ້ອມທັງພະຍາຍາມເຈລະຈາຜ່ອນສັ້ນຜ່ອນຍາວ, ໄກ່ເກ່ຍ ແນໃສ່ສ້າງບັນຍາກາດແຫ່ງຄວາມສະຫງົບໃຫ້ແກ່ການເລືອກຕັ້ງຄັ້ງໃຫຍ່. ປະຕິບັດແຜນນະໂຍບາຍເປັນເອກະພາບ ແລະ ໄກ່ເກ່ຍ, ສະພາລັດຖະບານ ໄດ້ສະຫງວນ 70 ທີ່ນັ່ງຢູ່ສະພາແຫ່ງຊາດໃຫ້ວຽດແກ໊ກ, ວຽດກວ໊ກ ໂດຍຜ່ານການເລືອກຕັ້ງ. ຕາມຮອງສາດສະດາຈານ, ຄູປະຊາຊົນ ເລເມົ້າຫ໋ານ ແລ້ວ ມີພຽງແຕ່ ຫວຽດນາມ ແລະ ປະທານໂຮ່ຈີມິນ ເທົ່ານັ້ນ ຈຶ່ງສາມາດເຮັດໄດ້ສິ່ງດັ່ງກ່າວ.
        “ນັ້ນແມ່ນສິ່ງທີ່ດີງາມທີ່ສຸດ. ໃນການປະດິດຄິດສ້າງກໍ່ມີຫຼັກການ. ສະພາບການນັ້ນ ຕ້ອງມີການຜ່ອນສັ້ນຜ່ອນຍາວ. ການເລືອກຕັ້ງສະພາແຫ່ງຊາດແມ່ນຫຍຸ້ງຍາກທີ່ສຸດ. ສະພາແຫ່ງຊາດ ຫວຽດນາມ ອາດເວົ້າໄດ້ວ່າແມ່ນໜຶ່ງດຽວເທົ່ານັ້ນ.
 

ລັດຖະບານ ສາທາລະນະລັດ ປະຊາທິປະໄຕ ຫວຽດນາມ ໂດຍສະພາແຫ່ງຊາດຊຸດທີ 1, ກອງປະຊຸມສະໄໝສາມັນເທື່ອທີ 2
(28/10 - 9/11/1946) ເລືອກຕັ້ງ. ພາບ: TTXVN
      ຕາມທ່ານເລຂາທິການໃຫຍ່, ຫົວໜ້າຫ້ອງວ່າການສະພາແຫ່ງຊາດ ຫວຽດນາມ ຫງວຽນແຮ້ງຟຸກ  ແລ້ວ, ເຫດການສະເຫຼີມສະຫຼອງ 75 ປີແຫ່ງວັນເລືອກຕັ້ງທົ່ວປະເທດຄັ້ງທຳອິດຂອງສະພາແຫ່ງຊາດແມ່ນໂອກາດທົບທວນຄືນ, ສະແດງຄວາມເອກອ້າງທະນົງໃຈກ່ຽວກັບບັນດາຜົນງານຂອງສະພາແຫ່ງຊາດທີ່ບັນລຸໄດ້ໃນໄລຍະຜ່ານມາ, ພ້ອມທັງ ກຳນົດບັນດາວຽກງານຕ້ອງປະຕິບັດໃນປີ 2021 ຢ່າງຈະແຈ້ງກ່ວາ, ປີ 2021 ຈະດຳເນີນການເລືອກຕັ້ງສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນທຸກຂັ້ນອາຍຸການ 2021 – 2026. ທ່ານເລຂາທິການໃຫຍ່, ຫົວໜ້າຫ້ອງວ່າການສະພາແຫ່ງຊາດ ຫວຽດນາມ ຫງວຽນແຮ້ງຟຸກ ໃຫ້ຮູ້ວ່າ:
        “ໃນຕະຫລອດ 75 ປີແຫ່ງການສືບທອດ, ພັດທະນາຂອງ 14 ອາຍຸການເລືອກຕັ້ງສະພາແຫ່ງຊາດ. ນີ້ແມ່ນບັນດາບົດຮຽນອັນລ້ຳຄ່າທີ່ສຸດ. ດຽວນີ້, ການເລືອກຕັ້ງສະພາແຫ່ງຊາດຊຸດທີ 15 ຕ້ອງເຮັດແນວໃດ ເພື່ອເລືອກເອົາສະມາຊິກໃຫ້ຖືກຕາມຄວາມຕ້ອງການ. ພວກຂ້າພະເຈົ້າໄດ້ຕັ້ງຄາດໝາຍໄວ້ວ່າ ຈະຍົກອັດຕາສະມາຊິກສະເພາະກິດຂຶ້ນ 4%, ຍົກອັດຕາສະມາຊິກຍິງຂຶ້ນຕື່ມ ສູ້ຊົນໃຫ້ໄດ້ສູງກ່ວາ 30%, ຈາກນັ້ນ ກໍ່ແມ່ນສະມາຊິກຊົນເຜົ່າ, ໄວໜຸ່ມກໍ່ຕ້ອງເພີ່ມຂຶ້ນ. ພ້ອມທັງ, ຕ້ອງຮັບປະກັນປະຊາທິປະໄຕ ເພື່ອໃຫ້ຜູ້ມີສິດເລືອກຕັ້ງຄົ້ນພົບ, ເລືອກເອົາ, ສະເໜີຕໍ່ສະພາແຫ່ງຊາດບັນດາຜູ້ແທນດີເດັ່ນ. ຖ້າພວກເຮົາປະຕິບັດໄດ້ເປັນຢ່າງດີນັ້ນ ກໍ່ຈະມີໝາກຜົນດີ.
        ດ້ວຍມູນເຊື້ອ ແລະ ບົດຮຽນທີ່ສະສົມມາໄດ້ໃນຕະຫລອດ 75 ປີຜ່ານມາ, ດ້ວຍເຈດຈຳນົງ, ຄວາມຮັບຜິດຊອບຕໍ່ປະຊາຊົນ ແລະ ອະນາຄົດຂອງປະເທດຊາດ, ດ້ວຍທິດນຳທີ່ວ່າ: ສາມັກຄີ, ປ່ຽນແປງໃໝ່, ປະດິດຄິດສ້າງ, ມີການກະທຳເພື່ອຜົນປະໂຫຍດຂອງປະຊາຊົນ, ແນ່ນອນວ່າ ສະພາແຫ່ງຊາດຈະສືບຕໍ່ເສີມຂະຫຍາຍມູນເຊື້ອອັນສະຫງ່າລາສີ, ປະຕິບັດສຳເລັດໜ້າທີ່ເປັນຕົວແທນໃຫ້ປະຊາຊົນໄດ້ຢ່າງດີເລີດ./.
(ແຫຼ່ງຄັດຈາກ VOV)