ຂ່າວສານ
ເວທີປາໄສຮ່ວມມືອາຊີ-ເອີລົບ(ASEM)ເຫັນດີເພີ່ມທະວີການສົມທົບກັນຊຸກຍູ້ການພັດທະນາກວມລວມທາງດ້ານເສດຖະກິດ,ສັງຄົມ
ກອງປະຊຸມ ASEM ກ່ຽວກັບການ “ຊຸກຍູ້ການພັດທະນາກວມລວມທາງດ້ານເສດຖະກິດ
ແລະ ສັງຄົມຢູ່ອາຊີ ແລະ ເອີລົບ”
(ພາບ: congthuong.vn)
ກອງປະຊຸມໄດ້ປຶກສາຫາລືຫຼາຍຫົວເລື່ອງສຳຄັນຄື: ໃນການພັດທະນາກວມລວມໃນການປະຕິວັດອຸດສາຫະກຳ 4.0, ບົດຮຽນ ແລະ ພຶດຕິກຳຕົວຈິງການປະຕິບັດຄາດໝາຍ “ບໍ່ໃຫ້ໃຜຖືກປະໄວ້ຢູ່ທາງຫຼັງ”, ເພີ່ມທະວີບົດບາດ ແລະ ການເຂົ້າຮ່ວມຂອງບັນດາຝ່າຍທີ່ກ່ຽວຂ້ອງ ແລະ ຍູ້ແຮງການຮ່ວມມືລະຫວ່າງ 2 ທະວີບກ່ຽວກັບການພັດທະນາກວມລວມທາງດ້ານເສດຖະກິດ ແລະ ສັງຄົມ.
ທີ່ວາລະສະຫຼຸບ, ກອງປະຊຸມໄດ້ເປັນເອກະພາບຫຼາຍມາດຕະການເພີ່ມທະວີການສົມທົບກັນກະທຳໃນ ASEM. ພົ້ນເດັ່ນແມ່ນການຊຸກຍູ້ການປະກອບສ່ວນຂອງ ASEM ໃຫ້ແກ່ຄວາມມານະພະຍາຍາມຂອງທົ່ວໂລກ ໃນການຜັນຂະຫຍາຍໂຄງການດຳເນີນງານ 2030 ເພື່ອການພັດທະນາແບບຍືນຍົງ, ຂໍ້ຕົກລົງປາຣີ ກ່ຽວກັບການປ່ຽນແປງຂອງດິນຟ້າອາກາດ; ຕິດພັນບັນດາຂໍ້ລິເລີ່ມ, ໂຄງການ ແລະ ບັນດາກຸ່ມຮ່ວມມືວິຊາສະເພາະ ASEM ກ່ຽວກັບການເພີ່ມສິດອຳນາດໃຫ້ແກ່ແມ່ຍິງ, ຫຼຸດຜ່ອນຄວາມທຸກຍາກ, ການສຶກສາ ແລະ ພັດທະນາແຫຼ່ງຊັບພະຍາກອນມະນຸດ…ກ່າວຄຳເຫັນອັດກອງປະຊຸມ, ຫົວໜ້າຄະນະເຈົ້າໜ້າທີ່ຂັ້ນສູງ ASEM ຂອງຫວຽດນາມ ເນັ້ນໜັກວ່າ, ບັນດາໝາກຜົນຂອງກອງປະຊຸມໄດ້ປະກອບສ່ວນຫັນວິໄສທັດບັນດາການນຳ ASEM ກ່ຽວກັບການຊຸກຍູ້ການພັດທະນາກວມລວມທາງດ້ານເສດຖະກິດ ແລະ ສັງຄົມ ດ້ວຍເປົ້າໝາຍຫຼຸດຜ່ອນຄວາມທຸກຍາກ ແລະ ສ້າງອະນາຄົດກວມລວມ, ຍືນຍົງໃຫ້ປະຊາຊົນທຸກໆຄົນໃຫ້ປະກົດຜົນເປັນຈິງ.
(ແຫຼ່ງຄັດຈາກ VOV)
