17/01/2020 09:21 GMT+7 Email Print Like 0

ຮອງ​ປະ​ທານ​ສະ​ພາ​ແຫ່ງ​ຊາດ ຫວຽດ​ນາມ ຕ່ອງ​ທິ​ຟ໊ອງ ພົບ​ປະ​ສອງ​ຝ່າຍ​ກັບ​ປະ​ທານ​ສະ​ພາ​ແຫ່ງ​ຊາດ​ລາວ, ປະ​ທານ​ສະ​ພາ​ແຫ່ງ​ຊາດ ກຳ​ປູ​ເຈຍ ແລະ ຮອງ​ປະ​ທ​ານ​ສະ​ພາ​ສູງ ອົດ​ສະ​ຕາ​ລີ

ຕອນບ່າຍວັນທີ 15 ມັງກອນ, ກອງປະຊຸມປະຈຳປີຄັ້ງທີ 28 ເວທີປາໄສ ລັດຖະສະພາ ອາຊີ - ປາຊີຟິກ (APPF 28) ໄດ້ອັດລົງຢູ່ນະຄອນຫຼວງ Canberra, ປະເທດ ອົດສະຕາລີ ເຊິ່ງໄດ້ຮັບຮອງເອົາມະຕິ ແລະ ຖະແຫຼງການຮ່ວມ 19 ສະບັບ.

ທ່ານນາງ ຕ່ອງທິຟ໊ອງ ຮອງປະທານ, ຜູ້ປະຈຳການສະພາແຫ່ງຊາດ ຫວຽດນາມ ແລະ  ທ່ານ Samdech Heng Samrin ປະທານສະພາແຫ່ງຊາດ ກຳປູເຈຍ (ພາບ: Quochoi.vn)

ຄະນະຜູ້ແທນຂັ້ນສູງ ສະພາແຫ່ງຊາດ ຫວຽດນາມ ໂດຍທ່ານນາງ ຕ່ອງທິຟ໊ອງ ຮອງປະທານ, ຜູ້ປະຈຳການສະພາແຫ່ງຊາດ ຫວຽດນາມນຳໜ້າ, ໄດ້ເຂົ້າຮ່ວມບັນດາເນື້ອໃນຂອງ ເວທີປາໄສຢ່າງຕັ້ງໜ້າແລະ ຄົບຖ້ວນ, ແລະ ສະໜັບສະໜູນ ມະຕິ 2 ສະບັບກ່ຽວກັບການຄ້າ ແລະ ເສດຖະກິດ ດີຈີຕອນ.

ໃນວັນທີ 15 ມັງກອນ, ຢູ່ນອກກອງປະຊຸມ, ທ່ານນາງຮອງປະທານສະພາແຫ່ງຊາດ ຫວຽດນາມ ຕ່ອງທິຟ໊ອງ ໄດ້ມີການພົບປະສອງຝ່າຍ ກັບທ່ານນາງປະທານສະພາແຫ່ງຊາດລາວ, ທ່ານປະທານສະພາແຫ່ງຊາດ ກຳປູເຈຍ ແລະ ທ່ານຮອງປະທານສະພາສູງ ອົດສະຕາລີ. ທີ່ການພົບປະ ກັບທ່ານນາງ ປານີ ຢ່າທໍ່ຕູ້ ປະທານສະພາແຫ່ງຊາດ ລາວ, ທ່ານນາງ ຕ່ອງທິຟ໊ອງ ເຫັນດີເປັນເອກະພາບວ່າ ໃນໄລຍະຈະມາເຖິງ, ສອງຝ່າຍຈະສືບຕໍ່ສົມທົບກັນຜັນຂະຫຍາຍການຈັດຕັ້ງບັນດາໂຄງການຮ່ວມມື, ບັນດາກອງປະຊຸມ, ກອງປະຊຸມສຳມະນາ ແບ່ງປັນບົດຮຽນປະສົບການກ່ຽວກັບບັນດາຂົງເຂດວິຊາສະເພາະຂອງ ສະພາແຫ່ງຊາດເຊິ່ງຕ່າງຝ່າຍຕ່າງມີຄວາມສົນໃຈ.

ທີ່ການພົບປະກັບທ່ານ Samdech Heng Samrin ປະທານສະພາແຫ່ງຊາດ ກຳປູເຈຍ. ທ່ານນາງ ຕ່ອງທິຟ໊ອງ ຖືກ ວ່າ ສອງຝ່າຍຄວນຍົກສູງການໂຄສະນາ, ສຶກສາອົບຮົມກ່ຽວກັບການພົວພັນທີ່ເປັນມູນເຊື້ອ, ຄວາມສາມັກຄີ, ການຮ່ວມມືຮອບດ້ານໃຫ້ແກ່ປະຊາຊົນທຸກຊັ້ນວັນນະເປັນຕົ້ນແມ່ນໄວໜຸ່ມຂອງສອງປະເທດ.

        ທີ່ການພົບປະກັບທ່ານ Sue Lines ຮອງປະທານສະພາສູງອົດສະຕາລີ, ທ່ານນາງ ຕ່ອງທິຟ໊ອງ ໄດ້ຕີລາສູງ ຫົວຂໍ້ກອງປະຊຸມກໍ່ຄື ວຽກງານການຈັດຕັ້ງທີ່ເປັນມືອາຊີບຂອງສະພາແຫ່ງຊາດ ອົດສະຕາລີ, ໃຫ້ຮູ້ວ່າ ຄະນະຜູ້ແທນຫວຽດນາມໄດ້ເຂົ້າຮ່ວມຢ່າງຕັ້ງໜ້າຢູ່ບັນດາວາລະປຶກສາຫາລືຂອງກອງປະຊຸມ. ພ້ອມທັງຕີລາຄາສູງຕໍ່ເລື່ອງ ລັດຖະບານ ແລະ ສະພາແຫ່ງຊາດ ອົດສະຕາລີໄດ້ສ້າງເງື່ອນໄຂສະດວກໃຫ້ແກ່ປະຊາຄົມຊາວ ຫວຽດນາມ ທີ່ພວມທຳມາຫາກິນ, ດຳລົງຊີວິດ ແລະ ຮ່ຳຮຽນ ຢູ່ ອົດສະຕາລີ.

(ແຫຼ່ງຄັດຈາກ VOV)