11/12/2019 10:50 GMT+7 Email Print Like 0

ຫົວໜ້າຄະນະເສດຖະກິດສູນກາງ ເຮັດວຽກກັບ ຄະນະຜູ້ຕາງໜ້າຫວຽດນາມ ປະຈໍາ ສປຊ

      ວັນທີ 9 ທັນວາ, ທ່ານ ຫງວຽນວັນບິ່ງ ຫົວໜ້າຄະນະເສດຖະກິດສູນກາງ ພັກກອມມູນິດຫວຽດນາມ ໄດ້ມີການເຮັດວຽກກັບພະນັກງານຫຼັກແຫຼ່ງຂອງຄະນະຜູ້ຕາງໜ້າຫວຽດນາມ ປະຈໍາ ສປຊ ແລະ ຜູ້ຕາງໜ້າບັນດາອົງການຂອງຫວຽດນາມ ຢູ່ ສປຊ.

ທ່ານເອກອັກຄະລັດຖະທູດ ດັ້ງດິ່ງກຸ໊ຍ, ຫົວໜ້າຄະນະຜູ້ຕາງໜ້າຫວຽດນາມ ປະຈໍາ ສປຊ  ແລະ ທ່ານ ຫງວຽນວັນບິ່ງ ຫົວໜ້າຄະນະເສດຖະກິດສູນກາງ ພັກກອມມູນິດຫວຽດນາມ (ພາບ: TTXVN)
      ທີ່ການເຮັດວຽກ, ທ່ານເອກອັກຄະລັດຖະທູດ ດັ້ງດິ່ງກຸ໊ຍ, ຫົວໜ້າຄະນະຜູ້ຕາງໜ້າຫວຽດນາມ ປະຈໍາ ສປຊ ໄດ້ແບ່ງປັນກ່ຽວກັບບັນດາສິ່ງທ້າທາຍ ເມື່ອຫວຽດນາມ ຮັບດໍາລົງຕໍາແໜ່ງເປັນປະທານ ສະພາຄວາມໝັ້ນຄົງ ສປຊ ໃນເດືອນມັງກອນ ປີ 2020, ເຊິ່ງເປັນເດືອນທີ່ ຫວຽດນາມ ຮັບໜ້າທີ່ເປັນ ກໍາມະການບໍ່ປະຈໍາການສະພາຄວາມໝັ້ນຄົງ ສປຊ ອາຍຸການ  2020 – 2021 ຢ່າງເປັນທາງການ.
        ນະທີ່ນີ້, ທ່ານ ຫງວຽນວັນບິ່ງ ກໍຢັ້ງຢືນວ່າ ໜຶ່ງໃນບັນດາຜົນງານໃຫຍ່ທີ່ສຸດ ເຊິ່ງຫວຽດນາມ ບັນລຸໄດ້ໃນປີ 2019  ແມ່ນຮັກສາພື້ນຖານເສດຖະກິດມະຫາພາກເປັນປົກກະຕິ, ໂດຍບໍ່ຫວັ່ນໄຫວຕໍ່ບັນດາການຜັນແປຂອງສະພາບການໂລກ ແລະ ຕະຫຼາດເສດຖະກິດສາກົນ. ຫວຽດນາມ ຍັງມີຫຼາຍວຽກຕ້ອງເຮັດ, ພິເສດແມ່ນຕ້ອງມານະພະຍາຍາມຍາດເອົາເອກະລາດດ້ານເສດຖະກິດ ເພື່ອເປັນເຈົ້າການຕ້ານຄືນບັນດາການຜັນແປຢ່າງກະທັນຫັນຈາກພາຍນອກໃຫ້ມີປະສິດທິຜົນ, ພ້ອມກັນນັ້ນ ກໍຕ້ອງມີການປ່ຽນແປງໃໝ່ໃນການບໍລິຫານລັດ ເພື່ອໃຫ້ເໝາະສົມກັບເສດຖະກິດການຕະຫຼາດ ແລະ ສ້າງເງື່ອນໄຂເພື່ອໃຫ້ເສດຖະກິດພາກເອກະຊົນກາຍເປັນກໍາລັງໜູນຂອງທັງພື້ນຖານເສດຖະກິດ.
 (ແຫຼ່ງຄັດຈາກ VOV)