ສະຫາຍ ໂດເມືອຍ, ອະດີດເລຂາທິການໃຫຍ່ ຄະນະ ບໍລິຫານງານສູນກາງ ພັກກອມມູນິດ ຫວຽດນາມ. (ພາບ: VNA)

      ສະຫາຍ ໂດເມືອຍ, ອະດີດເລຂາທິການໃຫຍ່ ຄະນະ ບໍລິຫານງານສູນກາງພັກກອມມູນິດ ຫວຽດນາມ, ຫຼັງຈາກ ເວລາເປັນພະຍາດໜັກ, ເຖິງວ່າໄດ້ຮັບການປິ່ນປົວ ຢ່າງສຸດ ຄວາມາສາມາດ ຈາກບັນດາສາດສະດາຈານ, ທ່ານໝໍ ຢູ່ພາຍໃນ ແລະ ຕ່າງປະເທດ, ບັນດາການນຳພັກ, ລັດ ແລະ ຄອບຄົວ ໄດ້ເອົາໃຈໃສ່ເປັນພິເສດ, ແຕ່ຍ້ອນອາຍຸສູງ, ສຸຂະພາບອ່ອນເພຍ, ສະຫາຍໄດ້ເຖິງແກ່ມໍລະນະກຳ ໃນເວລາ 23  ໂມງ 12 ນາທີ, ວັນທີ 1 ຕຸລາ 2018, ຢູ່ໂຮງໝໍ ກອງທັບສູນກາງ 108.

      ສື່ຂ່າວກ່ຽວກັບ ພິທີງານສົບ ສະຫາຍ ໂດ໊ເມືອຍ ຈະໄດ້ແຈ້ງການຕາມຫຼັງ.

      ສະຫາຍ ໂດ໊ເມືອຍ ເກີດເມື່ອວັນທີ 2 ກຸມພາ 1927 ທີ່ ຕາແສງ ໂດງໝີ໊, ເມືອງ ແທງຈີ່, ນະຄອນ ຮ່າໂນ້ຍ.

      ໂດຍເຂົ້າຮ່ວມການເຄື່ອນໄຫວປະຕິວັດ ແລະ ກາຍເປັນສະມາຊິກ ພັກ ກອມມູນິດ, ໄດ້ຝຶກຝົນ, ເຕີບໃຫຍ່ ຜ່ານການຕໍ່ຕ້ານ, ປົກປັກຮັກສາ ແລະ ສ້າງສາປະເທດຊາດ ສະໄໝຕ່າງໆແຕ່ຫົວທີ, ສະຫາຍ ໂດ໊ເມືອຍ ເຄີຍໄດ້ຮັກສາຫຼາຍຖານະຕຳແໜ່ງງານ ແລະ ມີການປະກອບສ່ວນຢ່າງຫຼວງຫຼາຍໃຫ້ແກ່ ພາລະກິດ ປະຕິວັດ ຂອງພັກ ແລະ ປະເທດຊາດ.

      ໃນຊຸມປີເປັນເລຂາທິການໃຫຍ່ ຂອງພັກ (6/1991-12/1997), ດ້ວຍປະສົບການຕົວຈິງທີ່ອຸດົມສົມບູນ, ສະຫາຍ ໂດ໊ເມືອຍ ໄດ້ພ້ອມກັບຄະນະບໍລິຫານງານ ສູນກາງພັກ, ກົມການເມືອງ, ຄະນະເລຂາທິການ ມີຄວາມສາມັກຄີ, ເອກກະພາບ, ຊີ້ນຳ, ນຳພາ ທົ່ວພັກ, ທົ່ວກອງທັບ ແລະ ທົ່ວປວງຊົນ ສືບຕໍ່ປະຕິບັດ ເສັ້ນທາງປ່ຽນແປງໃໝ່, ປົກປັກຮັກສາ ແລະ ສ້າງສາປະເທດຊາດ, ສຳເລັດໜ້າທີ່ ພັກ, ລັດ ແລະ ປະຊາຊົນມອບໝາຍໃຫ້. ສະຫາຍ ໂດ໊ເມືອຍ ໄດ້ມອບກາໝາຍພັກ 80 ປີ.

TTXVN/VNP