ກອງປະຊຸມທາງອອນລາຍເພື່ອປຶກສາຫາລືກ່ຽວກັບສະພາບການອາບການິດສະຖານ
ທ່ານດັ້ງດິ່ງກຸ໊ຍ, ຫົວໜ້າຄະນະຜູ້ຕາງໜ້າ ຫວຽດນາມ ປະຈຳສປຊ ໄດ້ຢັ້ງຢືນຄືນໃໝ່ການສະໜັບສະໜູນວິວັດທະນາການສ້າງສັນຕິພາບໂດຍ ຊາວອາບການິດສະຖານນຳໜ້າ ແລະ ເປັນເຈົ້າ, ທ່ານກໍ່ສະແດງຄວາມປາດຖະໜາຢາກໃຫ້ ຝ່າຍທີ່ກ່ຽວຂ້ອງ ຈະບັນລຸໄດ້ຂໍ້ຕົກລົງຢຸດຍິງໄລຍະຍາວໂດຍໄວ ເພື່ອສ້າງສະພາບແວດລ້ອມແຫ່ງສະຖຽນລະພາບ ແລະ ຄວາມສະດວກໃຫ້ແກ່ວິວັດທະນາການເຈລະຈາສັນຕິພາບ. ທ່ານ ເອກອັກຄະລັດຖະທູດ ໄດ້ແບ່ງປັນຄວາມວິຕົກກັງວັນ ກ່ຽວກັບການໃຊ້ຄວາມຮຸນແຮງ ຢູ່ອາບການິດສະຖານເພີ່ມຂຶ້ນ ແລະ ສະເໜີໃຫ້ຝ່າຍທີ່ກ່ຽວຂ້ອງຈົ່ງປະຕິບັດຕາມກົດໝາຍວ່າດ້ວຍມະນຸດສະທຳສາກົນ, ຮັບປະກັນໄດ້ສຳຜັດກັບມະນຸດສະທຳ ແລະ ສາທາລະນະສຸກຢ່າງຄົບຖວ້ນ. ທ່ານ ດັ້ງດິ່ງກຸ໊ຍ ກໍ່ຮຽກຮ້ອງໃຫ້ປະຊາຄົມສາກົນເພີ່ມທະວີການໜູນຊ່ວຍອາບການິດສະຖານ ໃນການພັດທະນາເສດຖະກິດ ແລະ ແກ້ໄຂສິ່ງທ້າທາຍກ່ຽວກັບມະນຸດສະທຳ.
(ແຫຼ່ງຄັດຈາກ VOV)
