21/05/2019 10:35 GMT+7 Email Print Like 0

ເພີ່ມທະວີການຮ່ວມມືໂຄສະນາພາບພົດນະຄອນຫລວງ ຮ່າໂນ້ຍ ຜ່ານຊ່ອງ CNN

ໄລຍະປີ 2019 – 2021, CNN ສືບຕໍ່ແນະນຳກ່ຽວກັບ ຮ່າໂນ້ຍ ໂດຍອີງໃສ່ບັນດາພື້ນຖານທີ່ມີຄຸນຄ່າກ່ຽວກັບວັດທະນະທຳ, ປະຫວັດສາດ ແລະ ຊາວນະຄອນຫລວງ, ເປັນປະຕູເຊື່ອມຕໍ່ບັນດາສະຖານທີ່ອື່ນຂອງປະເທດຊາດ.
ວັນທີ 20 ພຶດສະພາ, ທີ່ຮ່າໂນ້ຍ, ທ່ານ ໂງວັນກຸຍ ຮອງປະທານຄະນະກຳມະການປະຊາຊົນນະຄອນ ຮ່າໂນ້ຍ ແລະ ທ່ານນາງ Sunita Rajan ຮອງປະທານຂັ້ນສູງພາກພື້ນ ອາຊີ - ປາຊີຟິກ ຂອງຕາໜ່າງຂໍ້ມູນຂ່າວສານໂທລະພາບມີສາຍ CNN (ອາເມລິກາ) ໄດ້ເຊັນບົດບັນທຶກຊ່ວຍຈຳກ່ຽວກັບໂຄງການຮ່ວມມືໂຄສະນານະຄອນ ຮ່າໂນ້ຍ ຜ່ານຊ່ອງໂທລະພາບ CNN ສາກົນໄລຍະປີ 2019 – 2021.

ພິທີເຊັນບົດບັນທຶກຊ່ວຍຈຳ (ພາບ: TTXVN)

  ຕາມນັ້ນແລ້ວ, ໄລຍະປີ 2019 – 2021, CNN ສືບຕໍ່ແນະນຳກ່ຽວກັບ ຮ່າໂນ້ຍ ໂດຍອີງໃສ່ບັນດາພື້ນຖານທີ່ມີຄຸນຄ່າກ່ຽວກັບວັດທະນະທຳ, ປະຫວັດສາດ ແລະ ຊາວນະຄອນຫລວງ, ເປັນປະຕູເຊື່ອມຕໍ່ບັນດາສະຖານທີ່ອື່ນຂອງປະເທດຊາດ. CNN ກໍ່ຈະຮ່ວມເດີນທາງພ້ອມກັບການພັດທະນາຂອງ ຮ່າໂນ້ຍ ໃນອະນາຄົດ ພ້ອມກັບບັນດາເຫດການສາກົນ, ນຳ ຮ່າໂນ້ຍ ກາຍເປັນນະຄອນຂອງອະນາຄົດ, ບືນຕົວຂຶ້ນເຊື່ອມໂຍງພ້ອມກັບບັນດານະຄອນໂລກໃນອະນາຄົດ.

        ບັນດາເນື້ອໃນໄດ້ພັດທະນາບົນພື້ນຖານໂທລະພາບ, ເຕັກນິກດີຈີຕອນຄື: ຄອມພິວເຕີ, ໂປແກຼມໂທລະສັບມືຖື, ນອດບຸກ, ໄອປາດ ແລະ ສື່ສັງຄົມຂອງ CNN. ຂົງເຂດອອກອາກາດລວມມີ ອາຊີ - ປາຊີຟິກ, ເອີຣົບ ແລະ ຕາເວັນອອກກາງ, ອາເມລິກາເໜືອ.

(ແຫຼ່ງຄັດຈາກ VOV)