ເພີ່ມທະວີການຮ່ວມມືລະຫວ່າງແນວໂຮມປະເທດຊາດຫວຽດນາມ ແລະ ສະພາທີ່ປຶກສາການເມືອງຈີນ
ຕອນເຊົ້າວັນທີ 25 ສິງຫາ, ທີ່ ຮ່າໂນ້ຍ, ທ່ານ ເຈິ່ນແທງເມິນ, ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ໄດ້ໃຫ້ການຕ້ອນຮັບທ່ານ ແຢວນໄກວເຣິ໋ນ ກຳມະການສູນກາງພັກ ກອມມູນິດ ຈີນ,
ທ່ານ ເຈິ່ນແທງເມິນ ແລະ ທ່ານ ແຢວນໄກວເຣິ໋ນ (ພາບ: TTXVN)
ຮອງຫົວໜ້າກຳມາທິການການຕ່າງປະເທດ ສະພາທີ່ປຶກສາການເມືອງ ປຊຊ ຈີນ ເນື່ອງໃນໂອກາດທີ່ຄະນະມາຢ້ຽມຢາມ ແລະ ເຮັດວຽກຢູ່ ຫວຽດນາມ. ນະທີ່ນີ້, ທ່ານ ເຈິ່ນແທງເມິນ, ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ສະແດງຄວາມປາຖະໜາວ່າ ສອງຝ່າຍຈະເປີດກວ້າງການແລກປ່ຽນບັນດາຄະນະຜູ້ແທນຂັ້ນສູງ, ເພີ່ມທະວີການແລກປ່ຽນຂໍ້ມູນ, ແບ່ງປັນບົດຮຽນໃນການຕໍ່ສູ້ປ້ອງກັນ ແລະ ຕ້ານການສໍ້ລາດບັງຫຼວງ, ປົກປັກຮັກສາສິ່ງແວດລ້ອມ, ຜັນຂະຫຍາຍລາຍການຮ່ວມມືລະຫວ່າງຄະນະກຳມະການສູນກາງແນວໂຮມປະເທດຊາດ ຫວຽດນາມ ແລະ ສະພາທີ່ປຶກສາການເມືອງ ປຊຊຈີນ ໄລຍະ 2014-2019.
ສ່ວນທ່ານ ແຢວນໄກວເຣິ໋ນ ກໍ່ຢືນຢັນວ່າ, ສະພາທີ່ປຶກສາການເມືອງ ປຊຊຈີນ ຍາມໃດກໍ່ຖືເປັນສຳຄັນ ແລະ ພ້ອມແລ້ວທີ່ຈະເພີ່ມທະວີການຮ່ວມມື, ແລກປ່ຽນບົດຮຽນກັບແນວໂຮມປະເທດຊາດ ຫວຽດນາມ ໃນບັນດາຂົງເຂດ, ຜ່ານນັ້ນຊຸກຍູ້ ແລະ ພັດທະນານ້ຳໃຈມິດຕະພາບລະຫວ່າງສອງປະເທດໃຫ້ກ້າວເຂົ້າສູ່ລວງເລິກ.
(ແຫຼ່ງຄັດຈາກ VOV)