26/05/2018 12:30 GMT+7 Email Print Like 0

ຫວຽດນາມ - ສ.ເກົາຫຼີ ເພີ່ມທະວີການຮ່ວມມືໃນຂົງເຂດປ້ອງກັນ, ຕ້ານອາດຊະຍາກຳ

ຕອນບ່າຍວັນທີ 24 ພຶດສະພາ, ທີ່ຮ່າໂນ້ຍ, ທ່ານພົນໂທ ໂຕເລິມ, ລັດຖະມົນຕີກະຊວງຕຳຫລວດ ຫວຽດນາມ ໄດ້ໃຫ້ການຕ້ອນຮັບຮອງຜູ້ບັນຊາການຕຳຫລວດແຫ່ງຊາດ ສ.ເກົາຫຼີ ທ່ານ Min Gab Ryong ພວມມີການຢ້ຽມຢາມ ແລະ ເຮັດວຽກຢູ່ ຫວຽດນາມ.
 
ທ່ານພົນໂທ ໂຕເລິມ ແລະ ທ່ານ Min Gab Ryong (ພາບ:TTXVN )

ທີ່ການຕ້ອນຮັບ, ທ່ານລັດຖະມົນຕີ ໂຕເລິມ ຊີ້ແຈ້ງວ່າ: ໃນຊຸມປີຜ່ານມາ, ການພົວພັນຮ່ວມມືລະຫວ່າງກະຊວງຕຳຫລວດຫວຽດນາມ ແລະ ບັນດາອົງການປະຕິບັດກົດໝາຍຂອງ ສ.ເກົາຫຼີ, ໃນນັ້ນ ມີອົງການຕຳຫລວດແຫ່ງຊາດ ສ.ເກົາຫຼີ ໄດ້ມີບາດກ້າວພັດທະນາຢ່າງຕັ້ງໜ້າ. ເພື່ອໃຫ້ການພົວພັນຮ່ວມມືລະຫວ່າງ 2 ອົງການນັບມື້ນັບເຂົ້າສູ່ລວງເລິກ, ມີປະສິດທິຜົນຢ່າງແທດຈິງ, ທ່ານລັດຖະມົນຕີ ໂຕເລິມ ສະເໜີວ່າ ຄວນສືບຕໍ່ເພີ່ມທະວີການພົວພັນຮ່ວມມືໃນທຸກຂົງເຂດປ້ອງກັນ, ຕ້ານອາດສະຍາກຳ, ການຮ່ວມມືດ້ານຍຸຕິທຳທາງອາຍາ; ຄົ້ນຄວ້າເປີດກ້ວາງບັນດາຂົງເຂດຮ່ວມມື ເຊິງ 2 ຝ່າຍມີຄວາມສາມາດບົ່ມຊ້ອນ ແລະ ມີຄວາມຕ້ອງການ.

        ສ່ວນທ່ານ Min Gab Ryong ຜູ້ບັນຊາການຕຳຫລວດແຫ່ງຊາດ ສ.ເກົາຫຼີ ສະແດງໃຫ້ເຫັນຄວາມປິຕິຊົມຊື່ນໃນໄລຍະຜ່ານມາ ການພົວພັນຮ່ວມມືລະຫວ່າງ 2 ປະເທດເວົ້າລວມ ແລະ ລະຫວ່າງກະຊວງຕຳຫລວດ ຫວຽດນາມ - ອົງການຕຳຫລວດແຫ່ງຊາດ ສ.ເກົາຫຼີ ເວົ້າສະເພາະ ໄດ້ຮັບການເປີດກ້ວາງ, ພັດທະນາຢ່າງບໍ່ຢຸດຢັ້ງ ບັນລຸໄດ້ໝາກຜົນແທດຈິງຫລາຍຢ່າງໃນຂົງເຂດຮ່ວມມືຕ່າງໆ.

(ແຫຼ່ງຄັດຈາກ VOV)