ຂ່າວສານ

ຫວຽດນາມ ເຂົ້າຮ່ວມກອງປະຊຸມເວທີປາໄສລັດຖະສະພາ ອາຊີ - ປາຊີຟິກ

14/01/2020

ວັນທີ 13 ມັງກອນ, ຄະນະຜູ້ແທນຂັ້ນສູງສະພາແຫ່ງຊາດຫວຽດນາມ ໂດຍທ່ານນາງຮອງປະທານ ຜູ້ປະຈໍາການສະພາແຫ່ງຊາດຫວຽດນາມ ຕ່ອງທິຟ໊ອງ ເປັນຫົວໜ້າຄະນະ, ເລີ່ມເຂົ້າຮ່ວມບັນດາການເຄື່ອນໄຫວໃນຂອບເຂດກອງປະຊຸມນັດສາມັນປະຈໍາປີຄັ້ງທີ 28 ເວທີປາໄສລັດຖະສະພາ ອາຊີ - ປາຊີຟິກ (APPF-28) ຢູ່ນະຄອນຫຼວງ Canberra, ອົດສະຕາລີ.

ຄະນະຜູ້ແທນສະພາແຫ່ງຊາດຫວຽດນາມ ເຂົ້າຮ່ວມກອງປະຊຸມ (ພາບ: TTXVN)

ກ່າວຄໍາເຫັນທີ່ພິທີໄຂກອງປະຊຸມ APPF-28 ໃນຕອນເຊົ້າວັນທີ 13 ມັງກອນ, ທ່ານ Tony Smith ປະທານສະພາຕໍ່າ ອົດສະຕາລີ - ປະທານກອງປະຊຸມ APPF-28 ຢັ້ງຢືນວ່າ ເຫດການສໍາຄັນນີ້ ແມ່ນສ່ວນໜຶ່ງຂອງໂຄງການສາກົນ ເຊິ່ງສະພາແຫ່ງຊາດອົດສະຕາລີ ພວມຜັນຂະຫຍາຍ, ຊ່ວຍຊຸກຍູ້ຄວາມເຂົ້າໃຈ, ແບ່ງປັນຄວາມຮູ້ ແລະ ພັດທະນາປະຊາທິປະໄຕກັບບັນດາລັດຖະສະພາຂອງປະເທດບ້ານໃກ້ເຮືອນຄຽງ.

ແລະກໍໃນວັນດຽວກັນ, ຄະນະຜູ້ແທນສະພາແຫ່ງຊາດຫວຽດນາມ ໄດ້ເຂົ້າຮ່ວມກອງປະຊຸມ ແລະ ກ່າວຄໍາປາໄສທີ່ກອງປະຊຸມສະມາຊິກລັດຖະສະພາເພດຍິງ APPF ແລະ ກອງປະຊຸມຮຽບຮຽງມະຕິສະບັບຕ່າງໆ.

ກອງປະຊຸມ APPF-28 ໄດ້ດໍາເນີນແຕ່ວັນທີ 13 – 16 ມັງກອນ, ໂດຍມີການເຂົ້າຮ່ວມຂອງ 19 ຄະນະຜູ້ແທນລັດຖະສະພາຂອງບັນດາປະເທດສະມາຊິກ ແລະ ລັດຖະສະພາ 10 ປະເທດສັງເກດການຂອງ APPF. ດ້ວຍຫົວຂໍ້ “ການພົວພັນຄູ່ຮ່ວມມືລັດຖະສະພາໃນປີ 2020 ແລະ ໃນໄລຍະຈະມາເຖິງ”, ກອງປະຊຸມລວມມີ 4 ວາລະປະຊຸມ: ກອງປະຊຸມສະມາຊິກລັດຖະສະພາເພດຍິງ APPF ແລະ 3 ວາລະປະຊຸມປຶກສາຫາລື ກ່ຽວກັບບັນດາບັນຫາດ້ານການເມືອງ ແລະ ຄວາມໝັ້ນຄົງ; ບັນດາບັນຫາຮ່ວມມືໃນພາກພື້ນ ອາຊີ - ປາຊີຟິກ.

(ແຫຼ່ງຄັດຈາກ VOV)

ການຮ່ວມມືຢ່າງແໜ້ນແຟ້ນລະຫວ່າງສະຖາບັນຍຸຕິທຳ ຫວຽດນາມ ແລະ ສະຖາບັນຍຸຕິທຳແຫ່ງຊາດ ລາວ

29/12/2025
ຂ່າວສານ

ບົນພື້ນຖານການພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງສອງປະເທດ ຫວຽດນາມ - ລາວ, ກວ່າ 2 ທົດສະວັດຜ່ານມາ, ສະຖາບັນຍຸຕິທຳ ຫວຽດນາມ ແລະ ສະຖາບັນຍຸຕິທຳລາວ ໄດ້ພ້ອມກັນຂຽນຕໍ່ເລື່ອງລາວທີ່ດີງາມກ່ຽວກັບການແບ່ງປັນພູມປັນຍາ, ການໜູນຊ່ວຍເຊິ່ງກັນແລະກັນ ໃນພາລະກິດ ກໍ່ສ້າງຖັນແຖວພະນັກງານກົດໝາຍໃຫ້ໝັ້ນຄົງເຂັ້ມແຂງ. ຈາກບັນດາການຢ້ຽມຢາມຄັ້ງທຳອິດ, ບັນດາຊຸດຮຽນທີ່ງ່າຍດາຍໃນຕົ້ນຊຸມປີ 2000, ຕະຫຼອດຮອດບັນດາໂຄງການຮ່ວມມືຂະໜາດໃຫຍ່, ການພົວພັນນັ້ນໄດ້ຮັບການເພີ່ມພູນຄູນສ້າງຢ່າງບໍ່ຢຸດຢັ້ງດ້ວຍນ້ຳໃຈສະຫາຍ, ອ້າຍນ້ອງທີ່ສະໜິດຕິດພັນ.