ເວທີປາໄສປະຊາຊົນ ອາຊຽນ 2020: ສາມັກຄີເພື່ອຮັບມືກັບບັນດາສິ່ງທ້າທາຍທົ່ວໂລກ
ເວທີປາໄສປະຊາຊົນ ອາຊຽນ 2020 (APF 2020) ໂດຍບັນດາອົງການຈັດຕັ້ງປະຊາຊົນ ຫວຽດນາມ ເປັນເຈົ້າພາບຈັດຕັ້ງຂຶ້ນ ໃນລະຫວ່າງວັນທີ 5 – 7 ຢູ່ຮ່າໂນ້ຍ ຜ່ານທາງອອນລາຍ ດ້ວຍຫົວຂໍ້ “ປະຊາຊົນ ອາຊີຕາເວັນອອກສ່ຽງໃຕ້ ສາມັກຄີ ເພື່ອປະຊາຊົນກວມລວມ, ສະໜິດຕິດພັນ ແລະ ເປັນເຈົ້າການຮັບມື”.
ທ່ານ ຟານແອັງເຊີນ ຮອງປະທານຜູ້ປະຈຳການ ທັງເປັນ ເລຂາທິການໃຫຍ່ ສະຫະພັນບັນດາອົງການມິດຕະພາບ ຫວຽດນາມ, ຫົວໜ້າຄະນະຈັດຕັ້ງ APF 2020 (ພາບ: VOV5)
ວາລະໄຂຖືກດຳເນີນໃນຕອນເຊົ້າວັນທີ 5 ພະຈິກ ໂດຍມີການເຂົ້າຮ່ວມຂອງຜູ້ແທນກວ່າ 250 ທ່ານ ເຊິ່ງເປັນຜູ້ຕາງໜ້າບັນດາອົງການຈັດຕັ້ງປະຊາຊົນ, ອົງການຈັດຕັ້ງບໍ່ຂຶ້ນກັບລັດຖະບານ ຂອງ ຫວຽດນາມ, ບັນດາອົງການບໍ່ຂຶ້ນກັບລັດຖະບານຕ່າງປະເທດທີ່ພວມເຄື່ອນໄຫວຢູ່ຫວຽດນາມ ແລະ ຜູ້ຕາງໜ້າບັນດາອົງການຈັດຕັ້ງປະຊາຊົນ, ອົງການບໍ່ຂຶ້ນກັບລັດຖະບານ ຢູ່ 10 ປະເທດ ອາຊຽນ ກວ່າ 800 ທ່ານ.
ທ່ານ ຟານແອັງເຊີນ, ຮອງປະທານຜູ້ປະຈຳການ ທັງເປັນ ເລຂາທິການໃຫຍ່ ສະຫະພັນບັນດາອົງການມິດຕະພາບ ຫວຽດນາມ, ຫົວໜ້າຄະນະຈັດຕັ້ງ APF 2020 ໃຫ້ຮູ້ວ່າ:
“ເປົ້າໝາຍຕົ້ນຕໍຂອງ APF ແມ່ນເພີ່ມທະວີຄວາມສາມັກຄີ, ການຮ່ວມມືລະຫວ່າງ ປະຊາຊົນບັນດາປະເທດ ອາຊຽນ ເພື່ອ ປະຊາຄົມ ອາຊຽນ ສັນຕິພາບ, ສະຖຽນລະພາບ, ວັດທະນາຖາວອນ ແລະ ພັດທະນາ. ນອກຈາກນັ້ນ, ເວທີປາໄສຄັ້ງນີ້ ຍັງໄດ້ປຶກສາຫາລືກ່ຽວກັບການສົມທົບລະຫວ່າງ ບັນດາອົງການຈັດຕັ້ງປະຊາຊົນຂອງບັນດາປະເທດ ອາຊຽນ, ພິເສດແມ່ນການສົມທົບກັບລັດຖະບານບັນດາປະເທດ ເພື່ອຮັບມືກັບໂລກລະບາດ ແລະ ຟື້ນຟູເສດຖະກິດ. ການຮັບມື ແລະ ຟື້ນຟູພາຍຫຼັງໂລກລະບາດບໍ່ພຽງແຕ່ແມ່ນໜ້າທີ່ຂອງລັດຖະບານບັນດາປະເທດເທົ່ານັ້ນ ຫາກຍັງມີການປະກອບສ່ວນຢ່າງຫຼວງຫຼາຍຈາກປະຊາຊົນ ແລະ ບັນດາອົງການຈັດຕັ້ງປະຊາຊົນ ອາຊຽນ ອີກດ້ວຍ.”
ທີ່ APF 2020, ຜູ້ແທນບັນດາປະເທດ ໄດ້ແລກປ່ຽນ, ປຶກສາຫາລືກ່ຽວກັບບັນດາຫົວຂໍ້: “ສັນຕິພາບ - ຄວາມໝັ້ນຄົງ; ສິດທິມະນຸດ; ການປ່ຽນແປງໃໝ່, ເຕັກໂນໂລຢີໃໝ່ ແລະ ສິດດີຈີຕອນ;…
(ແຫຼ່ງຄັດຈາກ VOV)