13/08/2021 12:39 GMT+7 Email Print Like 0

ເສດຖະກິດມະຫາພາກໃນໄລຍະ 7 ເດືອນຕົ້ນປີ 2021 ມີສະຖຽນລະພາບໂດຍພື້ນຖານ, ຫຼາຍຂົງເຂດບັນລຸໄດ້ຜົນງານຕັ້ງໜ້າພໍສົມຄວນ

ທ່ານນາຍົກລັດຖະມົນຕີຫວຽດນາມ ຟ້າມມິນຈິງ ຮຽກຮ້ອງໃຫ້ບັນດາຫົວໜ່ວຍທີ່ກ່ຽວຂ້ອງຈົ່ງຮີບຮັ່ງສ້າງແຜນການໃຫ້ສົມບູນແບບ, ສ້າງໂຄງການກະທຳຂອງລັດຖະບານ.
(ທ່ານນາຍົກລັດຖະມົນຕີຫວຽດນາມ ຟ້າມມິນຈິງ)

ກ່າວຄຳເຫັນສະຫຼຸບກອງປະຊຸມທາງອອນລາຍທົ່ວປະເທດຂອງລັດຖະບານກັບບັນດາທ້ອງຖິ່ນ ຕີລາຄາກ່ຽວກັບສະພາບການພັດທະນາເສດຖະກິດ, ສັງຄົມເດືອນ ກໍລະກົດ ແລະ  7 ເດືອນຕົ້ນປີ 2021 ແລະ ກ່ຽວກັບວຽກງານປ້ອງກັນ, ຕ້ານໂລກລະບາດໂຄວິດ-19 ເຊິ່ງໄດ້ດຳເນີນໃນຕອນບ່າຍວັນທີ 11 ສິງຫາ, ທ່ານນາຍົກລັດຖະມົນຕີຫວຽດນາມ ຟ້າມມິນຈິງ ຮຽກຮ້ອງໃຫ້ບັນດາຫົວໜ່ວຍທີ່ກ່ຽວຂ້ອງຈົ່ງຮີບຮັ່ງສ້າງແຜນການໃຫ້ສົມບູນແບບ, ສ້າງໂຄງການກະທຳຂອງລັດຖະບານ, ບັນດາກະຊວງ, ອົງການສູນກາງ ແລະ ທ້ອງຖິ່ນ.

ກ່ຽວຂ້ອງເຖິງວຽກງານປ້ອງກັນ, ຕ້ານໂລກລະບາດໂຄວິດ-19, ທ່ານນາຍົກລັດຖະມົນຕີ ຟ້າມມິນຈິງ ຮຽກຮ້ອງວ່າ ພ້ອມກັບການປະຕິບັດການແຍກຫ່າງສັງຄົມໃຫ້ເປັນຢ່າງດີ, ກຳນົດເຂດ, ຕັ້ງໜ້າປິ່ນປົວ, ຮັບປະກັນສະພາບແວດລ້ອມໃຫ້ເປັນປົກກະຕິໂດຍໄວນັ້ນ, ບັນດາທ້ອງຖິ່ນບໍ່ປະໃຫ້ປະຊາຊົນຂາດຂອງກິນເຄື່ອງນຸ່ງ. ກ່ຽວກັບບັນຫາວັກຊິນ, ທ່ານນາຍົກລັດຖະມົນຕີໃຫ້ຮູ້ວ່າ, ຄຽງຂ້າງການຊຸກຍູ້ການນຳເຂົ້າວັກຊິນ, ລັດຖະບານ ແລະ ບັນດາອົງການທີ່ກ່ຽວຂ້ອງຕ້ອງຍູ້ແຮງການຖ່າຍທອດ, ຄົ້ນຄວ້າເພື່ອຜະລິດວັກຊິນຢູ່ພາຍໃນປະເທດ ແລະ ພວມມີແງ່ຫວັງດີ.

ກ່ຽວກັບສະພາບການເສດຖະກິດໃນເດືອນ ກໍລະກົດ ແລະ 7 ເດືອນຂອງປີ 2021, ທ່ານນາຍົກລັດຖະມົນຕີເນັ້ນໜັກວ່າ, ເສດຖະກິດມະຫາພາກໃນໄລຍະ 7 ເດືອນແມ່ນຮັບປະກັນສະຖຽນລະພາບໂດຍພື້ນຖານ, ມີຫຼາຍຂົງເຂດບັນລຸຜົນງານຕັ້ງໜ້າພໍສົມຄວນ. ທ່ານນາຍົກລັດຖະມົນຕີຊີ້ແຈ້ງບັນດາຄຳຮຽກຮ້ອງຕ້ອງບັນລຸ ແລະ ຮັກສາໄວ ໃນໄລຍະຈະມາເຖິງແມ່ນ: ການຈະລາຈອນສິນຄ້າ; ຮັບປະກັນການຈະລາຈອນກ່ຽວກັບການເງິນ-ເງິນຕາ; ໜູນຊ່ວຍວິສາຫະກິດ… ທ່ານນາຍົກລັດຖະມົນຕີກໍ່ຮຽກຮ້ອງໃຫ້ບັນດາຫົວໜ່ວຍກະກຽມໃຫ້ແກ່ກອງປະຊຸມຄັ້ງທີ 2 ສະພາແຫ່ງຊາດຫວຽດນາມ ຊຸດທີ XV, ໃນນັ້ນມີການກະກຽມບັນດາຮ່າງກົດໝາຍເພື່ອຍື່ນສະເໜີຕໍ່ສະພາແຫ່ງຊາດ.

(ແຫຼ່ງຄັດຈາກ VOV)