ຂ່າວສານ

ຫວຽດນາມ ຮຽກຮ້ອງປົກປ້ອງປະຊາຊົນຢູ່ບັນດາປະເທດເກີດການປະທະກັນ ແລະ ເກີດໂລກລະບາດໂຄວິດ-19

11/09/2020

ໃນວັນທີ 09 ກັນຍາ, ສະພາຄວາມໝັ້ນຄົງສະຫະປະຊາຊາດ ໄດ້ຈັດກອງປະຊຸມຜ່ານທາງອອນລາຍ, ຟັງການລາຍງານກ່ຽວກັບສະພາບການປະຕິບັດມະຕິເລກທີ່ 2532 ກ່ຽວກັບໂລກລະບາດໂຄວິດ-19. ທີ່ກອງປະຊຸມ, ຫວຽດນາມ ໄດ້ຮຽກຮ້ອງໃຫ້ປົກປ້ອງປະຊາຊົນຢູ່ບັນດາປະເທດເກີດການປະທະກັນ ແລະ ເກີດໂລກລະບາດໂຄວິດ-19.

ສະພາຄວາມໝັ້ນຄົງ ຮັບຟັງບົດລາຍງານກ່ຽວກັບສະພາບການປະຕິບັດມະຕິເລກທີ 2532 (ພາບ: UN)

ທ່ານ ດັ້ງດິ່ງກຸ໊ຍ ເອກອັກຄະລັດຖະທູດ, ຫົວໜ້າຄະນະຜູ້ຕາງໜ້າ ຫວຽດນາມ ປະຈຳສະຫະປະຊາຊາດ ຖືວ່າ ມະຕິເລກທີ່ 2532 ຕ້ອງໄດ້ປະຕິບັດຢ່າງຄົບຖ້ວນຜ່ານການເຄົາລົບ ແລະ ປະຕິບັດຄຳຮຽກຮ້ອງຢຸດຍິງຂອງທ່ານເລຂາທິການໃຫຍ່ສະຫະປະຊາຊາດ ແລະ ຂອງມະຕິຢ່າງມີປະສິດທີຜົນ; ສຸມໃສ່ປົກປ້ອງປະຊາຊົນຢູ່ບັນດາປະເທດເກີດການປະທະກັນ, ຖືກວິກິດການດ້ານມະນຸດສະທຳ; ເພີ່ມທະວີຄວາມສາມັກຄີ ແລະ ປະສານງານບັນດາຄວາມມານະພະຍາຍາມຂອງທຸກຂັ້ນໃນລະດັບຊາດ, ພາກພື້ນ, ສາກົນ ແລະ ບັນດາຫົວຂໍ້ທີ່ກ່ຽວຂ້ອງໃນການກະກຽມ, ຮັບມື ແລະ ຟື້ນຟູພາຍຫຼັງໂລກລະບາດໂຄວິດ-19; ຮັບປະກັນໃຫ້ແກ່ການຮັກສາການເຄື່ອນໄຫວປົກປັກຮັກສາສັນຕິພາບໃນສະພາບ “ປົກກະຕິໃໝ່”, ປະກອບສ່ວນເຂົ້າມາດຕະການແກ້ໄຂໄລຍະຍາວເພື່ອຮັກສາສັນຕິພາບແບບຍືນຍົງ ແລະ ພັດທະນາ.

(ແຫຼ່ງຄັດຈາກ VOV)

ປະທານາທິບໍດີ ແຟງລັງ ເປັນປະທານພິທີຕ້ອນຮັບທ່ານເລຂາທິການໃຫຍ່ ໂຕເລິມ ພ້ອມດ້ວຍພັນລະຍາ ແລະ ຄະນະຜູ້ແທນ ຫວຽດນາມ ຢ່າງເປັນທາງການ

21/10/2025
ຂ່າວສານ

ຕອນເຊົ້າວັນທີ 21 ຕຸລາ (ຕາມເວລາທ້ອງຖິ່ນ, ກົງກັບຕອນບ່າຍຕາມເວລາ ຮ່າໂນ້ຍ), ຢູ່ທຳນຽບປະທານາທິບໍດີ ຢູ່ ນະຄອນຫຼວງ Helsinki, ທ່ານປະທານາທິບໍດີ ສ. ແຟງລັງ Alexander Stubb ແລະ ພັນລະຍາ ໄດ້ເປັນປະທານພິທີຕ້ອນຮັບທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ໂຕເລິມ ແລະ ພັນລະຍາ ພ້ອມດ້ວຍຄະນະຜູ້ແທນຂັ້ນສູງ ຫວຽດນາມ ມາຢ້ຽມຢາມ ແຟງລັງ ຢ່າງເປັນທາງການ ແຕ່ວັນທີ 20 – 22 ຕຸລາ.