ວັນບຸນວິສາຂະບູຊາປີນີ້, ຄະນະບໍລິຫານງານພຸດທະສາສະໜາຫວຽດນາມແຂວງຈ່າວິງໄດ້ແນະນຳບັນດາວັດວາອາຮາມ, ສະຖານທີ່ບູຊາ, ພະສົງສຳມະເນນທີ່ມີເງື່ອນໄຂຈັດຕັ້ງວັນບຸນວິສາຂະບູຊາທາງອອນລາຍເພື່ອເຊື່ອມຕໍ່ກັບປະຊາຄົມ ສາສະນິກະຊົນ, ສົ່ງເສີມບັນດາພຸດທະສາສະນິກກະຊົນປະຕິບັດ ສັບປະດາ “ສົງພະພຸດທະເຈົ້າທາງອອນລາຍ - ທະວີຄູນຄຸນງາມຄວາມດີ”. ທ່ານພະມະຫາອາຈານຈິກຈິ໊ມິງ, ຮອງຫົວໜ້າຄະນະປະຈຳຄະນະບໍລິຫານງານພຸດທະສາສະໜາຫວຽດນາມແຂວງຈ່າວິງ ໃຫ້ຮູ້ວ່າ:
ເນື່ອງໃນໂອກາດວັນບຸນວິສາຂະບູຊາພ.ສ 2565, ຕາມຈິດໃຈການຊີ້ນຳຂອງສູນກາງສາສະໜາ, ຄະນະບໍລິຫານງານພຸດທະສາສະໜາແຂວງໄດ້ແຈ້ງການໄປຍັງຄະນະບໍລິຫານງານບັນດາເມືອງ, ເທດສະບານ, ນະຄອນກໍ່ຄືບັນດາຜູ້ເຈົ້າອາວາດສະຖານທີ່ບູຊາ, ພະສົງສຳມະເນນ, ພຸດທະສາສະນິກກະຊົນຈົ່ງເຂົ້າຮ່ວມການປະຕິບັດມາດຕະການປ້ອງກັນ, ສະກັດກັ້ນໂລກລະບາດໂຄວິດ - 19 ໃຫ້ເປັນຢ່າງດີ, ຈັດຕັ້ງຢ່າງເຂັ້ມງວດແຕ່ຕ້ອງຮັບປະກັນຄວາມປອດໄພ, ປະຕິບັດຢ່າງຖືກຕ້ອງຕາມເນື້ອໃນຈິດໃຈ 5 ມາດຕະການປ້ອງກັນສະກັດກັ້ນໂລກລະບາດເພື່ອຮັບປະກັນຄວາມປອດໄພດ້ານສຸຂະພາບ.ຢູ່ກາເມົາ, ຄະນະບໍລິຫານງານພຸດທະສາສະໜາຫວຽດນາມແຂວງໄດ້ຈັດຕັ້ງວັນບຸນວິສາຂະບູຊາ ຄ.ສ 2021 - ພສ 2565 ຢູ່ສະຖານທີ່ບູຊາພະແມ່ກວານອີນ ຊຶ່ງໄດ້ຮັບປະກັນການປະຕິບັດບັນດາມາດຕະການປ້ອງກັນ, ສະກັດກັ້ນໂລກລະບາດໂຄວິດ - 19 ຢ່າງເຂັ້ມງວດ.
(ແຫຼ່ງຄັດຈາກ VOV)
