ຂ່າວສານ

ຫວຽດນາມ ສະໜັບສະໜູນບັນດາຄວາມມານະພະຍາຍາມທາງການທູດເພື່ອຊຸກຍູ້ການປະຕິບັດ JCPOA ຄືນໃໝ່

02/07/2021

ວັນທີ 30 ມິຖຸນາ, ສະພາຄວາມໝັ້ນຄົງ ສປຊ ໄດ້ປຶກສາຫາລືກ່ຽວກັບສະພາບການປະຕິບັດມະຕິເລກທີ 2231, ມະຕິສະໜັບສະໜູນການຜັນຂະຫຍາຍຂໍ້ຕົກລົງ ແລະ ແຜນການເຄື່ອນໄຫວຮ່ວມຮອບດ້ານໃນປີ 2015, ເອີ້ນຫຍໍ້ວ່າ JCPOA.

ທ່ານນາງອຸປະທູດ ຫງວຽນເຟືອງຈາ, ຮອງຫົວໜ້າຄະນະປະຕິບັດງານ ຫວຽດນາມ ປະຈຳ ສປຊ. (ພາບ: TTXVN)

ກ່າວຄຳເຫັນທີ່ກອງປະຊຸມ, ທ່ານນາງອຸປະທູດ ຫງວຽນເຟືອງຈາ, ຮອງຫົວໜ້າຄະນະປະຕິບັດງານ ຫວຽດນາມ ປະຈຳ ສປຊ ໄດ້ຢັ້ງຢືນຫຼັກໝັ້ນສະເໝີຕົ້ນສະເໝີປາຍຂອງ ຫວຽດນາມ ໃນການສະໜັບສະໜູນຕ້ານການແຜ່ຂະຫຍາຍ ແລະ ຫຼຸດຜ່ອນອາວຸດລ້າງຜານ, ໃນນັ້ນມີອາວຸດນິວເຄຼຍ. ຜູ້ຕາງໜ້າ ຫວຽດນາມ ຢ້ຳຄືນຄວາມສະໜັບສະໜູນຕໍ່ມະຕິເລກທີ 2231 ແລະ JCPOA, ຮຽກຮ້ອງໃຫ້ບັນດາຝ່າຍທີ່ກ່ຽວຂ້ອງປະຕິບັດບັນດາມະຕິ ແລະ ຂໍ້ຕົກລົງນີ້ຢ່າງເຂັ້ມງວດ ແລະ ຄົບຖ້ວນ, ຄວາມອົດກັ້ນ, ຫຼີກລ້ຽງບັນດາການກະທຳທີ່ກໍ່ຄວາມເສຍຫາຍຄວາມໄວ້ເນື້ອເຊື່ອໃຈ ແລະ ຄວາມເຄັ່ງຕຶງປີນຂັ້ນໄດ, ສຸມໃສ່ເຂົ້າໃນການໂອ້ລົມເຈລະຈາ ເພື່ອແກ້ໄຂບັນດາຄວາມແຕກຕ່າງກັນ. ຫວຽດນາມ ສະແດງຄວາມຊົມເຊີຍຕໍ່ບັນດາຄວາມມານະພະຍາຍາມໃນການສ້າງສະພາບແວດລ້ອມແຫ່ງການໂອ້ລົມເຈລະຈາ, ຮ່ວມມືທັງຢູ່ພາຍໃນ ແລະ ນອກ ສະພາຄວາມໝັ້ນຄົງ ສປຊ ເພື່ອສັນຕິພາບ, ສະຖຽນລະພາບ ແລະ ພັດທະນາໃນພາກພື້ນ ຕາເວັນອອກກາງ.

(ແຫຼ່ງຄັດຈາກ VOV)

ເພີ່ມທະວີການຮ່ວມມືລະຫວ່າງກະຊວງປ້ອງກັນປະເທດ ຫວຽດນາມ ແລະ ກະຊວງປ້ອງກັນປະເທດ ອິນເດຍ

19/05/2026
ຂ່າວສານ

ວັນທີ 19 ພຶດສະພາ, ຢູ່ຮ່າໂນ້ຍ, ທ່ານ ພົນເອກ ຟານວັນຢາງ ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດ ຫວຽດນາມ ເປັນປະທານພິທີຕ້ອນຮັບ, ພົບປະສອງຝ່າຍກັບທ່ານ Rajnath Singth ລັດຖະມົນຕີກະຊວງປ້ອງກັນປະເທດ ອິນເດຍ.