ບັນດາຜູ້ແທນເຂົ້າຮ່ວມກອງປະຊຸມທາງອອນລາຍ ສະພາປະສານງານ ອາຊຽນ (ACCWG) ຄັ້ງທີ 10

(ພາບ: TTXVN)

ວັນທີ 8 ຕຸລາ, ທ່ານ ຫງວຽນກ໊ວກຢຸງ ຮອງລັດຖະມົນຕີກະຊວງການຕ່າງປະເທດ ຫວຽດນາມ, ຫົວໜ້າຄະນະ SOM ອາຊຽນຂອງ ຫວຽດນາມ ໄດ້ເປັນປະທານ ກອງປະຊຸມປະຕິບັດງານ ສະພາປະສານງານ ອາຊຽນ (ACCWG) ກ່ຽວກັບການພິຈາລະນາຮັບສະໝັກ ຕີມໍ-ເລສເຕ ເປັນສະມາຊິກ. ກອງປະຊຸມມີການເຂົ້າຮ່ວມຂອງເຈົ້າໜ້າທີ່ອາວຸໂສ ບັນດາປະເທດ ອາຊຽນຂຶ້ນກັບ 3 ເສົາຄ້ຳແມ່ນ: ການເມືອງ - ຄວາມໝັ້ນຄົງ, ເສດຖະກິດ ແລະ ວັດທະນະທຳ - ສັງຄົມ ພ້ອມກັບຜູ້ຕາງໜ້າຄະນະເລຂາອາຊຽນ.

ທີ່ກອງປະຊຸມ, ບັນດາຜູ້ແທນໄດ້ອັບເດດ ແລະ ປຶກສາຫາລືວຽກງານໜູນຊ່ວຍ ຕີມໍ-ເລສເຕເພື່ອແນໃສ່ຍົກສູງກຳລັງຄວາມສາມາດ, ກຽມພ້ອມທຸກໆວຽກງານໃຫ້ແກ່ເລື່ອງຕີມໍ-ເລສເຕ ເຂົ້າເປັນສະມາຊິກຂອງອາຊຽນ ໃນ3ເສົາຄ້ຳ ການເມືອງ - ຄວາມໝັ້ນຄົງ, ເສດຖະກິດ ແລະ ວັດທະນະທຳ ແລະ ສັງຄົມ. ທ່ານ ຫງວຽນກ໊ວກຢຸງໃຫ້ຮູ້ວ່າ: ເຖິງວ່າປະສົມກັບຄວາມຫຍຸ້ງຍາກຈາກໂລກລະບາດ Covid – 19 ກໍ່ຕາມ, ແຕ່ບັນດາຝ່າຍຍັງຄົງມານະພະຍາຍາມຮັບປະກັນໃຫ້ວິວັດທະນາການພິຈາລະນາ ແລະ ຮັບສະໝັກ ຕີມໍ-ເລສເຕເປັນສະມາຊິກອາຊຽນ.

        ບັນດາຜູ້ແທນອາຊຽນໄດ້ຕີລາຄາສູງຄວາມຕັດສິນໃຈ ແລະ ມານະພະຍາຍາມຂອງ ຕີມໍ-ເລສເຕ ມຸ່ງໄປສູ່ການເຂົ້າຮ່ວມອາຊຽນ, ພ້ອມທັງເຫັນດີເປັນເອກະພາບສືບຕໍ່ໜູນຊ່ວຍ ຕີມໍ-ເລສເຕ ຍົກສູງກຳລັງຄວາມສາມາດ ເພື່ອຕອບສະໜອງໄດ້ບັນດາເງື່ອນໄຂ ແລະ , ພັນທະສະມາຊິກຂອງອາຊຽນເທື່ອລະກ້າວ.

(ແຫຼ່ງຄັດຈາກ VOV)