ລັດຖະບານຫວຽດນາມ ຫາກໍອະນຸມັດຜ່ານ “ສັນຍາລະຫວ່າງລັດຖະບານ ແຫ່ງ ສສ ຫວຽດນາມ ແລະ ລັດຖະບານແຫ່ງ ລາຊະອານາຈັກ ໄທ ກ່ຽວກັບການຮ່ວມມືດ້ານວິທະຍາສາດ, ເຕັກໂນໂລຢີ ແລະ ປ່ຽນແປງໃໝ່ປະດິດຄິດສ້າງ”. ລັດຖະບານມອບໝາຍໃຫ້ກະຊວງວິທະຍາສາດ ແລະ ເຕັກໂນໂລຢີ ຮັບຜິດຊອບ, ສົມທົບ ກັບບັນດາອົງການກ່ຽວຂ້ອງຂອງຫວຽດນາມ ແລະ ໄທ ຈັດຕັ້ງຜັນຂະຫຍາຍສັນຍາດັ່ງກ່າວ.
        ປີ 2017, ສອງປະເທດໄດ້ລົງນາມໃນສັນຍາກ່ຽວກັບການຮ່ວມມືດ້ານວິທະຍາສາດ ແລະ ເຕັກໂນໂລຢີ ໄທ. ສັນຍາສະບັບດັ່ງກ່າວ ເປັນພື້ນຖານດ້ານກອບນິຕິກໍາ ເພື່ອຜັນຂະຫຍາຍບັນດາໂຄງການຮ່ວມມື, ສຸມໃສ່ບັນດາຂົງເຂດຄື: ເຕັກໂນໂລຢີຊີວະ, ເຕັກໂນໂລຢີເອເລັກໂຕນິກ ແລະ ຄອມພິວເຕີ, ວິທະຍາສາດວັດສະດຸ ແລະ ເຕັກໂນໂລຢີ Nano...., ຮ່ວມມືພັດທະນາບັນດາເຕັກໂນໂລຢີທີ່ເໝາະສົມກັບທ່າອ່ຽງຂອງການປະຕິວັດ ອຸດສາຫະກໍາ 4.0. ພ້ອມທັງປະກອບສ່ວນເປີດກວ້າງ ແລະ ຊຸກຍູ້ບັນດາສາຍພົວພັນລະຫວ່າງບັນດາອົງການຈັດຕັ້ງວິທະຍາສາດ - ເຕັກໂນໂລຢີຂອງສອງປະເທດ ບົນພື້ນຖານສະເໝີພາບ, ພ້ອມກັນມີຜົນປະໂຫຍດ,   ປະກອບສ່ວນເພີ່ມທະວີການພົວພັນ ຄູ່ຮ່ວມມືຍຸດທະສາດລະຫວ່າງຫວຽດນາມ ແລະ ໄທ.